Gujarati News

Gujarati News

News of Saturday, 9th June 2018

5 કરોડનું ઈનામ લેવા સુરતની આઇટી ઓફિસમાં માત્ર ચાર દિવસમાં 80 જેટલી અરજીઓનો ઢગલો

કરોડોની બેનામી પ્રોપર્ટીની માહિતી અપાયાના દાવા

સુરત:બેનામી સંપત્તિઓની માહિતી આપનારને 5 કરોડના ઈનામની જાહેરાત બાદ સુરતની IT ઓફિસમાં અરજીઓનો ઢગલો થયો છે 5 કરોડ કમાવવાની લાલચે માત્ર ચાર જ દિવસમાં આઈટી ઓફિસે 80 જેટલી અરજીઓ આવી છે, જેમાં કરોડોની બેનામી પ્રોપર્ટીની માહિતી અપાયાના દાવા થઈ રહ્યા છે.

  સૂત્રોનું માનીએ તો, ઈન્કમ ટેક્સના અધિકારીઓએ આ અરજીઓને ચકાસવાનું શરુ કરી દીધું છે, અને તેના આધારે તપાસ પણ કરવામાં આવશે. જો કોઈ વ્યક્તિએ આપેલી માહિતી સાચી નીકળી તો તેને સરકારે કરેલી જાહેરાત અનુસાર ઈનામ પણ આપવામાં આવશે. અત્યાર સુધી બેનામી મિલ્કતોની બાતમી આપનારાને આઈટી વિભાગ દ્વારા 20 ટકા રકમ ઈનામમાં અપાતી હતી.

  એક આઈટી અધિકારીના જણાવ્યા મુજબ  અરજીઓ મળવાનો સિલસિલો હજુય યથાવત છે, અને કેટલીક અરજીઓ પર કામ પણ શરુ કરી દેવાયું છે. મહત્વનું છે કે, સરકારે હજુ આ અઠવાડિયે જ જાહેરાત કરી હતી કે, બેનામી પ્રોપર્ટીની માહિતી આપનારાને પાંચ કરોડનું ઈનામ અપાશે, અને જે પણ આ માહિતી આપશે તેની તમામ વિગતો ગુપ્ત રાખવામાં આવશે.

  બેનામી પ્રોપર્ટી અંગે માહિતી આપનારા મોટાભાગના અંદરના લોકો અને કેટલાક કિસ્સામાં તો કુટુંબીજનો જ હોય છે. સુરતમાં આમ પણ બ્લેક મની અને બેનામી પ્રોપર્ટીની ખાસ્સી બોલબાલા છે. નોટબંધી વખતે પણ સુરતમાં અબજો રુપિયાના વહીવટ થયા હતા, અને તેમાં જ બિટકોઈનનું કૌભાંડ પણ થયું હતું જે હાલમાં જ બહાર આવ્યું છે.

(2:50 pm IST)
  • શનિવારે પેટ્રોલમાં લીટરે 40 પૈસા અને ડીઝલમાં 40થી 45 પૈસાનો મોટો ઘટાડો થવાની શકયતા:સતત 11માં દિવસે પેટ્રોલ ડીઝલમાં ભાવ ઘટશે:અત્યાર સુધીમાં સૌથી મોટો ઘટાડો થશે :ઘટયા ભાવ સવારે છ વાગ્યાથી લાગુ થશે :નવા ભાવ મુજબ પેટ્રોલ લિટરે 76,33 રૂપિયા અને ડીઝલનો ભાવ લિટરે 73,42 રૂપિયા થશે :રાજ્ય પ્રમાણે કરવેરા અલગ થશે:છેલ્લા સાત દિવસથી પેટ્રોલ ડીઝલના ભાવમાં ઘટાડો થઇ રહ્યો છે access_time 11:25 pm IST

  • વડાપ્રધાન નરેન્દ્ર મોદીએ શનિવારે ચીનના કિંગદાઓ શહેરમાં રાષ્ટ્રપતિ શી જિનપિંગ સાથે મુલાકાત કરી. બંન્ને નેતાઓએ દ્વિપક્ષીય સહયોગના તમામ મુદ્દાઓ પર ચર્ચા કરી. મીટિંગથી પહેલા બંન્ને નેતાઓ ગર્મજોશીથી મળ્યા. પોતાના સંબોધનમાં પીએમ મોદીએ કહ્યું કે, ભારત અને ચીન વચ્ચે મજબૂત અને સ્થિર સંબંધથી વિશ્વને સ્થિરતા અને શાંતિની પ્રેરણા મળી શકે છે. તેમણે વુહાનમાં શીની સાથેની અનૌપચારિક મુલાકાતને પણ યાદ કરી હતી. શી જિનપિંગ સાથેની મુલાકાત બાદ વડાપ્રધાન નરેન્દ્ર મોદીએ ટ્વીટ કરીને ચીનના રાષ્ટ્રપતિ સાથેની તસ્વીર પણ પોતાના ટ્વીટર પર શેર કરી હતી. access_time 7:17 pm IST

  • હવામાન વિભાગે આગામી ચાર-પાંચ દિવસ માટે ચેતવણી આપી છે, જે મુજબ દેશના ઘણા વિસ્તારોમાં આંધી-તોફાન અને ભારે વરસાદની આશંકા વ્યક્ત કરવામાં આવી છે. મુંબઈ, કોંકણ, કર્ણાટક, ઉત્તર પ્રદેશ, દિલ્હી, હરિયાણા, હિમાચલ પ્રદેશથી લઈને બંગાળ સુધી આંધી-તોફાન અને ભારે વરસાદની સંભાવના વ્યક્ત કરાઈ છે. આ સાથે દરિયાઈ વિસ્તારોમાં માછીમારોને દરિયો ન ખેડવા સૂચના અપાઈ છે. access_time 2:40 am IST