Gujarati News

અમદાવાદ:શહેરમાં સાઈબર ક્રાઈમના ગુનાનું પ્રમાણ વધી રહ્યું છે.દરિયાપુર વિસ્તારમાં રહેતી યુવતીનું ઈન્સ્ટાગ્રામ પર ફેક આઈડી બનાવી  કોઈએ તેનો અને તેની પિતરાઈ બહેનનો ફોટો મુકીને બિભત્સ લખાણ લખ્યું હતું. આ અંગે યુવતીએ સાઈબર ક્રાઈમ પોલીસમાં ફરિયાદ નોંધાવતા પોલીસે આરોપીની ધરપકડ કરી હતી. ફ્રેન્ડશીપ માટે મોકલેલી રિકવેસ્ટનો યુવતીએ રિપ્લાય ન આપતા આરોપીએ આ કૃત્ય કર્યું હોવાનું તપાસમાં બહાર આવ્યું હતું.

આ બનાવની વિગત મુજબ દરિયાપુર વિસ્તારમાં રહેતી યુવતીના નામનું ઈન્સ્ટાગ્રામ પર ફેક આઈડી બનાવીને યુવતી અને તેની પિતરાઈ બહેનના ફોટા મુકી બિભત્સ લખાણ લખવામાં આવ્યું હતું. યુવતીને આ અંગે જાણ થતા તેણે સાયબર ક્રાઈમ ોપલીસ સ્ટેશનમાં ફરિયાદ નોંધાવતા પોલીસે ઘાટલોડીયા ગામમાં નાનો ઠાકોરવાસમાં રહેતા ૨૨ વર્ષના નીખીલ આર ટાંક(કડીયા)ની ધરપકડ કરી હતી. પુછપરછમાં તેણે આ યુવતીને એકવાર તેના મિત્ર સાથે મળ્યો હતો. બાદમાં તેણે યુવતીને ફ્રેનડશીપ કરવા મેસેજ કર્યો હતો. પરંતુ યુવતીએ સરખો રિપ્લાય ન આપતા તેણે ગુસ્સામાં આ કૃત્ય કર્યું હોવાનું પોલીસને જણાવ્યું હતું.