Gujarati News

Gujarati News

News of Saturday, 10th February 2018

કોસંબાના દરિયાકાંઠે ત્રણ-ત્રણ ડોલ્ફીન ભૂલી પડી : સેલ્ફી લેવા લોકો ઉમટ્યા

વલસાડ પાસે આવેલ કોસંબાના દરિયાકાંઠે ૫૦૦ મીટર અંદર માછલી પકડાવાના બંધારા ગુરૂવારે ત્રણ - ત્રણ ડોલ્ફીન માછલી ચડી આવી હતી. બંધારાના માલિક જયારે કેટલી માછલી પકડાઈ છે તે જોવા ગયા ત્યારે તેમને આ ડોલ્ફીન માછલીઓ નજરે પડી હતી. સામાન્ય રીતે દરિયાના ઉંડાણમાં રહેતી ડોલ્ફીન આ રીતે કાંઠા પાસે આવી ચડતા લોકોમાં ભારે કુતૂહલ સર્જાયુ હતું. આ અંગે સાગર ખેડુના જણાવ્યા મુજબ આટલા વર્ષોમાં તેને પહેલી જ વખત ડોલ્ફીન પર હાથ ફેરવવાનો અને નજીકથી જોવાનો મોકો મળ્યો હતો. તથા ડોલ્ફીન સાથે બાળકો અને પરીવારજનોને થોડી વાર રમવાનો મોકો મળ્યો હતો. જો કે બાદમાં તમામ ડોલ્ફીનને ઉંડા દરિયામાં લઈ જઈ મુકત કરાઈ હતી. આ અંગે મત્સ્ય ઉદ્યોગ અધિકારીએ જણાવ્યુ કે આ ઘટનાની જાણ ઓફીસ કે કન્ટ્રોલ રૂમને કરાઈ નથી. વર્ષમાં કયારેક કયારેક ડોલ્ફીન આ રીતે ધરતીના પાણી સાથે દરિયાકાંઠે આવી ચઢે છે અને પાણી ઉતરતા ફરી દરિયામાં પહોંચી જાય છે.

(5:56 pm IST)
  • ભારત અને પેલેસ્ટાઈન વચ્ચે છ કરારો થયાઃ પેલેસ્ટાઈનની મુલાકાતે ગયેલ ભારતના વડાપ્રધાન નરેન્દ્ર મોદીએ સન્માન માટે પેલેસ્ટાઈનનો આભાર માન્યો : બંને દેશો વચ્ચે આરોગ્ય, પર્યટન અને રમત-ગમત ક્ષેત્રે કરારો થયા access_time 5:50 pm IST

  • ભારત - દક્ષિણ આફ્રિકા મહિલા થર્ડ વનડે : ડુ પ્રીઝે દક્ષિણ આફ્રિકાને જીત અપાવી : છતાં ટીમ ઈન્ડિયાએ શ્રેણી 2-1થી જીતી લીધી : સ્મૃતિ માંન્ધાનાને પ્લેયર ઓફ ધ સિરીઝ એવોર્ડ એનાયત કરવામાં આવ્યો access_time 12:56 am IST

  • કલોલનાં દેવચોટીયા ગામે લાકડાના ફટકા મારી પતિએ કરી પત્નિની હત્યા access_time 2:03 pm IST