Gujarati News

Gujarati News

News of Saturday, 9th November 2019

અમદાવાદમાં ડેંગ્યુના પાંચ વર્ષમાં સૌથી વધુ કેસો થયા

ડેંગ્યુના સકંજામાં બાળકો સૌથી વધુ આવ્યા છે : રોગચાળાને રોકવા વિવિધ પગલા છતાં સફળતા ન મળી

અમદાવાદ, તા. ૮ : ગુજરાતના અમદાવાદમાં ડેંગ્યુના કારણે હાહાકાર મચી ગયો છે. છેલ્લા પાંચ વર્ષમાં ડેંગ્યુએ રેકોર્ડ તોડી દીધો છે. છેલ્લા પાંચ વર્ષની સરખામણીમાં આ વર્ષે ડેંગ્યુના કેસ વધુ પ્રમાણમાં નોંધાયા છે. બીજી બાજુ વિપક્ષી પાર્ટીઓનો આક્ષેપ છે કે, ડેંગ્યુઓના દર્દીઓની સંખ્યા ૫૦૦૦થી પણ ઉપર પહોંચી ચુકી છે જ્યારે મૃત્યુ પામનાર લોકોની સંખ્યા પણ આપવામાં આવેલા આંકડા કરતા વધારે છે. આંકડા મુજબ ડેંગ્યુના સકંજામાં આવવાથી ૧૦ લોકોના મોત થઇ ચુક્યા છે. ગયા વર્ષની સરખામણીમાં ડેંગ્યુના આ વર્ષે ૩૩૪૫ જેટલા કેસ નોંધાઈ ચુક્યા છે. આ બિમારીથી વધુને વધુ લોકો સકંજામાં આવ્યા છે. રાજ્યના આરોગ્ય વિભાગ તરફથી આ આંકડા જારી કરવામાં આવ્યા છે જેમાં કહેવામાં આવ્યું છે કે, ડેંગ્યુના દર્દીઓની સંખ્યા પર અંકુશ મુકવાના પગલા લેવામાં આવી રહ્યા છે. બીજી બાજુ કોંગ્રેસનો આરોપ છે કે, આરોગ્ય વિભાગ બિમારીઓને રોકવા માટે નક્કર પગલા લેવાના બદલે આંકડા છુપાવવાના પ્રયાસમા ંછે.

        શહેરમાં વરસાદ બાદ જગ્યા જગ્યા પર ગંદગી અને પાણી ભરાઈ જવાના કારણે મચ્છરોનો આંતક વધી ગયો છે. મચ્છરજન્ય રોગોથી લોકોની હાલત કફોડી બનેલી છે. મહાનગર પાલિકાના આરોગ્ય વિભાગ દ્વારા ડોર ટુ ડોર સર્વેની કામગીરી હાથ ધરવામાં આવી છે. ફોગિંગ અને દવાઓના છંટકાવ કરવામાં આવી રહ્યા છે છતાં પણ શહેરમાં ડેંગ્યુ રોગચાળાએ આંતક મચાવી દીધો છે. અમદાવાદ શહેરમાં આ વર્ષે ડેંગ્યુના ૩૩૪૫ કેસો નોંધાઈ ચુક્યા છે. સાદા મેલેરિયાના આ વર્ષે ૩૯૦૧, ઝેરી મેલેરિયાના ૧૫૭ અને ડેંગ્યુના સૌથી વધુ કેસ થયા છે. ડેંગ્યુના સકંજામાં સૌથી વધુ બાળકો આવ્યા છે. મહાનગર પાલિકાના આરોગ્ય વિભાગ દ્વારા બિમારીને રોકવા માટે ૧૫૦૦૦થી વધારે કન્સ્ટ્રક્શન સાઇટો પર ચકાસણી કરીને નોટિસફટકારવાની કામગીરી હાથ ધરી છે.

(9:32 pm IST)
  • આજ નો દિવસ ભારતના ઇતિહાસમાં સુવર્ણ અક્ષરે લખવામાં આવશે : શિવ સેના ના સુપ્રીમો ઉદ્ધવ ઠાકરે કહ્યું હતું કે દરેક સુપ્રીમ કોર્ટનો ચુકાદો સ્વીકાર્ય છે. હું ૨૪ નવેમ્બરે અયોધ્યા ની મુલાકાતે જઈશ ઉદ્ભવ ઠાકરે a કહ્યું હતું કે હું એલ કે અડવાણી ને મળવા પણ જઈશ અને તેમને અભિનંદન આપીશ તેઓએ આ કાર્ય માટે રથયાત્રા કાઢી હતી હું ચોક્કસ તેમને મળી અને આશીર્વાદ લઈશ access_time 6:31 pm IST

  • સુપ્રિમ કોર્ટના નિર્ણય બાદ મુસ્લિમ પર્સનલ લો બોર્ડની પત્રકાર પરિષદ : વકીલો સાથે વાત કરીને આગળની રણનીતિ ઘડાશે : સુપ્રિમ કોર્ટના નિર્ણયનું સંપૂર્ણ સન્માન અમે કરીએ છીએ : મુસ્લિમ પર્સનલ લો બોર્ડ ચુકાદાથી સંતુષ્ટ નથી : કોઈપણ પ્રકારના ધરણા કે પ્રદર્શન કરીશુ નહિં : અમને ન્યાય મળ્યો નથીઃ અમે અપીલ કરીએ છીએ કે કોઈપણ પ્રદર્શન કરે નહિં: રીવ્યુ પીટીશન દાખલ કરવા વિચાર કરાશેઃ મસ્જીદને શીફટ કરી શકાય નહિં : ચુકાદામાં કેટલાક વિરોધાભાસ જોવા મળ્યો છે access_time 1:07 pm IST

  • સુપ્રીમકોર્ટે સર્વસંમતિથી ચુકાદો આપ્યો છે : ચીફ જસ્ટિઝ કહ્યું કે બાબરના સમયમાં મીર બાકીએ મસ્જિદ બનાવી હતી : ખોદકામ દરમિયાન મળેલ ઢાંચો બિન ઇસ્લામિક હતો : સુપ્રીમકોર્ટ :અયોધ્યા કેસમાં નિર્મોહી અખાડાનો દાવો રદ કરી નાખવામાં આવ્યો છે : મસ્જિદ કયારે બનાવામાં આવી તે ખબર પડતી નથી : સર્વસંમતિથી સુપ્રીમકોર્ટના જજોએ ચુકાદો આપ્યો છે : તમામ ધર્મોને સમાન નજરથી જોવાનું સરકારનું કામ નથી access_time 11:03 am IST