Gujarati News

Gujarati News

News of Friday, 9th November 2018

સ્ટેચ્યુ ઓફ યુનિટી : એક જ દિવસમાં 20 હજારથી વધુ પ્રવાસીઓ ઉમટ્યા: તંત્રને લાખોની આવક

લેસર શો શરુ કરાયો :સરદાર પટેલના જીવન પર ફિલ્મ પણ બતાવાશે

સ્ટેચ્યુ ઓફ યુનિટી : એક જ દિવસમાં 20 હજારથી વધુ પ્રવાસીઓ ઉમટ્યા: તંત્રને  લાખોની આવક

વડોદરા નજીક સાધુ બેટ દ્વીપ પર 3.2 કિમી દૂર નર્મદા ડેમની સામે બનાવેલા વિશ્વના સૌથી ઊંચા સ્ટેચ્યુ ઓફ યુનિટાના લોકાર્પણ બાદ કેવડિયા કોલોની ખાતે પ્રવાસીઓની સંખ્યામાં જબરો વધારો નોંધાયો છે મોટી સંખ્યામાં પ્રવાસીઓ સ્ટેચ્યુ ઓફ યુનિટીની મુલાકાત લઈ રહ્યા છે કે બસની સુવિધા પણ ઓછી પડી રહી છે.

એક જ દિવસમાં 20 હજારથી વધુ પ્રવાસીઓ કેવડિયા કોલોની ખાતે પહોંચ્યા હતા. જેના કારણે એસટી નિગમને 50 લાખથી વધુની આવક થઈ છે. પ્રવાસીઓ માટે આજથી લેસર શો પણ શરૂ કરાશે. જેમાં સરદાર પટેલના જીવન ચરિત્ર પર ફિલ્મ બતાવવામાં આવશે.

 સ્ટેચ્યૂ ઓફ યુનિટી. દિવાળીના મીની વેકેશનનને લઈ સરકારી તંત્ર જે આશા સેવી રહ્યું હતું, તે આશા પુરી થઈ રહી છે. આજે 6 વાગ્યા સુધીમાં લગભગ 20 હજાર પ્રવાસીઓ નોંધાયા છે.

   અત્રે ઉલ્લેખનીય છે કે, સરકાર દ્વારા આ પહેલા અનાવરણના ત્રણ દિવસ બાદ કમાણીના આંકડા જણાવવામાં આવ્યા હતા, તેમાં કહેવામાં આવ્યું હતું કે માત્ર ત્રણ દિવસમાં 15000 પ્રવાસીઓઓ મુલાકાત લીધી છે. જેને લઈ નિગમને 50 લાખની આવક થઈ છે. પ્રવાસીઓ પાસેથી દુનિયાની સૌથી ઉંચા સ્ટેચ્યૂની મુલાકાત લેવા માટે 350 રૂપિયા ફી તરીકે વસૂલવામાં આવે છે.

(11:24 pm IST)
  • ભરૂચ શહેર અને જિલ્લાના અગ્રગણ્ય નાગરિકોએ જિલ્લાવાસીઓને દિવાળી પર્વની શુભેચ્છા પાઠવી access_time 6:45 pm IST

  • ભાગેડુ વિજય માલ્યા વિરુદ્ધ લુકઆઉટ સર્ક્યુલર બદલી નાખવા સબંધી રેકોર્ડનો ખુલાસો કરવા સીબીઆઈનો નનૈયો :પુણેના નિવાસી વિહાર દુર્વેની એક આરટીઆઈ અરજીના જવાબમાં તપાસ એજન્સી સીબીઆઈએ માહિતી આપવા ઇન્કાર કરતા માહિતી અધિકાર અધિનિયમની કલમ આઠ (1 ) નો ઉલ્લેખ કર્યો :સીબીઆઈએ ભાગેડુ કારોબારી વિજય માલ્યા વિરુદ્ધ લુકઆઉટ સર્ક્યુલર (એલઓસી )ને નબળી બનાવી હોવાનું ચર્ચિત છે access_time 1:00 am IST

  • 23મી ડિસેમ્બરે બાંગ્લાદેશમાં સંસદીય ચૂંટણી ;પહેલીવાર થશે EVMનો ઉપયોગ : મુખ્ય ચૂંટણી આયોગ નૂર-ફૂલ-હૂદાએ ટીવી પર પ્રસારિત સંબોધનમાં કહ્યું કે સમગ્ર બાંગ્લાદેશમાં 11મી સામાન્ય ચૂંટણી 23મી ડિસેમ્બરે થશે :દેશમાં પહેલીવાર મર્યાદિત સ્તર પર ઇલેક્ટ્રોનિક વોટિંગ મશીનનો ઉપયોગ કરાશે access_time 12:56 am IST