Gujarati News

માતર:તાલુકાના રતનપુરમાં ફ્રીજમાં પાણીના બોટલ મુકતી વખતે માતા-પુત્રીને વીજ કરંટ લાગતા તેમને નડિયાદની ખાનગી હોસ્પિટલમાં દાખલ કરવામાં આવ્યાં હોવાનું જાણવા મળે છે.

મળતી માહિતી મુજબ માતર તાલુકાના રતનપુરમાં રહેતા મહેબુબખાન પઠાણના પત્ની રૂક્શાનાબાનું (ઉં.વ ૪૫) અને તેમની ૨૧ વર્ષની પુત્રી ખુશ્બુ ઘરના વાસણ સાફ કર્યા બાદ પાણીની બોટલો ભરી ફ્રીજમાં મુકવા જતી હતી તે વખતે એકાએક વીજ કરંટ લાગતા બંને ગંભીર દાઝી ગઈ હતી. જેથી તેમને પ્રથમ ખેડા હોસ્પિટલમાં અને બાદમાં નડિયાદની ખાનગી હોસ્પિટલમાં વધુ સારવાર માટે દાખલ કર્યાં છે. આ અંગે ખેડા પોલીસે જાણવાજોગ નોંધ દાખલ કરીને કાર્યવાહી હાથ ઘરી છે.