Gujarati News

Gujarati News

News of Saturday, 9th June 2018

કરોડોના ક્રિકેટ સટ્ટામાં જેનું નામ ખૂલ્યું તે હરેશ ચૌધરીની પત્નિ પૂનમ અમદાવાદ એરપોર્ટથી ઝડપાઇ

સ્ટારની વેબસાઇટ હેક કરી ૮ સેકન્ડ વ્હેલા 'લાઇવ' જોઇ કરોડો - અરબોનો સટ્ટો રમનાર ઇન્દોરથી ઝડપાયા પછી કડાકા - ભડાકાઃ ઉ.ગુ.ના અનેક બુકીઓના નામ ખુલવાની વકી : હરેશ ચૌધરી કચ્છનો બુકી કમલેશ ઠક્કરનો પંટર હતો : દાઉદ, છોટા શકીલનું નામ ખુલવાની વકી : મહેસાણા, ઊંઝા, પાટણના બુકીઓની પણ સંડોવણીઃ હરેશ વિદેશ ગયાનું પરિવારે સ્વીકાર્યું

મહેસાણા તા. ૯ : મધ્યપ્રદેશના ઈન્દોરના હોલકર ક્રિકેટ સ્ટેડીયામમાં તા.૧૨, ૧૪ મેના રોજ આઈપીએલની મેચ રમાઈ હતી. આ મેચમાં સ્ટાર ટીવીની વેબસાઈટ હેક કરી લાઈવ મેચ કરતા આઠ સેકન્ડ વહેલું પ્રસારણ જોઈ ક્રિકેટનો સટ્ટો રમતો ઈન્દોરનો બુકી અંકિત ઈન્દોર ખાતેથી ઝડપાયો હતો. તેની પાસેથી પોલીસને ત્રણથી ચાર નામ મળ્યા હતા જેમાં રાધનપુરનો હરેશ ચૌધરી અને તેની પત્નિ પૂનમનું નામ ખુલ્યા બાદ કરોડોના બેનામી વ્યવહાર ઝડપાયા હતા.

આ હરેશે જ વેબસાઈટ હેક કરી કરોડોની કમાણી કરી હતી. ઉપરાંત તેની પત્નિના એકાઉન્ટથી કરોડો રૂપિયા ટ્રાન્સફર થતા તપાસ માટે ઈન્દોર પોલીસે ગુજરાતમાં ધામા નાખ્યા હતા. જેમાં આજે અમદાવાદ એરપોર્ટ પરથી હરેશ ચૌધરીની પત્નિ પૂનમ ચૌધરી ઉર્ફે પુનમ પ્રજાપતિની ઈન્દોર પોલીસે ધરપકડ કરી છે. જોકે મુખ્ય સુત્રધાર હજુ પોલીસ પકડથી ઘણો દૂર છે. ઈન્દોર તેમજ ગુજરાત પોલીસના અત્યંત આધારભૂત સુત્રોમાંથી પ્રાપ્ત વિગતો મુજબ ઈન્દોરમાં ગત તા.૧૨ અને ૧૪ મેના રોજ આઈપીએલની મેચ રમાઈ હતી.

જેમાં વેબસાઈટ હેક કરી સટ્ટો રમાતો હતો તેવી બાતમી ઈન્દોર પોલીસની સાયબર ક્રાઈમને મળી હતી. તે બાતમી પરથી પોલીસે છાપો મારી અંકિત જૈન નામના મુખ્ય સુત્રધારની ધરપકડ કરી હતી. તેની પાસેથી ગુજરાતના રાધનપુરના હરેશ ચૌધરી અને તેની પત્નિ પુનમ ચૌધરીનું નામ ખુલ્યું હતું. આ નામ ખુલતા જ ઈન્દોર સાયબર પોલીસની એક ટીમ રાધનપુર ખાતે ધામા નાખી હરેશના ઘરે રેડ કરી હતી. હરેશના મોબાઈલને લોકેશન તેને ઘર બતાવતું હોવાથી પોલીસને શંકા હતી કે હરેશ તેના ઘરેથી ઝડપાઈ જશે પણ સોફટવેર ઈજનેર હરેશ વિદેશ ભાગી ગયાનું ઘરેથી જાણ થઈ હતી. તેની સાથે પૂનમ પણ વિદેશ હોય તેવું હરેશના પિતાએ જણાવ્યું હતું. પણ ઈન્દોર પોલીસને બાતમી મળી હતી કે પૂનમ હજુ વિદેશ ગઈ નથી. ટુંક સમયમાં અમદાવાદથી ભાગી જવાની છે. જેથી ઈન્દોર પોલીસ અમદાવાદ સહિતના એરપોર્ટ ઉપર વોચમાં હતી. ત્યારે આજે સવારે પુનમ અમદાવાદ એરપોર્ટ પરથી પકડાઈ ગઈ હતી. પુનમના પકડાયા બાદ અનેક રહસ્યો પરથી પડદો ખુલશે તેવી પોલીસને આશા છે.

