Gujarati News

Gujarati News

News of Wednesday, 10th February 2021

ગાંધીનગરમાં રિક્ષામાં મુસાફરના સ્વાંગમાં વરલી મટકાનો જુગાર રમતા શખ્સને પોલીસે ઝડપી પાડ્યો

ગાંધીનગર:શહેર જિલ્લામાં જુગારની બદી અટકાવવા માટે પોલીસ દ્વારા દોડધામ કરવામાં આવી રહી છે ત્યારે સે-ર૧ પોલીસે બાતમીના આધારે સે-ર૪ પાસેથી રીક્ષામાં મુસાફરના સ્વાંગમાં વરલીનો જુગાર લખતાં એક શખ્સને ઝડપી પાડયો હતો અને વલણ લેનારને પણ ઝડપી લીધો હતો. જયારે ગોઝારીયાના જયગુરૃદેવ નામના શખ્સને વોન્ટેડ જાહેર કરવામાં આવ્યો છે. 

ગાંધીનગર શહેર અને આસપાસના વિસ્તારમાં વરલીનો જુગાર દીનપ્રતિદિન વધી રહયો છે ત્યારે પોલીસ આ જુગારની પ્રવૃતિ ડામવા માટે બાતમીદારોને સક્રિય કરી ઠેકઠેકાણે દરોડા પણ પાડી રહી છે. ત્યારે સે-ર૧ પોલીસ પેટ્રોલીંગમાં હતી ત્યારે બાતમી મળી હતી કે ટાટા ચોકડીથી ઘ-૬ તરફ એક રીક્ષા નં.જીજે-૧૮-એવાય-૭૯૫૬માં તુષારસિંહ કનુસિંહ વાઘેલા રહે.કોલવડા કાકાનો માઢ રીક્ષામાં પેસેન્જર તરીકે બેસી વરલી મટકાનું તેના ગ્રાહકો પાસેથી લઈ વલણ બીજા ગ્રાહકોને વલણ લેવા પસાર થવાનો છે. જે બાતમીના પગલે પોલીસ ટીમે સે-ર૪ ચોકડી પાસે વોચ ગોઠવી હતી અને બાતમીવાળી રીક્ષા આવતાં તેને ઉભી રાખી હતી અને તેમાંથી તુષારસિંહને ઝડપી લીધો હતો. જેની પાસેથી એક મોબાઈલ અને બે હજાર રૃપિયા રોકડા તેમજ મોબાઈલમાં જુદાજુદા વરલીના આંક મળી આવ્યા હતા. જે વરલી મટકાનું વલણ ગોઝારીયાના જયગુરૃદેવને લખાવતો હોવાનું તેમજ કોની પાસેથી વલણ લેતો હતો તે બાબતે પુછપરછ કરતાં વિષ્ણુજી સુરાજી ઠાકોર કોલવડા પાસેથી લેતો હોવાનું અને જે હાલ ટાટા ચોકડી પાસે હોવાનું કહેતા પોલીસે તેને પણ ઝડપી લીધો હતો. જયારે જયગુરૃદેવ સામે પણ ગુનો નોંધી કાયદેસરની કાર્યવાહી હાથ ધરવામાં આવી હતી.

(5:20 pm IST)
  • જહોન્સન એન્ડ જહોન્સનને ભારતમાં વેકિસન બનાવવી છે ભારતે કહ્યુ છે કે જહોન્સન એન્ડ જહોન્સન કંપની ભારતમાં તેની કોવિડ વેકસીનનું ઉત્પાદન કરવા માંગે છે access_time 10:15 am IST

  • ઇન્ડીગોના નવા સીએફઓ ચોપ્રા ઇન્ડીગોના સીએફઓ આદિત્ય પાંડેએ રાજીનામુ આપતા નવા સી.એફ.ઓ તરીકે જીતેન ચોપ્રાની વરણી ૨૨ ફેબ્રુઆરીથી ચાર્જ સંભાળશે access_time 10:15 am IST

  • મહાકાલેશ્વર મંદિરની ભસ્મ આરતીના દર્શન 15 માર્ચથી કરી શકાશે : ઉજ્જૈનમાં આવેલા સુપ્રસિદ્ધ જ્યોતિર્લિંગ મહાકાલેશ્વરમાં દરરોજ સવારે થતી ભસ્મ આરતીમાં દર્શનાર્થીઓને શામેલ થવા દેવા કમિટીનો નિર્ણય : શયન આરતીના દર્શનનો સમય રાત્રીના 10-15 વાગ્યા સુધીનો કરાયો access_time 6:42 pm IST