Gujarati News

Gujarati News

News of Saturday, 10th April 2021

દહેજ અત્યાચાર : છેલ્લા ત્રણ વર્ષમાં દહેજના કારણે ૧૨૩ યુવતિની આત્મહત્યા

દહેજ સંબંધિત ઘટનાઓ સૌથી વધારે અમદાવાદ અને સુરત જેવા મહાનગરોમાં નોંધાઇ હતી

અમદાવાદ તા. ૧૦ : એકવીસમી સદી અને ખભેથી ખભો મીલાવી ચાલવાની વાતો કરતા યુગમાં પણ દહેજના કારણે યુવતિઓ આત્મહત્યા કરે તો અરેરાટી થવી સ્વાભાવિક છે. આજેપણ દહેજના લાલચુઓ તેમની નાપાક હરકતોથી બાજ નથી આવતાં. થોડા દિવસ પહેલા જ વટવાની આઇશાએ આત્મહત્યા કરી લીધી હતી  તેણ વીડિયો બનાવ્યો હતો જે ખુબ વાયરલ પણ થયો હતો. આવા વીડિયો યુવતિઓની વેદનાને અને દહેજ લેતા લોકોના ઇરાદા સ્પષ્ટ કરે છે.

ગુજરાતમાં છેલ્લા ત્રણ વર્ષમાં ૧૮૪ દિકરીઓએ આત્મહત્યા કરી છે. ૨૦૧૭-૧૮માં ૭૪ ૨૦૧૮-૧૯માં ૬૧ અને વર્ષ ૨૦૧૯-૨૦માં ૪૯ દિકરીઓએ આત્મહત્યા કરી લીધી હતી. દહેજ સંબધિત ઘટનાઓ સૌથી વધારે અમદાવાદ અને સુરત જેવા મહાનગરોમાં નોંધાઇ હતી.

દહેેજની ઘટનાઓના કેસો અમદાવાદ અને સુરતમાં મોખરે છે. અમદાવાદમાં ૨૦૧૮-૧૯માં ૧૬ ૨૦૧૯-૨૦માં ૧૧ દિકરીઓએ આત્મહત્યા કરી, જયારે સુરતમાં ૨૦૧૮-૧૯ અને ૨૦૧૯-૨૦માં ૧૪-૧૪ દિકરીઓઅ આત્મહત્યા કરી હતી.

જયારે પણ દહેજની ઘટના સામે આવે કે તેવી કોઇ પણ યુવતિ વીશે જાણકારી મળે તો સામાજીક સંસ્થાઓ અને લોકો રસ્તા પર તેના ન્યાય માટે ઉતરી જાય છે. પરંતુ થોડા સમયમાં બધુ રાબેતા મુજબ થઇ જાય છે. માટે જ આવી ધટનાઓ વધી રહી છે. ફેમીલી ફોર્ટના વકીલ પૂજા  કહે છે કે જયાં સુધી માતા-પિતા દિકરીઓને વસ્તુઓના નામે દહેજ આપતા રહેશે ત્યાં સુધી આવી ઘટનાઓ બંધ નહીં થાય. દિકરીઓને આપવુ જ છે તો તમારે તેના નામના બોન્ડ કે બેન્કમાં ફીકસ રકમ મુકવી જોઇએ જે તેના ખરાબ સમયમાં કામ આવે અને સાથે જ તેને પગભર પણ બનાવે.

વર્તમાન સમયમાં દહેજની વાત કરવી પણ સૌની માટે શરમની વાત છે કારણ કે આજે તો દિકરીઓ જીવનના કોઇ પણ ક્ષેત્રે પાછળ નથી.

(11:44 am IST)
  • ભારત વિશ્વમાં 10 કરોડ રસીઓ વહન કરનાર સૌથી ઝડપી દેશ બની ગયો છે. કોરોના વાયરસ સામે રસીકરણ અભિયાનના 85 માં દિવસે શનિવારે ભારતે આ સ્થાન પ્રાપ્ત કર્યું છે. અમેરિકાને આટલી રસી લાવવામાં 89 અને ચીનને 102 દિવસનો સમય લાગ્યો હતો. કેન્દ્રીય આરોગ્ય મંત્રાલયે આ માહિતી આપી હતી. મંત્રાલય મુજબ, દૈનિક રસીકરણના મામલામાં ભારત ટોચ પર છે. access_time 12:22 am IST

  • પશ્ચિમ બંગાળમાં વિધાનસભાની ચૂંટણીમાં બપોરે 12 વાગ્યા સુધીમાં 34 ટકા મતદાન : ચૂંટણી પંચના જણાવ્યા મુજબ પશ્ચિમ બંગાળ વિધાનસભા ચૂંટણીના ચોથા તબક્કામાં બપોરે 12 વાગ્યા સુધીમાં 33.98 ટકા મતદાન થયું છે. access_time 1:23 pm IST

  • 651 કરોડ રૂપિયાની સંપત્તિ ધરાવતા પૂર્વ નક્સલી નેતા બિનોયકુમાર દાસ ચૂંટણીના મેદાનમાં : પશ્ચિમ બંગાળના રાયગંજ જિલ્લાના કરનદીધી વિધાનસભાના અપક્ષ ઉમેદવાર બિનોયકુમાર પાસે અધધ સંપત્તિ હોવા છતાં ભાડાના મકાનમાં રહે છે : નક્સલવાદીઓની રોટી ,કપડાં ,અને મકાનની માંગણી પુરી થતી ન હોવાથી મૂડીપતિઓના સહયોગથી આંદોલન કરતા હોવાનું મંતવ્ય access_time 11:48 am IST