Gujarati News

વડોદરાઃ દેશના વડાપ્રધાન અને ભાજપના સ્ટાર પ્રચારક મોદીએ આજે બોડેલીમાં સભા સંબોધી હતી. આ પ્રસંગે મોટી સંખ્યામાં લોકો હાજર રહ્યા હતા. તેમણે સભાને સંબોધતા જણાવ્યુ હતુ કે, જે કોંગ્રેસને આખા દેશે વિદાય આપી દીધી છે તેને આ ગુજરાતની પ્રજા કોઇ કાળે નહીં પેસવા દે. ગુજરાતની પ્રજા અડધો રોટલો ખાઇને પણ કોંગ્રેસને ગુજરાતમાં નહીં પેસવા દે.

તેમણે -કેમ છો બધા કરીને સભાની શરૂઆત કરેલ. તેમણે વધુમાં જણાવેલ કે આપણા નરેન્દ્રભાઇ બોડેલીમાં સાઇકલ લઇને ફરતા હતા. મારૂ એ સૌભાગ્ય રહ્યુ કે, વર્ષો સુધી સમાજ સેવામાં વ્યસ્ત રહ્યો છું. દેશનો પહેલો વડાપ્રધાન હોઇશ જેને ૪૦૦થી ૪૫૦ જિલ્લામાં રાતવાસો કર્યો હોય-પહેલો વડાપ્રધાન હોઇશ જેને દેશના હજારો ગામડા જાતે ખુદ્યા હોય. સામાન્ય માણસના સુખદુખ શું હોય તેની મને ખબર પડે છે.

રાજમહેલમાં રહેનારને આદિવાસીઓનું દુઃખ ન સમજાય જેમને એ ખબર ન હોય કે બટાકા ખેતરમાં થાય કે કારખાનામાં થાય. -હિન્દુસ્તાનમાં કોંગ્રેસને શોધવી હોય તો મહેનત પડે છે. કોંગ્રેસના પગ નીચેથી ધરતી સરકી ગઇ, એટલે જુઠ્ઠાણા ચલાવે છે.