Gujarati News

Gujarati News

News of Friday, 9th February 2018

આણંદના ગુપ્તચર વિભાગના પીઆઇની સરકારી 'બોલેરો' ગાડી રહસ્યમય સંજોગોમાં ગૂમ

ગાડી કયાં મુકી તે ડ્રાઇવરને યાદ નથીઃ રાજયભરમાં ભારે શોધખોળ

આણંદના ગુપ્તચર વિભાગના પીઆઇની સરકારી  'બોલેરો' ગાડી રહસ્યમય સંજોગોમાં ગૂમ

રાજકોટ, તા., ૯: રાજયભરમાં ટુ વ્હીલર સહિતની વાહન ચોરીઓની ઘટનાઓ  હવે સામાન્ય બની છે. લોકો પણ હવે આવી બાબતોથી ટેવાઇ ગયા છે. પરંતુ આણંદમાં એક અજીબો ગરીબ ઘટના ઘટી છે. સુત્રોના કથન મુજબ આણંદના ગુપ્તચર વિભાગમાં ફરજ બજાવતા એક પોલીસ ઇન્સ્પેકટરની બોલેરો ગાડી કે જે ડ્રાઇવરના કબ્જામાં હતી તે રહસ્યમય સંજોગોમાં ગૂમ થયાનો ફરીયાદ રીપોર્ટ કરવામાં આવ્યો છે.

 

સરકારી બોલેરો ગૂમ થતા જ ખળભળાટ મચી ગયો છે અને આ બોલેરોને શોધવા માટે ખાનગીમાં ભારે દોડધામ મચ્યાનું પણ સુત્રો જણાવે છે. આ બાબતે સંબંધક પોલીસ ઇન્સ્પેકટર દ્વારા આ બોલેરો પોતાના ડ્રાઇવર કે જે કવાર્ટરમાં રહે છે અને ઓફીસ સમય પુર્ણ થયા બાદ આ બોલેરો પોતાના ઘર પાસે જ રાખે છે. ફરીયાદ રીપોર્ટમાં એવું પણ જણાવાયેલ કહેવાય છે કે ડ્રાઇવર સુર્યસિંહને હું જયારે બોલાવુ ત્યારે કાર લઇને આવે છે.

 

ગત તા.૪ ના રોજ હું મારી ઓફીસે પહોંચ્યા બાદ સ્ટાફને પુછેલ કે 'ડ્રાઇવર સરકારી ગાડી લઇને કેમ આવેલ નથી?' આ બાબતે ડ્રાઇવરને પુછતા તેણે જણાવેલ કે, હું મિત્રો સાથે પાર્ટીમાં ગયેલ. ગાડી કયાં મુકી છે તે મારી નાદુરસ્ત તબીયતને કારણે યાદ નથી. ત્યાર બાદ મેં સ્ટાફ સાથે ગાડીની શોધખોળ કરી પણ ગાડી મળી આવી નથી. આમ આ ઘટનાએ ચકચાર જગાવી છે.(૪.૮)

(5:15 pm IST)
  • રાજૂલા, જાફરાબાદ અને ટીંબીમાં ભૂકંપનો આંચકો અનુભવાયો : આસપાસના 10થી વધુ ગામડાંમાં ભૂકંપની અસર જોવા મળી : અનેક વિસ્તારોમાં મકાનોમાં તિરાડો પડી access_time 4:41 pm IST

  • જમ્મુ કાશ્મીર વિધાનસભામાં હોબાળોઃ પાકિસ્તાન વિરોધી સુત્રોચાર ભાજપના ધારાસભ્યોએ નારા લગાવ્યાઃ કેમ્પની બાજુમાં જ રહેતા હતા રોર્હિગ્યાઃ જૈશે રોહિગ્યાને બનાવ્યા હથિયાર access_time 2:03 pm IST

  • સીરિયાએ ઇઝરાયલનું ફાઇટર જેટ હવામાજ ફૂકી માર્યું : વળતા જવાબમાં ઇઝરાયેલે સીરિયા પર મોટા પાયે હવાઈ હુમલા શરૂ કર્યા : ઇઝરાયલના લશ્કરી પ્રવક્તા જોનાથન કોનરીક્સ અનુસાર દમાસ્કસની નજીકના ચાર ઈરાનિયન લક્ષ્યાંકો ઇઝરાયલે ફૂંકી માર્યા છે. access_time 7:35 pm IST