Gujarati News

Gujarati News

News of Wednesday, 10th February 2021

નિયત ગાઇડલાઇન મુજબ ટિકીટ નથી અપાઇ !

કોંગ્રેસના મોટા લોકોએ પોતાના માણસોને ટિકીટો આપવા દબાણ કર્યું : રાતોરાત નામ ફેરવાયા

રાજકોટ તા. ૧૦ : રાજયમાં સ્થાનિક સ્વરાજયની ચૂંટણીમાં કોંગ્રેસે વ્હાલાં દવલાની નીતિ અપનાવી ટિકીટ આપી હોવાનો આક્ષેપ થઇ રહ્યો છે. ત્યારે હવે ખુદ કોંગ્રેસના જ નિરીક્ષક દિપક બાબરીયાએ નક્કી કરેલી ગાઇડલાઇન મુજબ ઉમેદવારોને ટિકીટ ન અપાઇ હોવાનું સ્વીકારતા કોંગ્રેસમાં હડકંપ મચ્યો છે. અમદાવાદમાં નિરીક્ષકોએ તૈયાર કરેલી પેનલો રાતોરાત બદલાઇ હોવાનો તેમજ ૨૦ પેનલોમાં ઉમેદવારો બદલાયા હોવાનો આક્ષેપ થયો છે.

આ મામલે દિપક બાબરીયાએ કાર્યકર્તાઓને સંબોધીને પત્ર લખ્યો છે કે, જેમાં તેમણે યોગ્ય અને સક્ષમ ઉમેદવારોને ટિકીટ ન અપાવી શકવા બદલ અફસોસ વ્યકત કર્યો છે. સાથે જ તેમણે કાર્યકરોની આશા અને અપેક્ષાઓ પૂર્ણ ન કરવા બદલ દિલગીરી વ્યકત કરી છે. 'દરેક ૨૫ બુથ દીઠ એક ઉમેદવાર નક્કી કરાયા હતાં. બે વખત હારેલા તેમજ અન્ય પક્ષમાંથી આવેલાઓને ટિકીટ આપવામાં નહીં આવે તેવું પણ નક્કી કરાયું હતું. પરંતુ નક્કી કરેલા ધોરણો મુજબ કોંગ્રેસના ઉમેદવાર પસંદ ન થયા. કોંગ્રેસના મોટા આગેવાનોએ તેમના માણસોને ટિકીટ આપવા દબાણ કર્યું. આથી નિરીક્ષકોએ આપેલા નામો રાતોરાત પ્રદેશ નેતાઓએ બદલી નાંખ્યા. પરિણામે ભલામણ કરનાર કમિટી તરીકે અમે યોગ્ય ઉમેદવાર ન આપી શકયાં.'

જો કે દિપક બાબરીયાએ ઉમેદવારીપત્ર ભરવાની સંપૂર્ણ પ્રક્રિયા પૂર્ણ થયા બાદ જ કેમ પત્ર લખ્યો તે સવાલ ઉઠી રહ્યો છે. જો યોગ્ય ઉમેદવારોને ટિકીટ ન અપાઇ હોય તો તેઓ જયારે તેમને ટિકીટ અપાઇ ત્યારે જ કેમ કોઇ પ્રકારનો વિરોધ ન નોંધાવ્યો.

(11:41 am IST)
  • કેન્દ્ર શાસિત પ્રદેશ દાદરા નગર હવેલી, દમણ અને દીવ સંપૂર્ણપણે કોરોના મુક્ત સંઘ પ્રદેશ બન્યા: સમગ્ર દેશમાં સૌથી વધુ રિકવરી રેટ સાથે સંઘ પ્રદેશ અગ્રેસર :દિવમાં પ્રવાસન શરૂ હોવા છતાં 100 ટકા રિકવરી રેટ : સંઘ પ્રદેશ વહીવટી તંત્રે નાગરિકોના સહયોગને બિરદાવ્યો access_time 12:00 pm IST

  • જહોન્સન એન્ડ જહોન્સનને ભારતમાં વેકિસન બનાવવી છે ભારતે કહ્યુ છે કે જહોન્સન એન્ડ જહોન્સન કંપની ભારતમાં તેની કોવિડ વેકસીનનું ઉત્પાદન કરવા માંગે છે access_time 10:15 am IST

  • રાજકોટ મહાપાલિકા ચૂંટણીઃ હવે બુથ દીઠ ૪૦ને બદલે ૨૫ હજારનો ખર્ચઃ કોરોના અંગે હવે માત્ર મતદારો માટે મોજા લેવાનાઃ બાકીની તમામ વસ્તુઓ ગાંધીનગરથી આવશે : રાજકોટ મહાનગરપાલિકા ચૂંટણીમાં રાજ્ય ચૂંટણી પંચ દ્વારા ખર્ચના અસરકારક પગલાઃ હવે બુથ દીઠ ૪૦ને બદલે ૨૫ હજારનો ખર્ચઃ કોરોના સંદર્ભે હાથમોજા અને શોપ બોકસ લેવાના રહેશેઃ બાકી સેનેટાઈઝર, ફેસશિલ્ડ, માસ્ક વિગેરે તમામ વસ્તુ ગાંધીનગરથી ડાયરેકટ ફાળવાશેઃ રાજ્ય ચૂંટણી પંચ તરફથી આવેલી સૂચના access_time 3:05 pm IST