Gujarati News

Gujarati News

News of Friday, 8th November 2019

૮ લાખના લાંચ પ્રકરણમાં જેતપુરના ડીવાયએસપી જે.એમ.ભરવાડ એસીબીના શરણેઃ નિવેદન નોંધાવ્યું

ર દિ' પુર્વે સુપ્રિમ કોર્ટે આગોતરા જામીન મંજુર કરતા એસીબી સમક્ષ હાજર થયાઃ અગાઉ ડીવાયએસપી વતી લાંચ લેનાર પોલીસ કોન્સ્ટેબલ વિશાલ સોનારાની અગાઉ ધરપકડ કરાઇ'તી

રાજકોટ, તા., ૮:  રૂપિયા આઠલાખની લાંચ કેસમાં છેલ્લા ત્રણ મહિનાથી ફરાર થઈ ગયેલા જેતપુરના ડી.વાય.એસ.પી જે. એમ. ભરવાડને સુપ્રિમ કોર્ટે આગોતરા જામીન આપતા એન્ટિ કરપ્શન બ્યૂરો કચેરીમાં હાજર થયા હતા અને નિવેદન નોંધાવ્યું હતું.

ત્રણ માસ પહેલા અમદાવાદ એસીબી દ્વારા કોન્સ્ટેબલ વિશાલ સોનારાને આઠ લાખ રૂપિયાની લાંચની રકમ સાથે ઝડપી પાડવામાં આવ્યો હતો. જેમાં સહ આરોપી તરીકે જેતપુરના ડી.વાય.એસ.પી જેમ ભરવાડ નું નામ પણ ખૂલ્યું હતું. છેલ્લા ત્રણ માસથી તેઓ ફરાર હતા ત્યારે બે દિવસ પૂર્વે સુપ્રીમ કોર્ટ દ્વારા આગોતરા જામીન મંજૂર કરતાં તેઓ એસીબી સમક્ષ હાજર થયા હતા. હથિયારના ગુનામાં પકડાયેલા આરોપીને માર ન મારવા તેમજ વધુ પૂછપરછ ન કરવા માટે તેમના દ્વારા રૂપિયા૧૦ લાખની માગણી કરી હતી બાદમાં આઠ લાખની માંડવાડની રકમ નક્કી થયા મુજબ વિશાલ સોનારા એ આઠ લાખની રકમ મેળવી હતી જે રોકડ રકમ સાથે અમદાવાદ એ.સી.બીએ ત્રણ માસ પૂર્વે તેની ધરપકડ કરી હતી

અગાઉ સપ્ટેમ્બર મહિનામાં લાંચ પ્રકરણમાં ફરાર આરોપી અને જેતપુરના ડેપ્યુટી સુપ્રિન્ટેન્ડન્ટ ઓફ પોલીસ જે. એમ.ભરવાડે દાખલ કરેલી આગોતરા જામીન અરજી હાઈકોર્ટે ફગાવી દીધી હતી. રાજય સરકારે જામીન અરજીના વિરૂદ્ઘમાં રજૂઆત કરી હતી કે, ફરિયાદ નોંધાયા બાદથી તેઓ ફરાર છે અને તેમની સામે પ્રથમ દર્શનીય રીતે કેસ બનતો હોવાથી તેમને જામીન ન મળવા જોઈએ. જે.એમ. ભરવાડ આ કેસમાં હાલ ફરાર છે. તેમની રજૂઆત છે કે, પોલીસ અધિકારી તરીકેનો તેમનો અત્યાર સુધીનો રેકોર્ડ સ્વચ્છ રહ્યો છે તેથી તેમને જામીન મળવા જોઈએ.

હાઇકોર્ટે આગોતરા જામીન ફગાવી દીધા બાદ જેતપુરના ડીવાયએસપી જે.એમ.ભરવાડે સુપ્રિમ કોર્ટમાં આગોતરા જામીનની અરજી કરતા સુપ્રિમ કોર્ટે માન્ય રાખી હતી અને સુપ્રિમ કોર્ટના હુકમ મુજબ આજે તેઓ કચ્છ એસીબીના ડીવાયએસપી  કે.એચ.ગોહીલ સમક્ષ આગોતરા જામીન સાથે રજુ થતા એસીબીએ તેઓનું વિગતવાર નિેવેદન નોંધ્યું હતું.

(3:59 pm IST)
  • સુપ્રીમકોર્ટે સર્વસંમતિથી ચુકાદો આપ્યો છે : ચીફ જસ્ટિઝ કહ્યું કે બાબરના સમયમાં મીર બાકીએ મસ્જિદ બનાવી હતી : ખોદકામ દરમિયાન મળેલ ઢાંચો બિન ઇસ્લામિક હતો : સુપ્રીમકોર્ટ :અયોધ્યા કેસમાં નિર્મોહી અખાડાનો દાવો રદ કરી નાખવામાં આવ્યો છે : મસ્જિદ કયારે બનાવામાં આવી તે ખબર પડતી નથી : સર્વસંમતિથી સુપ્રીમકોર્ટના જજોએ ચુકાદો આપ્યો છે : તમામ ધર્મોને સમાન નજરથી જોવાનું સરકારનું કામ નથી access_time 11:03 am IST

  • વર્લ્ડ ટી-૨૦માં પોતાનો રોલ સમજીને તેણે વધુ ધ્યાન આપવુ જોઈએ : રિષભ પંતને સલાહ આપતા કુમાર સંગકારાએ કહ્યુ... access_time 1:06 pm IST

  • મનીષા ગોસ્વામીને બાર દિવસની રિમાન્ડ પર સોંપવા કોર્ટનો હુકમ : કચ્છને હચમચાવનાર જયંતી ભાનુશાળી હત્યા કેસના મુખ્ય આરોપી મનીષા ગોસ્વામી અને સુરજીતભાઈને ભચાઉ અદાલતે બાર દિવસના રિમાન્ડ ઉપર પોલીસને સોંપેલ છે. સરકાર પક્ષે ખાસ સરકારી ધારાશાસ્ત્રી તરીકે શ્રી અભયભાઈ ભારદ્વાજ અને શ્રી તુષાર ગોકાણીએ ધારદાર દલીલો કરી હતી. access_time 6:07 pm IST