Gujarati News

ગાંધીનગરઃ ખેડૂતો માટેની સહાયના પેકેજમાં પણ સરકારને 800 કરોડની બચત થઈ છે. અતિવૃષ્ટિના પરિણામે સરકારે ખેડૂતો માટે 3,700 કરોડની સહાયની જાહેરાત કરી હતી. સરકારને આશા હતી કે આ સહાય માટે 27 લાખ જેટલા ખેડૂતો અરજી કરશે, પરંતુ તેની સામે 19 લાખ ખેડૂતોએ અરજી કરતા સરકારે તેના પેટે 2,900 કરોડ રૂપિયા જ ચૂકવવાના આવ્યા છે. આમ સરકારને ખેડૂતોને ચૂકવણીમાં 800 કરોડની બચત થઈ છે, એવો દાવો ખુદ સરકારે કર્યો છે. સરકારનું કહેવું છે કે તેઓ ખેડૂતોની સહાય પેટે આ વધેલી રકમ પણ ખેડૂતોના હિત માટે જ ઉપયોગમાં લેશે.