News of Saturday, 10th February 2018

નડિયાદ બાદ તસ્કરોએ ખેડા માતર રોડ પર દેવાધિ બ્લોસમને નિશાન બનાયું : પાંચ ફલેટોનાં તાળા તોડી ચાર અજાણ્યા તસ્કરો હજારોની મત્તાની ચોરી કરી ફરાર

નડિયાદ:  નડિયાદ શહેર બાદ તસ્કરોએ ખેડા માતર રોડ પર આવેલ દેવાધિ બ્લોસમને નિશાન બનાવી ગતરાત્રીના સુમારે પાંચ ફલેટોમાંથી ચાર અજાણ્યા તસ્કરો હજારોની મત્તાની ચોરી કરી ફરાર થઈ જતા ભારે ચકચાર મચી જવા પામી છે.પાંચ ફલેટધારકો પૈકી એક ફલેટધારકે પોલીસમાં અરજી આપી છે જ્યારે અન્ય ચારનો ઉલ્લેખ કરવામાં આવ્યો છે.પોલીસે અંગે અરજી લઈ વધુ તપાસ હાથ ધરી છે.

પ્રાપ્ત થતી માહિતી અનુસાર ખેડા માતર રોડ પર આવેલ દેવાધિ બ્લોસમમાં ગતરાત્રીના સમયે સામાજીક કે અન્ય કારણોસર બહારગામ ગયેલ પરિવારોના બંધ ફલેટમાં ચોરીનો બનાવ બનવા પામ્યો છે.જેને લઈને સ્થાનિકોએ વહેલી સવારે પોલીસને જાણ કરતા પોલીસ ઘટનાસ્થળે પહોંચી હતી અને ચોરી અંગેની અરજી લઈને આગળની કાર્યવાહી હાથ ધરી હતી.દેવાધિ ફ્લેટના નાગરિકોએ રજુઆત કરતા જણાવ્યું હતું કે પાંચ ફલેટોમાંથી મામુલી રકમોની ચોરી થઈ છે.જેમાં મોટાભાગે રોકડ સિવાય ઝવેરાત કે અન્ય કિંમતી વસ્તુઓ રાખતા હોવાનું જણાવ્યું હતું.સ્થાનિક રહીશોએ રાત્રીના પોલીસ પોઈન્ટ આપવામાં આવે તો ફરીથી આવી ઘટના બનતી અટકાવી શકાય. અંગે માતર પોલીસનો સંપર્ક કરતા અરજી આવી છે અને તેને લઈને બીટ જમાદારને આવીને આગળની કાર્યવાહી હાથ ધરશે.

માતર તાલુકાના સોખડા ગામની સીમમાં આવેલ ફલેટોમાં વહેલી સવારે ચોરી કરવા માટે અજાણ્યા ચોર ઈસમોએ ફલેટના દરવાજાનું તાળું તોડીને ઘરમાં પ્રવેશ કરીને ચોરી કરી હતી. જોકે પાંચ ફલેટો પૈકી એક ફલેટધારકે પોલીસે અરજી આપી હતી જ્યારે અન્ય ચારનો અરજીમાં ઉલ્લેખ કરવામાં આવ્યો હતો.તાજેતરમાં નડિયાદ શહેરમાં તરખાટ મચાવ્યા બાદ તસ્કરોએ માતરના ગ્રામીણ વિસ્તારમાં એકી સાથે પાંચ ફલેટના તાળા તોડયા છે.જેને લઈને સ્થાનિકો હાલ રાત્રીના સમયે ઉજાગરા કરતા હોવાનું નકારી શકાય નહીં.જેથી પોલીસે નાઈટ પેટ્રોલીંગ વધુ સઘન બનાવવું જોઈએ તેવી માંગણી પણ ઉગ્ર બનવા પામી છે.

(12:20 am IST)
  • પ્રતિબંધ છત્તા તેજાબના ખુલ્લેઆમ વેચાણ વિરૂદ્ધ થયેલી અરજી અંગે સુપ્રીમ કોર્ટે કેન્દ્ર અને રાજ્ય સરકારોને નોટિસ ફટકારી : સુપ્રીમ કોર્ટે કેન્દ્ર અને તમામ રાજ્ય સરકારો પાસેથી જવાબ માંગ્યો : અરજીમાં સર્વોચ્ચ ન્યાયાલયના આદેશનું ઉલ્લંઘન થતું હોવાનું કહેવાયું છે access_time 9:22 am IST

  • ગોવા સરકારના પ્રધાન વિજય સરસદેસાઈએ ઉત્તર ભારતીય પર્યટકોને લઈને વિવાદીત નિવેદન આપ્યું છે અને તેમને ધરતી પર ગંદગી ગણાવ્યા છે. વિજય સરદેસાઈએ કહ્યુ છે કે આ પર્યટકો ગોવાને હરિયાણા બનાવવા ચાહે છે. પોતાના સંબોધનમાં વિજય સરદેસાઈએ ઉત્તર ભારતીય પર્યટકોને મોટા પૂર સમાન ગણાવ્યા અને તેમણે ગોવાને બીજું ગુરુગ્રામ નહીં બનવા દેવાની વાત પણ કરી હતી. access_time 7:25 pm IST

  • ફિલ્મ મણીકર્ણિકાના નિર્માતાઓને મળી મોટી રાહત : બ્રાહ્મણ સમાજે ફિલ્મનો વિરોધ પાછો ખેંચ્યો : 5 ફેબ્રુઆરીના રોજ બ્રાહ્મણ સમાજએ કંગના રનૌતની આગામી ફિલ્મ 'મણીકર્ણિકા' સામે ઈતિહાસમાં ચેડાં કરવાનો દાવો કરીને વિરોધ કર્યો હતો : ફિલ્મ નિર્માતાઓનું આશ્વાશન મળ્યા બાદ બ્રાહ્મણ સમાજે પોતાનો વિરોધ પાછો લીધો હોવાનું જાણવા મળી રહ્યું છે access_time 12:46 am IST