Gujarati News

Gujarati News

News of Saturday, 9th June 2018

ગાંધીનગરના સે-24માં જાણવણીના અભાવે બગીચામાં કસરતના સાધનો તૂટ્યા

ગાંધીનગર:શહેરમાં ઠેકઠેકાણે નગરજનોના આરોગ્યની સુખાકારી માટે કસરતના સાધનો મુકવામાં આવ્યા છે. પરંતુ આ સાધનો ટુંકાગાળામાં જ તુટવા માંડતા ગુણવતાની સાથે સાથે તંત્રની નબળી કામગીરીની પણ પોલ ખોલી રહ્યાં છે ત્યારે સેક્ટર-૨૪ બગીચામાં નંખાયેલાં સાધનોની સ્થિતિ પણ આવી જ જોવા મળી રહી છે. રાજ્યના પાટનગરમાં સ્થાનિક તંત્ર દ્વારા ઠેકઠેકાણે કસરતના સાધનો મુકવામાં આવ્યા છે. ત્યારે લોકોના આરોગ્યની સુખાકારી જળવાઇ રહે તેના ભાગરૃપે ઘણાં બગીચાઓમાં પણ સાધનોની કીટ લગાડવામાં આવી છે અને નગરજનો તેનો ઉત્સાહપૂર્વક લાભ લઇ રહ્યાં છે. પરંતુ આ સાધનોની ગુણવતા સામે અનેક સવાલ ઉભા થતાં હોય તેમ નબળી કામગીરીની પોલ પણ બિસ્માર બનેલાં સાધનો ખોલી રહ્યાં છે. સેક્ટર-૨૪ના બગીચામાં થોડા સમય અગાઉ જ કસરતના વિવિધ સાધનો લગાડવામાં આવ્યા હતાં. આ સાધનો માટે સ્પેશ્યિલ જગ્યા પણ બગીચામાં ફાળવવામાં આવી હતી.

 

 

(5:20 pm IST)
  • મુશર્રફનો પાસપોર્ટ-પાકિસ્તાની ઓળખપત્ર સસ્પેન્ડઃ દુબઇમાં રહેવુ ગેરકાનુની થઇ જશેઃ વિદેશયાત્રા પણ કરી શકશે નહિ access_time 4:18 pm IST

  • વડાપ્રધાન નરેન્દ્ર મોદીએ શનિવારે ચીનના કિંગદાઓ શહેરમાં રાષ્ટ્રપતિ શી જિનપિંગ સાથે મુલાકાત કરી. બંન્ને નેતાઓએ દ્વિપક્ષીય સહયોગના તમામ મુદ્દાઓ પર ચર્ચા કરી. મીટિંગથી પહેલા બંન્ને નેતાઓ ગર્મજોશીથી મળ્યા. પોતાના સંબોધનમાં પીએમ મોદીએ કહ્યું કે, ભારત અને ચીન વચ્ચે મજબૂત અને સ્થિર સંબંધથી વિશ્વને સ્થિરતા અને શાંતિની પ્રેરણા મળી શકે છે. તેમણે વુહાનમાં શીની સાથેની અનૌપચારિક મુલાકાતને પણ યાદ કરી હતી. શી જિનપિંગ સાથેની મુલાકાત બાદ વડાપ્રધાન નરેન્દ્ર મોદીએ ટ્વીટ કરીને ચીનના રાષ્ટ્રપતિ સાથેની તસ્વીર પણ પોતાના ટ્વીટર પર શેર કરી હતી. access_time 7:17 pm IST

  • સીરિયાના બળવાખોર કબ્જાગ્રસ્ત ઇદ્લીબ પ્રાંતના એક ગામ પર રશિયાએ ફરી કર્યા ઘાતક હવાઈ હુમલાઓ : ૬ બાળકો સહિત લગભગ ૪૪ લોકોના મોત થયાનું બહાર આવ્યું : જોકે રશિયાએ આ વાતનો રદિયો આપતાં કહ્યું છે કે તેમણે આ હુમલાઓ નથી કર્યા access_time 12:37 pm IST