Gujarati News

Gujarati News

News of Saturday, 10th February 2018

નાની ઢોલ ડુંગરી ખાતે પુત્ર દ્વારા પિતાની આંખોમાં મરચાની ભૂકી છાંટી ઢોર માર મરાયો

ધરમપુર : નાની ઢોલ ડુંગરી (ધરમપુર) ખાતે છુટાછેડા પછી બે દિકરા સાથે માવતરનાં ઘરે રહેતી માતાને ઠપકો આપનાર પિતાજીની આંખોમાં પુત્ર દ્વારા મરચાની ભુકી છાંટી અને ઢોર માર મારવાની ઘટનાની ફરીયાદ ધરમપુર પોલીસ મથકમાં નોંધાઇ છે.

ઘટના અંગે મળતી વિગતો એવી છે કે, ધરમપુર તાલુકાના નાની ઢોલડુંગરી ગામના જલારામ ફળિયામાં રહેતા હરેશ મોતીભાઇ પટેલ (..૪૪)ને તેની પત્ની સાથે અણબનાવ થતાં, ત્રણેક વર્ષ અગાઉ છૂટાછેડા થયાં હતાં. જે બાદ તેઓના બે પુત્રો રૃપેશ, (..૧૯) અને વિરલ (..૧૫) સાથે પત્ની પોતાના પિયરમાં રહેવા ચાલી ગઇ હતી. ગત તા.૫મીએ હરેશ પટેલ ગામમાંથી પસાર થઈ રહ્યા હતા તે વેળા પોતાના સાસરામાં, તેઓના ટેમ્પોની ચાવી માંગવા ગયાં હતાં. તે સમયે હાજર ઘરના સભ્યો પૈકી, તેમના મોટા પુત્ર દિપેશએ, અગાઉ માતા તેમના સસરાની પરજણવિધિમાં ગયેલા ત્યારે પિતાએ આપેલા ઠપકાની અદાવત રાખી, પિતા હરેશભાઇના આંખમાં મરચાંની ભૂકી નાંખીને ઢોર માર માર્યો હતો. તેથી પિતા હરેશભાઈના હાથ તથા માથામાં ગંભીર ઇજા પહોંચી હતી.

ત્યારબાદ હરેશ પટેલને ૧૦૮માં સરકારી હોસ્પિટલમાં લઇ જવાયા હતાં. જ્યાં સારવાર લીધી બાદ, પિતાએ શનિવારે પોતાના પુત્ર વિરુદ્ધ ધરમપુર પોલીસ મથકમાં ફરિયાદ નોંધાવતા, પોલીસે ગુનો નોંધી વધુ તપાસ હાથ ધરવામાં આવી હોવાનું જાણવા મળે છે.

(11:09 pm IST)
  • પંચમહાલના કાલોલમાં કેમીકલ છોડાતા પ્રદૂષણઃ વેજલપુરમાં બેરલમાંથી કેમીકલ ઢોળાતા લોકોની આંખોમાં બળતરા થવા લાગી હોવાની ફરીયાદ access_time 5:48 pm IST

  • ભારત - દક્ષિણ આફ્રિકા મહિલા થર્ડ વનડે : ડુ પ્રીઝે દક્ષિણ આફ્રિકાને જીત અપાવી : છતાં ટીમ ઈન્ડિયાએ શ્રેણી 2-1થી જીતી લીધી : સ્મૃતિ માંન્ધાનાને પ્લેયર ઓફ ધ સિરીઝ એવોર્ડ એનાયત કરવામાં આવ્યો access_time 12:56 am IST

  • ગોવા સરકારના પ્રધાન વિજય સરસદેસાઈએ ઉત્તર ભારતીય પર્યટકોને લઈને વિવાદીત નિવેદન આપ્યું છે અને તેમને ધરતી પર ગંદગી ગણાવ્યા છે. વિજય સરદેસાઈએ કહ્યુ છે કે આ પર્યટકો ગોવાને હરિયાણા બનાવવા ચાહે છે. પોતાના સંબોધનમાં વિજય સરદેસાઈએ ઉત્તર ભારતીય પર્યટકોને મોટા પૂર સમાન ગણાવ્યા અને તેમણે ગોવાને બીજું ગુરુગ્રામ નહીં બનવા દેવાની વાત પણ કરી હતી. access_time 7:25 pm IST