Gujarati News

કણભા પોલીસ સ્ટેશનમાં ફરજ બજાવતા બાબુ ભાઇ પટણી અમદાવાદ-કઠલાલ હાઇવે પાસે કોવિડ ગાઇડલાઇનનું પાલન કરાવવા વાહન ચેકિંગ કરી રહ્યા હતા. ત્યારે સીંગરવા તરફ થી આવતા બેફામ બાઇક સવારે એએસઆઈ બાબુભાઇને પાછળથી ટક્કર મારી દીધી હતી. એટલું જ નહીં, બાઇકની પાછળ આવી રહેલી એક સીએનજી રીક્ષા પણ ટકરાઇ હતી. બાઇક અને રીક્ષાની ટક્કરથી ASI બાબુભાઇ ગંભીર રીતે ઘાયલ થયા હતા. ઘટનાસ્થળ પર હાજર અન્ય સ્ટાફે એએસઆઈને તાત્કાલિક 108 મારફતે ખાનગી હોસ્પિટલ ખાતે સારવાર માટે લઇ ગયા હતા. જવામાં આવ્યા હતા. આ અંગે કણભા પોલીસે બાઇક સવાર અને રીક્ષા ચાલક વિરૂદ્ધ ફરિયાદ નોંધી તપાસ શરૂ કરી છે.