Gujarati News

Gujarati News

News of Friday, 8th November 2019

વાઘોડિયાના આજવામાં થીમપાર્કની પાણીની ટાંકીમાં ડૂબી જવાથી મહુધાના 12 વર્ષીય કિશોરના મૃત્યુના બનાવમાં પોલીસે બે મેનેજર સહીત પાંચ કર્મચારીની ધરપકડ કરી

વાઘોડિયા: તાલુકાના આજવા ખાતે આતાપી વન્ડરલેન્ડ થીમપાર્કની પાણીની ટાંકીમાં ડૂબી જવાથી નડિયાદ નજીકના મહુધા ગામના ૧૨ વર્ષના કિશોરના મોતની તપાસના  બનાવમાં આતાપી થીમપાર્કના જનરલ મેનેજર સહિત પાંચ જવાબદાર વ્યક્તિની વાઘોડિયા પોલીસે આખરે ધરપકડ કરી છે.

 મહુધા ખાતે આડાબજારમાં રહેતો તેમજ ધોરણ-૭માં અભ્યાસ કરતો હસનેન ઉસ્માનભાઇ મન્સુરી(..૧૨)નું આજવા ખાતે આતાપી વન્ડરલેન્ડ થીમપાર્કના  ફિલ્ટર સ્ટેશનની ટાંકીમાં ડૂબી જવાથી કરૃણ મોત નિપજ્યુ હતું. બનાવ અંગે પોલીસે  ગુનો દાખલ કરી તપાસ હાથ ધરી  થીમપાર્કના  ત્રણ મેનેજર અને વોટર પંપીગ સ્ટેશનના ત્રણ કર્મચારીઓની   પૂછપરછ કરી હતી તેમજ સીસીટીવી કેમેરાનો પણ અભ્યાસ કરાયો  હતો. સીસીટીવી ફુટેજમાં આતાપીના સંચાલકોની બેદરકારી સ્પષ્ટ બહાર આવી હતી અને આજે પોલીસે ધરપકડનો સીલસીલો શરૃ કર્યો હતો.

(5:30 pm IST)
  • સુપ્રિમ કોર્ટના નિર્ણય બાદ મુસ્લિમ પર્સનલ લો બોર્ડની પત્રકાર પરિષદ : વકીલો સાથે વાત કરીને આગળની રણનીતિ ઘડાશે : સુપ્રિમ કોર્ટના નિર્ણયનું સંપૂર્ણ સન્માન અમે કરીએ છીએ : મુસ્લિમ પર્સનલ લો બોર્ડ ચુકાદાથી સંતુષ્ટ નથી : કોઈપણ પ્રકારના ધરણા કે પ્રદર્શન કરીશુ નહિં : અમને ન્યાય મળ્યો નથીઃ અમે અપીલ કરીએ છીએ કે કોઈપણ પ્રદર્શન કરે નહિં: રીવ્યુ પીટીશન દાખલ કરવા વિચાર કરાશેઃ મસ્જીદને શીફટ કરી શકાય નહિં : ચુકાદામાં કેટલાક વિરોધાભાસ જોવા મળ્યો છે access_time 1:07 pm IST

  • ૨૦૨૩માં મેન્સ હોકી વર્લ્ડકપ ભારતમાં રમાશે : ૨૦૨૩ માં પુરૂષોની હોકી વર્લ્ડ કપ માટે ભારતની પસંદગી થઈ છે. host country તરીકે મેન્સ હોકી વર્લ્ડકપ માટે ભારતનું નામ જાહેર થયું છે access_time 6:09 pm IST

  • અજમેર દરગાહના દિવાને સુપ્રીમના ફેંસલાનું સ્વાગત કર્યું : અયોધ્યા જમીન વિવાદમાં આવેલા નિર્ણયને રાજસ્થાનના અજમેરમાં આવેલ હજરત ખ્વાઝા મોઇનુદ્દીન હસન ચિશ્તીની દરગાહના દીવાને સ્વાગત કર્યું છે. સાથે જ તેઓએ લોકોને શાંતિ અને સદ્ભાવ બનાવી રાખવાની અપીલ કરી છે. access_time 3:24 pm IST