Gujarati News

Gujarati News

News of Saturday, 10th April 2021

માનવતાને શર્મસાર કરતો ભ્રષ્ટ્રાચાર:સુરત અશ્વિનીકુમાર સ્મશાનમાં લાંચ : અગ્નિદાહ કરવા પણ રૂપિયા આપે તેનો વહેલો નંબર આવે !!

હર્ષભાઈ ગુજર નામના સોશ્યલ વર્કરના વિડીયો જોઈને લોકો સુરતના સ્મશાન તંત્ર પર ફિટકાર વરસાવી રહ્યા છે

સુરત : રાજ્યમાં અને દેશમાં ભ્રષ્ટ્રચાર એ જાણે શિષ્ટાચાર બની ગયો છે રૂપિયા આપ્યા વગર કોઈ કામ નથી, એ સર્વવિદિત છે ત્યારે માનવતાને પણ શર્મસાર કરે એવો ભ્રષ્ટ્રાચાર બહાર આવ્યો છે રાજ્યમાં અને ખાસકરીને સુરતમાં કોરોનાએ હાહાકાર મચાવ્યો છે, હોસ્પિટલોમાં જગ્યા મળતી નથી એવી વિકટ સ્થિતિ સર્જાઈ છે સરકાર હોસ્પિટલોમાં બેડ વધારી રહી છે પરંતુ હવે મહાનગરોમાં સ્મશાનમાં પણ લાઈનો લાગવા માંડી છે ત્યારે સુરતના અશ્વિનીકુમાર સ્મશાનમાં અગ્નિદાહ કરવા પણ રૂપિયા આપવા પડે તેવા વ્યૂઝલ માનવતાને પણ શર્મસાર કરનારા છે લોકો આ વિડિઓ જોઈને ફિટકાર વરસાવી રહ્યા છે

લાશો ઉપર પણ પેસા કમાય લેવા તત્પર આવા તત્વો જાણે  માનવતા મરી પરવારી હોય તેમ

નાણાં લેતા હોય છે સુરતના અશ્વિનીકુમાર સ્મશાનમાં  અગ્નિદાહ કરવામાં પણ ભ્રષ્ટાચારની વાતે ફરી વિવાદમાં આવ્યું છે

 આરોગ્ય મંત્રીના શહેરની આવી હાલત છે ત્યાં બીજે શું દશા હશે એ કલ્પના કરવી મુશ્કેલ છે કતારગામ વિસ્તારમાં આવેલ અશ્વિનીકુમાર સ્મશાનમાં અગ્નિદાહ કરવાના રૂપિયા   આપો એટલે વહેલો નંબર આવે છે તેવા આક્ષેપ થયા છે મૃતદેહને અગ્નિદાહ કરવાના 1000 થી 2000 રૂપિયા લેવાય છે તેવો લોકો આક્ષેપ કરી રહ્યાં છે જે લોકો રૂપિયા આપે તેને પહેલા મૃતદેહ અગ્નિસંસ્કાર કરવા જવા દે તેવા આક્ષેપ થઇ રહ્યાં છે સવારથી આવેલા લોકો ને હજુ વારો નથી આવ્યો તેવો રોષ વ્યક્ત થઇ રહ્યાંનું સુરતથી હિરેન સોઢા જણાવે છે

(9:35 am IST)
  • તેલંગણાની વીમા તબીબી સેવા અને રાજ્ય કર્મચારી વીમા વિભાગ સાથે સંકળાયેલા રૂ. 200 કરોડના કૌભાંડ કેસમાં એન્ફોર્સમેન્ટ ડિરેક્ટોરેટે આજે હૈદરાબાદમાં સાત સ્થળો પર દરોડા પાડ્યા હતા. આ દરોડા દરમિયાન આશરે 3 કરોડની રોકડ, આશરે 1 કરોડની કિંમતના ઝવેરાત, કોરા ચેક, પ્રોપર્ટી ડોક્યુમેન્ટ્સ અને બેંકોના ઘણા લોકરો મળી આવ્યા હોવાનું જાણવા મળે છે. આ દરોડા એક પૂર્વ પ્રધાન અને તેના અંગત સહાયકના સબંધીઓ પર પણ પાડવામાં આવ્યા હતા. access_time 11:56 pm IST

  • SII ના આદર પૂનાવાલાના કોરોના રસી ઉત્પાદન ના નિવેદન અંગે એમ્સના ડાયરેક્ટર ડો. રણદીપ ગુલેરિયાએ જવાબ આપતા કહ્યું કે એન્ટી-કોરોના રસી માટેના પુરવઠા વિશે જાણકારી રાખવી એ કોઈ 'રોકેટ સાયન્સ' નથી કે તમારે તેના ઉત્પાદન માટે રાહ જોવી જોઈએ. તેમણે કહ્યું કે રસી નિર્માતાને ઉત્પાદન વિશેની તમામ જાણકારી હોવી જોઈએ. ઉત્પાદકોને ફક્ત ભારત જ નહીં, પરંતુ બાકીના વિશ્વને પણ સપ્લાય (જરૂરિયાત) વિશે જાગૃત હોવું જોઈએ. એમ કહેવા માટે કે તેઓ હવે ઉત્પાદન શરૂ કરશે, તે આશ્ચર્યજનક છે. access_time 11:48 pm IST

  • પશ્ચિમ બંગાળમાં વિધાનસભાની ચૂંટણીમાં બપોરે 12 વાગ્યા સુધીમાં 34 ટકા મતદાન : ચૂંટણી પંચના જણાવ્યા મુજબ પશ્ચિમ બંગાળ વિધાનસભા ચૂંટણીના ચોથા તબક્કામાં બપોરે 12 વાગ્યા સુધીમાં 33.98 ટકા મતદાન થયું છે. access_time 1:23 pm IST