Gujarati News

Gujarati News

News of Saturday, 10th February 2018

બજેટમાં સરકારને ઘેરવા કોંગ્રેસે યોજી તાલિમ શિબિર : ખુદ પ્રદેશ પ્રમુખ સહિત ૩૫ ધારાસભ્યો ગેરહાજર રહેતા ધબડકો

અમદાવાદ : આગામી ૧૯ ફેબ્રુઆરીથી ગુજરાત વિધાનસભામાં બજેટ સત્ર શરૂ થનાર છે ત્યારે સરકારને ભીંસમાં લેવા કોંગ્રેસે પોતાના ધારાસભ્યોને વિધાનસભા પ્રક્રિયાની તાલીમ આપવા માટે ત્રણ દિવસની તાલીમ શિબિર યોજી છે. ગઈકાલે શુક્રવારે ભોજન સાથે આ તાલીમ શિબિરનો પ્રારંભ થયો હતો. જેમાં આજે પ્રથમ દિવસે જ ૩૫થી વધુ ધારાસભ્યો ગેરહાજર જોવા મળેલ. એટલુ જ નહિં ખુદ પ્રદેશ પ્રમુખ ભરતસિંહ સોલંકી તથા ગુજરાત પ્રદેશ કોંગ્રેસના પ્રભારી અશોક ગેહલોત પણ ગેરહાજર હતા. આમ, ટોચના નેતાઓની ગેરહાજરી વર્તાઈ હતી. તાલીમ શિબિરમાં માત્ર વિરોધ પક્ષના નેતા પરેશ ધાનાણીએ ટોચના નેતાઓની ગેરહાજરીમાં શિબિર સંભાળવી પડી હતી.

વિપક્ષી નેતા ઉપરાંત અર્જુન મોઢવાડીયા, સિદ્ધાર્થ પટેલ, મોહનસિંહ રાઠવા સહિતના નેતાઓએ પણ ધારાસભ્યોને માર્ગદર્શન આપેલ. આમ, તાલીમ શિબિરમાં અડધોઅડધ ધારાસભ્યો અને ટોચના નેતાઓની ગેરહાજરીથી ધબડકો થયાની ચર્ચા જાગી છે.  જો કે તાલીમ શિબિરમાં આજે ધારાસભ્યોને ગુજરાતના સંસદીય ઈતિહાસ અંગે વાકેફ કરાયા હતા.

(5:54 pm IST)
  • ગોવા સરકારના પ્રધાન વિજય સરસદેસાઈએ ઉત્તર ભારતીય પર્યટકોને લઈને વિવાદીત નિવેદન આપ્યું છે અને તેમને ધરતી પર ગંદગી ગણાવ્યા છે. વિજય સરદેસાઈએ કહ્યુ છે કે આ પર્યટકો ગોવાને હરિયાણા બનાવવા ચાહે છે. પોતાના સંબોધનમાં વિજય સરદેસાઈએ ઉત્તર ભારતીય પર્યટકોને મોટા પૂર સમાન ગણાવ્યા અને તેમણે ગોવાને બીજું ગુરુગ્રામ નહીં બનવા દેવાની વાત પણ કરી હતી. access_time 7:25 pm IST

  • સીરિયાએ ઇઝરાયલનું ફાઇટર જેટ હવામાજ ફૂકી માર્યું : વળતા જવાબમાં ઇઝરાયેલે સીરિયા પર મોટા પાયે હવાઈ હુમલા શરૂ કર્યા : ઇઝરાયલના લશ્કરી પ્રવક્તા જોનાથન કોનરીક્સ અનુસાર દમાસ્કસની નજીકના ચાર ઈરાનિયન લક્ષ્યાંકો ઇઝરાયલે ફૂંકી માર્યા છે. access_time 7:35 pm IST

  • કલોલનાં દેવચોટીયા ગામે લાકડાના ફટકા મારી પતિએ કરી પત્નિની હત્યા access_time 2:03 pm IST