Gujarati News

Gujarati News

News of Wednesday, 10th February 2021

વીરપુર નગરમાં ગટરલાઈનોમાંથી પાણી ફુવારાની જેમ ઉછળતા સ્થાનિક લોકોના સ્વાસ્થ્યને જોખમ

વિરપુર:નગરમાં મોટાભાગની ગટરલાઈનોમાંથી પાણી ફુવારાની જેમ ઊછળી રહ્યું હોવાની ફરિયાદો ઊઠી છે. સ્થાનિકો સતત ઊભરાતી અને તૂટેલી ગટરલાઈનોના ત્રાસથી ત્રાહિમામ પોકારી  રહ્યા છે. નગરમાં ઠેરઠેર જાહેર માર્ગો પર ગટરનાં પાણી ફરી વળેલાં જોવાં મળે છે. ત્યારે આ ગંભીર સમસ્યાનો સત્વરે ઉકેલ લાવવા માંગ ઉઠી છે.વિરપુરના જાગ્રત નાગરિકો આક્રોશપૂર્વક જણાવે છે તે પ્રમાણે રાજ્ય સરકાર દ્વારા સ્થાનિક સ્તરે વિકાસકાર્યો કરવા માટે અનેક યોજનાઓ અમલમાં હોવા છતાં વિરપુરમાં તેનો લાભ લેવાનું સ્થાનિક તંત્રને હજી સૂઝ્યું નથી. સ્થાનિકોના જણાવ્યા પ્રમાણે વિરપુર નગરમાં  એક પણ ગટરલાઈન એવી નથી, જેમાં ભંગાણ કે ચોકઅપ ન સર્જાયા હોય. ભયંકર ગંદકી વચ્ચે વિરપુરવાસીઓ રોગચાળાના ભય વચ્ચે જીવી રહ્યા છે. કોરોનાની મહામારીનો સમય હજી પૂરો થયો નથી તેવામાં સ્થાનિક તંત્રને રહેવાસીઓના સ્વાસ્થ્યની કોઈ ચિંતા હોય એમ લાગતું નથી. મળતી માહિતી પ્રમાણે શહેરના મોટા ભાગના જાહેર માર્ગો ગટરના ગંદા પાણીથી છલકાઈ રહ્યા છે અને ગટરલાઈનો ખંડેર હાલતમાં છે. જાગ્રત નાગરિકો દ્વારા સ્થાનિક તંત્રમાં અનેકવાર રજૂઆતો કરવામાં આવી હોવા છતાં હજી કોઈ પગલાં ભરાયાં નથી.

(5:19 pm IST)
  • કોંગ્રેસ પછી ભાજપે પણ થ્રી લાઇનનો વ્હીપ આપ્યો આજે સંસદમાં આખો દિવસ હાજર રહેવા અને સરકારના સ્ટેન્ડને સમર્થન આપવા ભાજપે તેના સંસદ સભ્યોને થ્રી લાઇન વ્હીપ આપેલ છે. access_time 10:16 am IST

  • દેશમાં કોરોના થાક્યો :નવા કેસ કરતા સ્વસ્થ થનારની સંખ્યામાં વધારો:એક્ટિવ કેસના આંકમાં સતત ઘટાડો: રાત્રે 11 વાગ્યા સુધીમાં કોરોનાના નવા 10,510 કેસ નોંધાયા :કુલ કેસની સંખ્યા 1, 08,58,300 થઇ :એક્ટિવ કેસ 1,38,834 થયા: વધુ 12,699 દર્દીઓ સ્વસ્થ થતા કુલ 1,05 ,59, 604 થયા :વધુ 85 લોકોના મોત સાથે કુલ મૃત્યુઆંક 1,55,280 થયા access_time 1:06 am IST

  • કેન્દ્ર શાસિત પ્રદેશ દાદરા નગર હવેલી, દમણ અને દીવ સંપૂર્ણપણે કોરોના મુક્ત સંઘ પ્રદેશ બન્યા: સમગ્ર દેશમાં સૌથી વધુ રિકવરી રેટ સાથે સંઘ પ્રદેશ અગ્રેસર :દિવમાં પ્રવાસન શરૂ હોવા છતાં 100 ટકા રિકવરી રેટ : સંઘ પ્રદેશ વહીવટી તંત્રે નાગરિકોના સહયોગને બિરદાવ્યો access_time 12:00 pm IST