Gujarati News

Gujarati News

News of Saturday, 9th June 2018

બોરસદના ભાદરણિયા નજીક બોરકૂવા બાબતે બે પરિવારો બાખડ્યા

બોરસદ:તાલુકાના ભાદરણીયા ગામે આવેલી વડ તલાવડી સીમમાં સહિયારા બોરકુવા બાબતે બે પરિવારો વચ્ચે ઝઘડો થતાં બેને દાંતી મારીને ઘાયલ કર્યા હતા. આ અંગે ભાદરણ પોલીસે બન્ને પક્ષોની ફરિયાદો લઈને ગુનાઓ દાખલ કરી તપાસ હાથ ઘરી છે.

 


મધુબેન મનહરભાઈ ઠાકોરે આપેલી ફરિયાદમાં જણાવ્યું છે કે, તેમના ઘર આગળ સસરાના કુટુંબીજનોનો સહિયારો બોરકુવો આવેલો છે જે બોરકુવાના પાણીનો હોજ બનાવેલ હોય, બોરકુવાનું પાણી ચીમનભાઈ રણછોડભાઈ ઠાકોરના ખેતરમાં ચાલુ હોય મધુબેનના પુત્ર જયંતિભાઈ પાણી જોવા માટે હોજ ઉપર ચઢ્યા હતા જેથી ચીમનભાઈએ ગમે તેવી ગાળો બોલતા મધુબેને ગાળો બોલવાની ના પાડી હતી. જેથી ચીમનભાઈ એકદમ ગુસ્સે ભરાઈને ઘરેથી દાંતી લઈ આવ્યા હતા અને એકદમ મારવા જતા મધુબેને ડાબો હાથ આગળ કરી દેતાં કાંડાના ભાગે દાંતી વાગતાં લોહીલુહાણ થઈ જવા પામ્યા હતા. મુકેશભાઈ મનહરભાઈ ઠાકોર વચ્ચે છોડાવવા પડતાં કાનજીભાઈ શનાભાઈ ઠાકોર, જયેશભાઈ ચીમનભાઈ ઠાકોર તથા શંકરભાઈ કનુભાઈ ઠાકોરે ગડદાપાટુનો માર મારીને જાનથી મારી નાંખવાની ધમકી આપી હતી.

સામા પક્ષે સવિતાબેન ચીમનભાઈ ઠાકોરે ફરિયાદ આપી હતી જેમાં જણાવ્યું હતુ કે, કાનજીભાઈના ખેતરમાં જતુ પાણી બંધ થઈ જવા પામ્યું હતુ. જેથી સવિતાબેન તથા કાનજીભાઈ જોવા માટે ગયા હતા જ્યાં મનહરભાઈને પુછતાં તેઓએ જણાવ્યું હતુ કે, હોજનું બારું મે બંધ કર્યું છે તેમ જણાવીને ગાળો બોલતા બુમરાણ મચી જવા પામી હતી. સવિતાબેનના પતિ ચીમનભાઈ બુમરાણ સાંભળીને આવી પહોંચતા જયંતિભાઈએ દાંતી વીંઝતા ડાબા હાથે વાગી જવા પામી હતી. લાલજીભાઈએ લાકડાનો ડંડો કાનજીભાઈને ડાબા પગે ઢીંચણ ઉપર મારી દીધો હતો. મધુબેન તથા ગણપતભાઈ દ્વારા ગમે તેવી ગાળો બોલીને સવિતાબેનને તથા ઘરના સભ્યોને કુવા ઉપર આવશો તો જાનથી મારી નાંખીશુ તેવી ધમકી આપી હતી.

(5:19 pm IST)
  • શનિવારે પેટ્રોલમાં લીટરે 40 પૈસા અને ડીઝલમાં 40થી 45 પૈસાનો મોટો ઘટાડો થવાની શકયતા:સતત 11માં દિવસે પેટ્રોલ ડીઝલમાં ભાવ ઘટશે:અત્યાર સુધીમાં સૌથી મોટો ઘટાડો થશે :ઘટયા ભાવ સવારે છ વાગ્યાથી લાગુ થશે :નવા ભાવ મુજબ પેટ્રોલ લિટરે 76,33 રૂપિયા અને ડીઝલનો ભાવ લિટરે 73,42 રૂપિયા થશે :રાજ્ય પ્રમાણે કરવેરા અલગ થશે:છેલ્લા સાત દિવસથી પેટ્રોલ ડીઝલના ભાવમાં ઘટાડો થઇ રહ્યો છે access_time 11:25 pm IST

  • શિવસેનાએ ભાજપનુ નાક દબાવ્યું: વિધાનસભાની ર૮૮ બેઠકોમાંથી ૧પર બેઠકો માંગીઃ ભાજપને ૧૩૬ બેઠકોની ઓફરઃ સીએમ પણ ઉધ્ધવ પોતાના પક્ષના ઇચ્છે છે જો કે ભાજપ ૧૩૦ થી વધુ બેઠક આપવાના મુડમાં નથી. access_time 3:49 pm IST

  • હવામાન વિભાગે આગામી ચાર-પાંચ દિવસ માટે ચેતવણી આપી છે, જે મુજબ દેશના ઘણા વિસ્તારોમાં આંધી-તોફાન અને ભારે વરસાદની આશંકા વ્યક્ત કરવામાં આવી છે. મુંબઈ, કોંકણ, કર્ણાટક, ઉત્તર પ્રદેશ, દિલ્હી, હરિયાણા, હિમાચલ પ્રદેશથી લઈને બંગાળ સુધી આંધી-તોફાન અને ભારે વરસાદની સંભાવના વ્યક્ત કરાઈ છે. આ સાથે દરિયાઈ વિસ્તારોમાં માછીમારોને દરિયો ન ખેડવા સૂચના અપાઈ છે. access_time 2:40 am IST