Gujarati News

Gujarati News

News of Saturday, 10th April 2021

વડોદરા:બ્યુટી પાર્લર ચલાવતી મહિલાને ઓળખીતા સોનીને પૈસા ઉછીના આપવા ભારે પડયા:16 લાખ ની છેતરપિંડી આચરનાર વિરુદ્ધ ગુનો દાખલ

વડોદરા : બ્યૂટિ   પાર્લર ચલાવતી  એક મહિલાએ ઓળખીતા સોનીને હાથ ઉછીના આપેલા ૧૬ લાખ રૃપિયા પરત આપ્યા નહતા.જે અંગે મહિલાએ સિટિ પોલીસ સ્ટેશનમાં ફરિયાદ નોંધાવતા પોલીસે ગુનો દાખલ કરી  વધુ તપાસ હાથ ધરી છે.

વાઘોડિયા ડભોઇ રીંગરોડ પર હરિ સાંઇ શરણમમાં રહેતા અને બ્યૂટિ પાર્લર ચલાવતા સોનલબેન રાજેશભાઇ જીંગરે પોલીસને જણાવ્યુ છે કે,અમે અગાઉ ફતેપુરા ચાર રસ્તા પાસે રહેતા હતા.ફતેપુરા વિનય વિદ્યાલયની બાજુમાં મહાલક્ષ્મી જ્વેલર્સ નામની દુકાન ધરાવતા અમારા જૂના સોની નંદકિશોર ઉર્ફે નદીયાભાઇ સોની પાસેથી અમે દાગીના ખરીદતા હતા.અને તેમની સાથે અમારે ઘર જેવો સંબંધ હતો.નંદકિશોરે એકવખત વાત કરી હતી કે,મારે ધંધાના કામ માટે પૈસાની જરૃરિયાત છે.જેથી,મેં માર્ચ-૨૦૧૮ થી નવેમ્બર-૨૦૧૯ સુધી ટૂકડે ટૂકડે કરીને અમુક રૃપિયા ઓનલાઇન ટ્રાન્સફર કર્યા હતા.અને કુલ રૃપિયા ૧૬ લાખ મેં નંદકિશોરને આપ્યા  હતા.તેની સામે નંદકિશોરે મને ૧૦ લાખ તથા ૫ લાખના બે ચેક આપ્યા  હતા.અને બાંહેધરી કરાર કરી આપ્યો હતો.ત્યારબાદ મેં અવાર-નવાર રૃપિયાની ઉઘરાણી કરી હતી.પરંતુ,સોનીએ  મને મારા  રૃપિયા આપ્યા નહતા.અને ચેક પણ એકાઉન્ટમાં જમા કરાવવાની ના પાડી હતી.હાલમાં કોરોનાની મહામારીના કારણે હું મારી બ્યૂટિ પાર્લરની દુકાનનું ભાડુ ચૂકવી નહી શકતા દુકાન માલિકે દુકાન ખાલી કરાવી દીધી છે.અને હાલમાં અમારે કોઇ આવક નથી.

(4:42 pm IST)
  • લોકડાઉનના ડરના કારણે સૌરાષ્ટ્રવાસીઓ અને પરપ્રાંતીયોએ સુરતથી પોતાના વતન તરફ દોટ મૂકી access_time 4:44 pm IST

  • 651 કરોડ રૂપિયાની સંપત્તિ ધરાવતા પૂર્વ નક્સલી નેતા બિનોયકુમાર દાસ ચૂંટણીના મેદાનમાં : પશ્ચિમ બંગાળના રાયગંજ જિલ્લાના કરનદીધી વિધાનસભાના અપક્ષ ઉમેદવાર બિનોયકુમાર પાસે અધધ સંપત્તિ હોવા છતાં ભાડાના મકાનમાં રહે છે : નક્સલવાદીઓની રોટી ,કપડાં ,અને મકાનની માંગણી પુરી થતી ન હોવાથી મૂડીપતિઓના સહયોગથી આંદોલન કરતા હોવાનું મંતવ્ય access_time 11:48 am IST

  • કોરોનાનો કહેર વધતા દિલ્હી સરકારની નવી ગાઇડલાઇન જાહેર : લગ્નમાં 50 અને અંતિમ સંસ્કારમાં 20 લોકોને મંજૂરી : મહારાષ્ટ્રથી હવાઇ માર્ગે દિલ્હી આવતા તમામ મુસાફરોએ 72 કલાક જૂનો પોતાનો આરટીપીસીઆર નેગેટિવ રિપોર્ટ બતાવવાનો રહેશે: તમામ પ્રકારના સામાજિક, રાજકિય, સાંસ્કૃતિક, રમત ગમત, મનોરંજન, ધાર્મિક અને તહેવાર સંબંધી મેળાવડા પર પ્રતિબંધ access_time 12:41 am IST