Gujarati News

Gujarati News

News of Saturday, 9th June 2018

સંપર્ક ફોર સમર્થન :કેન્દ્રીય મંત્રી પુરુષોત્તમ રૂપાલા વસંત વગડો પહોંચ્યા :શંકરસિંહનું માંગ્યું સમર્થન

રૂપાલાએ મોદી સરકારની કામગીરી-ઉપલબ્ધીઓનું પુસ્તક આપ્યું :બાપુએ કહ્યું કામ કર્યા છે કે નહીં જાણકારી મેળવશે

ગાંધીનગર :સંપર્ક ફોર સમર્થન અભિયાન હેઠળ કેન્દ્રીય પ્રધાન પુરૂષોત્તમ રૂપાલાએ પૂર્વ કોંગ્રેસી નેતા શંકરસિંહ વાઘેલા સાથે મુલાકાત કરી છે. પુરુષોત્તમ રૂપાલા વસંત વગડા પહોંચ્યા હતા જ્યાં તેમણે શકરસિંહ વાઘેલા સાથે વાતચીત કરી તેમનું સમર્થન માંગ્યું હતુ.

 આ પ્રસંગે રૂપાલાએ શંકરસિંહને મોદી સરકારની 4 વર્ષની કામગીરીની ઉપલબ્ધિઓનું પુસ્તક આપ્યું હતુ. વાઘેલાએ આ પુસ્તકા લઈને સરકારે વાસ્તવિકતામાં કામ કર્યા છે કે નહીં તેની જાણકારી મેળવશે તેમ કહ્યું હતુ. વાઘેલાએ કહ્યું કે જો સરકારે કામ કર્યા હશે તો અભિનંદન આપવામાં આવશે અને કામ નહીં કર્યા હોય તો સરકારનું ધ્યાન દોરવામાં આવશે.

 મહેન્દ્રસિંહ વાઘેલાના ભાજપમાં આવવા મુદે રૂપાલાએ ગોળગોળ જવાબ આપ્યો હતો અને કહ્યું હતુ કે ભાજપમાં જોડાવવા માટે તમામ લોકો માટે પક્ષના દરવાજા ખુલ્લા છે.

(11:46 pm IST)
  • હવામાન વિભાગે આગામી ચાર-પાંચ દિવસ માટે ચેતવણી આપી છે, જે મુજબ દેશના ઘણા વિસ્તારોમાં આંધી-તોફાન અને ભારે વરસાદની આશંકા વ્યક્ત કરવામાં આવી છે. મુંબઈ, કોંકણ, કર્ણાટક, ઉત્તર પ્રદેશ, દિલ્હી, હરિયાણા, હિમાચલ પ્રદેશથી લઈને બંગાળ સુધી આંધી-તોફાન અને ભારે વરસાદની સંભાવના વ્યક્ત કરાઈ છે. આ સાથે દરિયાઈ વિસ્તારોમાં માછીમારોને દરિયો ન ખેડવા સૂચના અપાઈ છે. access_time 2:40 am IST

  • એક સેટમાં પાછળ રહ્યાં બાદ રોમાનિયાની સિમોના હાલેપે શાનદાર કમબેક કરતા સ્લોએને સ્ટીફન્સને ફ્રેન્ચ ઑપનની ફાઈનલમાં હરાવી પહેલું ગ્રાન્ડસ્લેમ પોતાના નામે કર્યું. દુનિયાની નંબર 1 ખેલાડી હાલેપે બે કલાક અને ત્રણ મિનિટ ચાલેલી આ મેચમાં 3-6, 6-4, 6-1થી જીત મેળવી. અગાઉ હાલેપ ત્રણ ગ્રાન્ડસ્લેમ ફાઈનલમાં હારી ચૂકી છે જેમાં બે વખત રોલેન્ડ ગેરો પર મળેલી હાર પણ શામેલ છે. access_time 2:38 am IST

  • મુશર્રફનો પાસપોર્ટ-પાકિસ્તાની ઓળખપત્ર સસ્પેન્ડઃ દુબઇમાં રહેવુ ગેરકાનુની થઇ જશેઃ વિદેશયાત્રા પણ કરી શકશે નહિ access_time 4:18 pm IST