અમદાવાદના નિરમા યુનિ.માંથી સોફટવેર ઈજનેરનો અભ્યાસ કરનાર હરેશ ચૌધરી ટેકનીકલી ઘણો જ હોશિયાર છે. તેણે પોતાનો મોબાઈલ સ્નેકીંગ ઝોનમાં રાખ્યો છે. જેથી દુનિયાના ગમે તે ખૂણાથી પોતે કોલ કરે તેનું લોકેશન રાધનપુર જ બતાવે છે. ઈન્દોર પોલીસ પણ આરોપીની હોશિયારીથી ચોંકી ગઈ હતી.

રાધનપુર પોલીસમાંથી પ્રાપ્ત વિગત મુજબ હરેશ ચૌધરી કચ્છનો બુકી કમલેશ ઠક્કરનો પંટર હતો. શરૂઆતના દિવસોમાં કમલેશની ઓફીસે બેસી સટ્ટો રમાડતો હતો.

રાધનપુર પોલીસના ફોજદારે જણાવ્યું કે આ ખૂબ જ મોટો અને અલગ સટ્ટો છે. જેમાં આખી વેબસાઈટ હેક કરી સટ્ટો રમાઈ રહ્યો છે. આ સટ્ટાખોરીમાં દાઉદ અને છોટા શકીલ જેવાને નામ પણ ખૂલશે તેવી વકી છે.

આંતરરાષ્ટ્રીય કૌભાંડમાં મહેસાણા, ઊંઝા અને પાટણના બુકીઓની પણ સંડોવણી હોવાની પોલીસને શંકા છે. હરેશ ચૌધરી સાથે સંપર્કો ધરાવતા બધા બુકીઓની પૂછપરછ ઈન્દોર પોલીસ કરવાની છે.

આરોપી ટેકનીકલી ઘણો જ સાઉન્ડ છે. તેણે અમદાવાદથી ખાનગી કોલેજમાંથી સોફટવેર એન્જીનીરીંગ કર્યાનું પોલીસ તપાસમાં ખુલ્યું છે.

આરોપી હરેશ ચૌધરી દુબઈ ગયાનું પરિવારે પોલીસ સમક્ષ સ્વીકાર્યું હતું. હરેશની પત્નિ પણ વિદેશ હોવાની બાતમી હતી પણ તે અમદાવાદથી પકડાઈ જતા હરેશ પણ ભારત હોવાની શકયતા છે.(૨૧.૬)

(5:10 pm IST)
  • વડાપ્રધાન નરેન્દ્ર મોદીએ શનિવારે ચીનના કિંગદાઓ શહેરમાં રાષ્ટ્રપતિ શી જિનપિંગ સાથે મુલાકાત કરી. બંન્ને નેતાઓએ દ્વિપક્ષીય સહયોગના તમામ મુદ્દાઓ પર ચર્ચા કરી. મીટિંગથી પહેલા બંન્ને નેતાઓ ગર્મજોશીથી મળ્યા. પોતાના સંબોધનમાં પીએમ મોદીએ કહ્યું કે, ભારત અને ચીન વચ્ચે મજબૂત અને સ્થિર સંબંધથી વિશ્વને સ્થિરતા અને શાંતિની પ્રેરણા મળી શકે છે. તેમણે વુહાનમાં શીની સાથેની અનૌપચારિક મુલાકાતને પણ યાદ કરી હતી. શી જિનપિંગ સાથેની મુલાકાત બાદ વડાપ્રધાન નરેન્દ્ર મોદીએ ટ્વીટ કરીને ચીનના રાષ્ટ્રપતિ સાથેની તસ્વીર પણ પોતાના ટ્વીટર પર શેર કરી હતી. access_time 7:17 pm IST

  • શિવસેનાએ ભાજપનુ નાક દબાવ્યું: વિધાનસભાની ર૮૮ બેઠકોમાંથી ૧પર બેઠકો માંગીઃ ભાજપને ૧૩૬ બેઠકોની ઓફરઃ સીએમ પણ ઉધ્ધવ પોતાના પક્ષના ઇચ્છે છે જો કે ભાજપ ૧૩૦ થી વધુ બેઠક આપવાના મુડમાં નથી. access_time 3:49 pm IST

  • આજે ફરી તટીય મહારાષ્ટ્ર, ગોવામાં અતિ ભારે વરસાદની સંભાવના : ગઈકાલે મહારાષ્ટ્રમાં ચોમાસાનો પ્રારંભ થયા બાદ આજે રાજ્યના તટીય ભાગો, મુંબઈ અને ગોવામાં અતિ ભારે વરસાદ થવાની સંભાવના છે. તટીય કર્ણાટક, ગોવા અને દક્ષિણ મહારાષ્ટ્રમાં પહેલેથી જ વરસાદની સ્થિતિ સર્જાઈ છે. મુંબઈ અને આસપાસના વિસ્તારોમાં પ્રશાસન કોઈ પણ ઈમરજન્સીની પરિસ્થિતિને પહોંચી વળવા માટે એલર્ટ પર છે. BMC કર્માચારીઓની વીકેન્ડની રજાઓ પણ રદ કરી દેવામાં આવી છે. access_time 11:16 am IST