Gujarati News

Gujarati News

News of Saturday, 10th February 2018

બગોદરામાં પ્લોટની સ્કીમ બહાર પાડી 59.18 લાખની છેતરપિંડી આચરનાર શખ્સો વિરુદ્ધ ગુનો દાખલ

અમદાવાદ:બાવળામાં બગોદરા ગાર્ડન સિટી નામી પ્લોટની સ્કિમ બહાર પાડીને લોકો સાથે રૃ. ૫૯,૧૮,૦૦૦ ની છેતરપિંડી કરનારા હિમગીરી એશોશિએટ્સનાં પ્રોપાઈટર અને ભાગીદારો મળીને છ જણા સામે વસ્ત્રાપુર પોલીસ સ્ટેશનમાં ગુનો નોંધાયો છે. આ અંગે અમરાઈવાડીમાં રહેતા હેમંત સુર્યકાંતભાઈ પવારે હિમગીરી એશોશિએટ્સના પ્રોપ્રાઈટર તથા ભાગીદારો સામે ગુનો નોંધાવ્યો છે. જેમાં વસ્ત્રાપુરમાં હિમાની એપાર્ટમેન્ટમાં રહેતા જશોદાકંવર મોહનસિંહ રાજપુરોહિત, સેટેલાઈટમાં રહેતા ધવલ ચંદ્રકાંતભાઈ ત્રિવેદી, થલતેજના યોગેશ નરસિંહભાઈ દોમડીયા, ફતેસિંહ, વિશાલ બામણીયા અને શિવાની જે.પરીખનો સમાવેશ થાય છે. બોડકદેવમાં ચાણક્ય ટાવર સુપરપ્લાઝામાં ઓફિસ ધરાવતા આરોપીઓએ બાવળામાં શિયાળ ગામની સીમમાં બગોદરા ગાર્ડન સિટી ઊપરાંત બાવળાના સરલા ગામની સીમમાં બગોદરા વાટીકા નામની સ્કિમ બહાર પાડીને મકાન બનાવવા માટેના પ્લોટો ૬૦ ટકા ડિસ્કાઊન્ટમાં આપવાની લોભામણી લાલચ આપતી જાહેરાત બહાર પાડી હતી. જેમાં ૨૫થી વધુ લોકોએ આ સ્કિમનો લાભ લેવા માટે રોકડ અને ચેકથી રકમ જમા કરાવી હતી. બીજીતરફ સમયમર્યાદા વીતી જવા છતા તેમને પ્લોટો નહી ફાળવીને તથા નાણા પરત નહી કરીને આરોપીઓએ રૃ. ૫૮,૧૮,૦૦૦ ની છેતરપિંડી કરી હતી. વસ્ત્રાપુર પોલીસે આ અંગે ગુનો નોંધીને વધુ તપાસ હાથ ધરી છે.

 

 

(6:35 pm IST)
  • ઓઈલ ચોરી પ્રકરણમાં કલોલના પીઆઈ સસ્પેન્ડઃ કલોલમાં ઓએનજીસી ઓઈલ ચોરીની ઘટનામાં બેદરકારી અંગે રેન્જ આઈજીએ કલોલ શહેરના પીઆઈ પ્રકાશ ચૌધરીને તાત્કાલીક અસરથી સસ્પેન્ડ કરાયા છે access_time 5:47 pm IST

  • જયપુરના જિલ્લા જજ ગજાનંદ શર્મા લાપતા : સવારથી ઘરેથી ગુમ : રાત સુધી કોઈ પતો નહીં લાગતા પરિવારજનોએ પોલીસમાં રિપોર્ટ કર્યો : પોલીસે કેટલાય સ્થળોએ કરી તપાસ access_time 9:23 am IST

  • પ્રતિબંધ છત્તા તેજાબના ખુલ્લેઆમ વેચાણ વિરૂદ્ધ થયેલી અરજી અંગે સુપ્રીમ કોર્ટે કેન્દ્ર અને રાજ્ય સરકારોને નોટિસ ફટકારી : સુપ્રીમ કોર્ટે કેન્દ્ર અને તમામ રાજ્ય સરકારો પાસેથી જવાબ માંગ્યો : અરજીમાં સર્વોચ્ચ ન્યાયાલયના આદેશનું ઉલ્લંઘન થતું હોવાનું કહેવાયું છે access_time 9:22 am IST