Gujarati News

Gujarati News

News of Sunday, 9th August 2020

નર્મદા કલેક્ટરના બંગલે રાત્રી ફરજ પુરી કરી પોતાના ઘરે પહોંચેલા રાજપીપળા પો.સ્ટે.ના કોન્સ્ટેબલનું હૃદયરોગના હુમલામા મોત

મરનાર અશોકભાઇ કાળાભાઇ વલવી કલેક્ટરના બંગલે રાત્રી ફરજ પૂર્ણ કરી સવારે પોતાના ઘરે પહોંચતા છાતીમાં દુખાવો થયા બાદ રાજપીપળા સિવિલમાં લાવ્યા પરંતુ સારવાર મળે એ પહેલાજ તેમનું મોત થયું

(ભરત શાહ દ્વારા)  રાજપીપળા: રાજપીપળા પોલીસ સ્ટેશનમાં ફરજ બજાવતા આર્મ હેડ કોન્સટેબલનું હૃદયરોગના હુમલામાં મોત થતા પોલીસ વિભાગ માં ઘેરા શોકની લાગણી વ્યાપી જવા પામી છે.

  પ્રાપ્ત માહિતી અનુસાર રાજપીપળા પો.સ્ટે.માં આર્મ હેડ કોન્સટેબલ તરીકે ફરજ બજાવતા અશોકભાઈ કાળા ભાઈ વલવી (૫૫)જીતગઢ ગામના નિશાળ ફળીયા માં રહેતા હતા,ગતરોજ તેમની ફરજ નર્મદા કલેક્ટર ના બંગલા પર હોય તે રાત્રી ફરજ પુરી કરી સવારે પોતાના ઘરે પહોંચતા જ અચાનક તેમને ગભરામણ થઈ ચક્કર આવ્યા બાદ છાતીમાં દુખાવો થતા તેમના પરીવારજનો તાત્કાલીક ૧૦૮ એમ્બુલન્સમાં રાજપીપળા સિવિલ હોસ્પિટલ ખાતે સારવાર માટે દાખલ કર્યા પરંતુ તેમને સારવાર મળે તે પહેલા ફરજ ઉપરના ડોકટરે તેમને મૃત જાહેર કર્યા હતા.આમ અચાનક નર્મદા પોલીસના એક કોન્સ્ટેબલનું મૃત્યુ થતા પોલીસ વિભાગ માં ઘેરા શોકની લાગણી વ્યાપી જવા પામી હતી.

(1:46 pm IST)
  • જામનગરમાં ફરી ભૂકંપનો આંચકો : સાંજે 7,15 કલાકે ગ્રામ્ય વિસ્તારમાં ધરા ધ્રુજી :મતવા -ખાનકોટડા ગામમાં 2,8ની તીવ્રતાના અનુભવાયા આંચકા : જામનગરથી 25 કી,મી, દૂર કેન્દ્રબિંદુ access_time 7:55 pm IST

  • અમદાવાદના જુહાપુરામાં કોરોનાગ્રસ્ત મહિલા બુટલેગરના ઘરમાંથી PCBએ મોટા પ્રમાણમાં દારૂ અને બિયર ઝડપી પાડ્યો:વેજલપુર પોલીસ સ્ટેશન હદમાં 20 દિવસમાં બીજીવાર અન્ય એજન્સીના દરોડા:PCBએ દરોડો પાડી વિદેશી દારૂ અને બિયરનો રૂ. 2.32 લાખનો જથ્થો જપ્ત કર્યો:જુહાપુરા પ્રિન્સ ડુપ્લેક્ષમાં રહેતી નસીમબાનુ કુરેશીના ઘરે દરોડા access_time 7:05 pm IST

  • કર્ણાટકના આરોગ્ય પ્રધાન બી શ્રીરામુલુ કોરોના વાયરસથી સંક્રમિત થયાની પુષ્ટિ થઈ છે : તેમને હોસ્પિટલમાં દાખલ કરવામાં આવ્યા છે અને મંત્રી દ્વારા ટ્વીટ કરીને આ વાતની પુષ્ટિ કરવામાં આવી access_time 10:54 pm IST