Gujarati News

Gujarati News

News of Friday, 8th November 2019

ખેલાડીઓ, મોજથી રમો અને જમોઃ થાળીના ભાવ રૂ. ૧૨૫માંથી સીધા ૨૫૦

ખેલ મહાકુંભ નિમિતના ભોજન દરમાં બમણો વધારો

રાજકોટ તા.૮: રાજ્ય સરકારે ખેલ મહાકુંભની સ્પર્ધાઓ નિમિતે યોજાતા ભોજન સમારંભના થાળી દિઠ (વ્યકિત દિઠ) ભાવમાં એક જ ઝાટકે ૧૦૦ ટકાનો વધારો કર્યો છે. આ અંગે ગઇકાલે તા. ૭ નવેમ્બરે રમતગમત, યુવા અને સાંસ્કૃતિક પ્રવૃતિઓના વિભાગ દ્વારા ઉપસચિવ જિતેન જોષીની સહીથી પરિપત્ર પ્રસિધ્ધ કરવામાં આવ્યો છે.

પરિપત્રમાં જણાવ્યુ છે કે કમિશ્નર શ્રી યુવા સેવા અને સાંસ્કૃતિક પ્રવૃતિઓની કચેરી, ગાંધીનગર  તેમજ સ્પોર્ટસ ઓથોરીટી ઓફ ગુજરાત ગાંધીનગર દ્વારા રાજ્યની અંદર યોજાતી વિવિધ પ્રવૃતિઓ, રમતગમત સ્પર્ધાઓ તથા પ્રશિક્ષણ શિબિરોમાં ભાગ લેનાર વ્યકિતઓ, ખેલાડીઓને આપવામાં આવતા ભોજન દર આમુખ રૂ. ૧૨૫/-(રૂપિયા એકસો પચ્ચીસ) નક્કી કરવામાં આવેલ છે. સ્પોર્ટસ ઓથોરીટી ઓફ ગુજરાતની દરખાસ્તથી વધેલી મોંઘવારી તેમજ સ્પોર્ટસ ઓથોરીટી ઓફ ગુજરાત દ્વારા યોજાતા ખેલમહાકુંભની ઝોન તથા રાજ્યકક્ષાએ ભાગ લેતા ખેલાડીઓ/વ્યકિતઓ સાત્વીક અને પુરતી કેલેરી યુકત ભોજન મળી રહે તે ઁમાટે ભોજનના દર રૂ. ૧૨૫/-થી વધારીને રૂ. ૨૫૦/- કરવા કરાયેલ દરખાસ્ત વિચારણા હેઠળ હતી. હવે  ખેલમહાકુંભમાં સમાવિષ્ટ તમામ રમતોમાં ભાગ લેતા ખેલાડીઓ /વ્યકિતઓ માટે ભોજનના દર વધારીને રૂ. ૧૨૫/-ને બદલે રૂ. ૨૫૦/-( રૂપિયા બસો પચાસ પુરા ) કરવાનુ ઠરાવવામાં આવે છે.  આ દર ખેલમહાકુંભ ૨૦૧૯થી અમલમાં આવશે.

(11:36 am IST)
  • ઇમરાનખાન રાજીનામુ આપે અથવા ત્રણ મહિનામાં સામાન્ય ચૂંટણી કરાવે : મૌલાનાએ રાખી શરત : મૌલાના ફૈઝલે પંજાબ વિધાનસભાના સ્પીકર ચૌધરી પરવેઝ ઇલાહી મારફત ઇમરાન અને સરકારની સમિતિને મોકલ્યો સંદેશ : મૌલાનાએ કહ્યું કે જો પીએમનું રાજીનામુ સંભવ નથી તો ત્રણ મહિનાની અંદર નવેસરથી સામાન્ય ચૂંટણી કરવો : સરકાર પાસે આ જ બે વિકલ્પ છે જેમાંથી કોઈ એકની પસંદગી કરવી પડશે access_time 1:15 am IST

  • વર્લ્ડ ટી-૨૦માં પોતાનો રોલ સમજીને તેણે વધુ ધ્યાન આપવુ જોઈએ : રિષભ પંતને સલાહ આપતા કુમાર સંગકારાએ કહ્યુ... access_time 1:06 pm IST

  • મહા ભયંકર રૂપ ધારણ કરેલ બુલબુલ વાવાઝોડુ પશ્ચિમ બંગાળ અને બાંગ્લાદેશને સમુદ્ર કાંઠે થી આજે રાત્રે પસાર થશે. :કાંઠાના વિસ્તાર માંથી સવા લાખ લોકોને સલામત સ્થળે ખસેડવામાંઆવ્યા નું મુખ્યમંત્રી મમતા બેનર્જી એ જણાવ્યું છે. પશ્ચિમ બંગાળના દીઘાથી ૯૦ કિલોમીટર અને ઓડિશાના પારાદીપ થી 140 કિલોમીટર દૂર બંગાળના અખાતમાં વાવાઝોડું ધસમસતુ આવી રહ્યું છે આજે સાંજે છ વાગ્યાથી કલકત્તા એરપોર્ટ પર તમામ કાર્યવાહીઓ થંભાવી દેવામાં આવી છે access_time 6:19 pm IST