Gujarati News

Gujarati News

News of Saturday, 10th February 2018

વેલેન્ટાઈન-ડેની ઉજવણીથી દૂર રહેજો : અમદાવાદમાં લવજેહાદના પોસ્ટરો લાગ્યા

વેલેન્ટાઈન-ડેની ઉજવણીથી દૂર રહેજો : અમદાવાદમાં લવજેહાદના પોસ્ટરો લાગ્યા

વિશ્વભરમાં ૧૪મી ફેબ્રુઆરીએ વેલેન્ટાઈન-ડે ઉજવવામાં આવે છે ત્યારે આ ઉજવણી કરનાર યુવક - યુવતીઓને દર વર્ષે ભારતીય સંસ્કૃતિના નામે બજરંગ દળ અને વિશ્વ હિન્દુ પરિષદ દ્વારા વેલેન્ટાઈન ડેની ઉજવણીથી દૂર રહેવા ચેતવણી અપાઈ છે. જેથી જાહેરમાં આ દિવસની ઉજવણી માટે યુવક - યુવતીઓમાં ભય રહેતો હોય છે. અમદાવાદ શહેરમાં આ બાબતે હંમેશા કોઈને કોઈ વિવાદ ઉભો થતો રહ્યો છે ત્યારે શહેરની કોલેજ બહાર અત્યારથી જ લવજેહાદના પોસ્ટરો જોવા મળ્યા છે. જેમાં બજરંગદળ કર્ણાવતીનું નામ દેખાય રહ્યુ છે. આમ, વેલેન્ટાઈન ડે પૂર્વે લવ જેહાદનો મુદ્દો ફરી ચર્ચામાં આવ્યો છે. જો કે, આ પોસ્ટર કોને લગાવ્યા તે સત્તાવાર જાહેર નથી થયુ. આમ છતાં કોઈ અનિચ્છનીય ઘટના ન બને તે માટે પોલીસે શહેરમાં કોલેજો આસપાસ સઘન બંદોબસ્ત  ગોઠવ્યો છે.

(5:55 pm IST)
  • ભારત અને પેલેસ્ટાઈન વચ્ચે છ કરારો થયાઃ પેલેસ્ટાઈનની મુલાકાતે ગયેલ ભારતના વડાપ્રધાન નરેન્દ્ર મોદીએ સન્માન માટે પેલેસ્ટાઈનનો આભાર માન્યો : બંને દેશો વચ્ચે આરોગ્ય, પર્યટન અને રમત-ગમત ક્ષેત્રે કરારો થયા access_time 5:50 pm IST

  • પંચમહાલના કાલોલમાં કેમીકલ છોડાતા પ્રદૂષણઃ વેજલપુરમાં બેરલમાંથી કેમીકલ ઢોળાતા લોકોની આંખોમાં બળતરા થવા લાગી હોવાની ફરીયાદ access_time 5:48 pm IST

  • ગોવા સરકારના પ્રધાન વિજય સરસદેસાઈએ ઉત્તર ભારતીય પર્યટકોને લઈને વિવાદીત નિવેદન આપ્યું છે અને તેમને ધરતી પર ગંદગી ગણાવ્યા છે. વિજય સરદેસાઈએ કહ્યુ છે કે આ પર્યટકો ગોવાને હરિયાણા બનાવવા ચાહે છે. પોતાના સંબોધનમાં વિજય સરદેસાઈએ ઉત્તર ભારતીય પર્યટકોને મોટા પૂર સમાન ગણાવ્યા અને તેમણે ગોવાને બીજું ગુરુગ્રામ નહીં બનવા દેવાની વાત પણ કરી હતી. access_time 7:25 pm IST