Gujarati News

કપડવંજ:તાલુકાના આંતરોલી સીમમાંથી નર્મદા નહેર પસાર થાય છે. જેમાં આંતરોલી કૈલાસનગર પુલ નજીક પાણીમાં આજે સવારે એક લાશ તરતી જોવા મળી હતી. આ બનાવની જાણ થતાં લોકોના ટોળેટોળાં સ્થળ પર ઉમટી પડ્યા હતા. આ બનાવની જાણ થતાં આંતરસુબા પોલીસે ઘટનાસ્થળે દોડી જઈ લાશ બહાર કઢાવી હતી.

આ અજાણ્યો પુરુષ આશરે ૫૦થી ૫૫ વર્ષનો હોવાનું જણાઈ આવેલ છે. પરંતુ અજાણ્યો પુરુષ કોણ છે, તેણે આપઘાત કર્યો કે તણાઈ ગયો તે અંગેની કોઈ જાણકારી મળેલ નથી.

આ બનાવ અંગે શૈલેષભાઈ ગધાભાઈ રાઠોડ (રે. આંતરોલી)એ જાણ કરતાં આંતરસુંબા પોલીસે અકસ્માતે મોતનો ગુનો નોંધી કાયદેસર કાર્યવાહી હાથ ધરી છે.