Gujarati News

નડિયાદ: તાલુકાના જુદા-જુદા ગામડાઓમાં ઇલેકટ્રોનિક, હાર્ડવેરની દુકાનો, શાળાની આંગણવાડીઓમાં ચોરી કરતા ઇસમને ડીવાયએસપી સ્કવોડે ઝડપી પાડી ચોરીનો કેટલોક મુદ્દામાલ જપ્ત કરીને વધુ તપાસ હાથ ઘરી છે.

નડિયાદના ડીવાયએસપીની ટીમને માહિતી મળી હતી કે પીપળાતા ગામે ઊંડા ફળીયામાં રહેતો જશવંતભાઇ ઉમેદભાઇ વાઘેલા નામનો ઇસમ પીપળાતા, આખડોલ, કરોલી ગામે વિવિધ જગ્યાઓ પર ચોરી કરે છે. તાજેતરમાં તેણે જીસા ઇલેક્ટ્રિકની દુકાનમાં ચોરી કરી હતી, જેનો સામાન હજુ પણ તેના ઘરમાં જ સંતાડેલો છે. જેના આધારે ડીવાયએસપી શ્યાનની ટીમે પંચના માણસો સાથે રાખી જશવંત વાઘેલાના ઘરે સર્ચ કર્યુ હતુ.