Gujarati News

Gujarati News

News of Wednesday, 10th February 2021

સિટી પોલીસે કોસંબા ગામે મહિલા બુટલેગરના ઘરમાંથી રૂ. 27,450નો દારૂનો જથ્થો પકડી પાડ્યો

વલસાડ એસપી ડો રાજદિપસિંહ ઝાલાની સૂચના અને માર્ગદર્શન મુજબ દારૂની બદી દુર કરવા સિટી પીઆઇ વી. ડી. મોરીએ શરૂ કરેલા અભિયાનમાં કોન્સ્ટેબલ રાજકુમાર ઉપાધ્યાયની બાતમીના પગલે મહિલા પીએસઆઇ એસ. કે. વસાવા, હેડ કોન્સ્ટેબલ ઇશ્વરભાઇ, કોન્સ્ટેબલ કિરીટસિંહ, હરદિપસિંહ અને ઘનશ્યામસિંહે દરોડો પાડ્યો

(કાર્તિક બાવીશી દ્વારા )વલસાડ શહેરમાં દારૂના વેચાણ બંધ કરવા સિટી પોલીસે હાથ ધરેલા અભિયાન અંતર્ગત કોસંબા ગામે એક ઘરમાં દરોડો પાડી રૂ. 27450નો દારૂ પકડી પાડ્યો હતો. વલસાડ એસપી રાજદિપસિંહ ઝાલાની સૂચના અને માર્ગદર્શન મુજબ દારૂની બદી દુર કરવા સિટી પીઆઇ વી. ડી. મોરીએ શરૂ કરેલા અભિયાનમાં કોન્સ્ટેબલ રાજકુમાર ઉપાધ્યાયની બાતમીના પગલે મહિલા પીએસઆઇ એસ. કે. વસાવા, હેડ કોન્સ્ટેબલ ઇશ્વરભાઇ, કોન્સ્ટેબલ કિરીટસિંહ, હરદિપસિંહ અને ઘનશ્યામસિંહે મળી કોસંબા ગામે દિવાદાંડી જલારામ સ્ટ્રીટ ખોડિયાર મંદિર સામે રહેતા મયુરીબેન સચીનકુમાર ટંડેલના ઘરે દરોડો પાડ્યો હતો. તેમના ઘરમાંથી તેમણે રૂ. 27,450ની કિંમતની દારૂની 180 બોટલો પકડી પાડી હતી. જોકે, દારૂ વેંચનારી મયુરીબેન નહી મળતાં પોલીસે તેને વોન્ટેડ જાહેર કરી હતી.

(1:16 pm IST)
  • ઇન્ડીગોના નવા સીએફઓ ચોપ્રા ઇન્ડીગોના સીએફઓ આદિત્ય પાંડેએ રાજીનામુ આપતા નવા સી.એફ.ઓ તરીકે જીતેન ચોપ્રાની વરણી ૨૨ ફેબ્રુઆરીથી ચાર્જ સંભાળશે access_time 10:15 am IST

  • જહોન્સન એન્ડ જહોન્સનને ભારતમાં વેકિસન બનાવવી છે ભારતે કહ્યુ છે કે જહોન્સન એન્ડ જહોન્સન કંપની ભારતમાં તેની કોવિડ વેકસીનનું ઉત્પાદન કરવા માંગે છે access_time 10:15 am IST

  • રાજકોટ જીલ્લા પંચાયતની ૩૬ બેઠકોમાં ફોર્મ ભરવાના શ્રીગણેશ : આજે બપોરે અઢી વાગ્યે રાજકોટ જીલ્લા પંચાયતની ૧૪ - કસ્તુરબાધામ બેઠક ઉપર બીએસપીએ ઝૂકાવ્યુ છે : પક્ષમાં કરશનભાઈ લક્ષ્મણભાઈ પરમારે રીટર્નીંગ ઓફીસર ચરણસિંહ ગોહીલ સમક્ષ ફોર્મ રજૂ કર્યુ હતું : રાજકોટ જીલ્લા પંચાયત ચૂંટણીમાં બસપાએ ખાતુ ખોલાવ્યુઃ ૧ ફોર્મ ભરાયું : જીલ્લા પંચાયતની ચૂંટણી માટે આજે ૧૪-કસ્તુરબાધામ (ત્રંબા)માંથી બસપાના કરશનભાઈ લક્ષ્મણભાઈ પરમારે ફોર્મ ભર્યુ access_time 3:56 pm IST