Gujarati News

Gujarati News

News of Friday, 9th April 2021

કાલથી અમદાવાદ ઝાયડસ હોસ્પિટલમાં નહિ મળે રેમડેસીવીર ઇન્જેક્શન : સ્ટોક તૈયાર થયે ફરીથી લોકોને ઇન્જેક્શન આપશે

હાલ યુદ્ધના ધોરણે કામ ચાલુ : તુરંત જ સ્ટોક તૈયાર થવાની આશા

અમદાવાદ : રાજ્યની વિખ્યાત ઝાયડસ કંપની જે રેમડેસિવિર ઇન્જેક્શનનું ઉત્પાદન કરે છે તેને કંપનીની હોસ્પિટલ પરથી કાલથી રેમડેસીવીર ઇન્જેક્શન આપવાનું બંધ કરવા જાહેરાત કરી છે હાલમાં ઇન્જેક્શન ઉપલબ્ધ નહિ હોવાનું કારણ જણાવ્યું છે અને જે જરૂરિયાત છે તે માટે હાલ યુદ્ધના ધોરણે કામ ચાલી રહ્યું છે અને તુરંત જ સ્ટોક તૈયાર કરવા ઉમેર્યું છે સ્ટોક ઉપલબ્ધ થયેથી ફરી રેમડેસીવીર ઇન્જેક્શન અપાશે અને નવી જાહેરાત કરાશે

   અત્રે કંપનીએ તેની ઝાયડસ હોસ્પિટલ ખાતે ૫ એપ્રિલથી ૧૨ એપ્રિલ સવારે ૮ થી સાંજે ૮ સુધી જરૂરિયાત હોય તેવા લોકોને રૂ.૮૯૯માં ઇન્જેક્શન આપવાની જાહેરાત કરી હતી અને આજ સુધી હજારો દર્દીઓને ઇન્જેક્શન મળ્યા પણ છે, પરંતુ હવે સ્ટોક ખતમ થઈ જવાથી જાહેરાત કરવી પડી છે.

(11:44 pm IST)
  • દિલ્હીની સર ગંગારામ હોસ્પિટલના 37 ડોકટરો બાદ હવે એમ્સના 30 થી વધુ ડોકટરો કોરોના સંક્રમિત : વેક્સિનના બંને ડોઝ લીધા હતા : છેલ્લા 24 કલાકમાં 7 હજારથી વધુ નાગરિકો કોરોના સંક્રમિત થયા access_time 4:52 pm IST

  • આવતા ૪-૫ દિવસ સુધી દેશમાં કોરોના કેસ એક લાખથી વધુ રહેશે : એક અહેવાલ મુજબ દેશમાં આ અઠવાડિયાના ૪ થી ૫ દિવસ સુધી એક લાખથી વધુ કોરોના કેસો રહેશે. રિકવરી રેટ પણ ઘટીને ૯૧.૨૨ ટકા થયો છે, જ્યારે પોઝિટિવિટી દર વધીને ૭.૫૦ ટકા થયો છે. access_time 11:16 am IST

  • કોરોના નાથવા સરકાર લોકડાઉન કે આંશિક લોકડાઉનનો સહારો લઇ રહી છે. મહારાષ્ટ્રના કેટલાક શહેરોમાં ઘણા દિવસોથી વેપાર ધંધા ઠપ્પ છે. લોકડાઉન એ ઉપાય નથી. માટે વેપારીઓએ કોરોનાથી નહીં, ભૂખમરાથી મરીશુ એવા પોસ્ટર સાથે વિરોધ પ્રદર્શન કર્યું હતું. લોકડાઉન ન લદાય એ માટે લોકોએ પણ જવાબદાર બનીને બિનજરૂરી હર-ફર બંધ કરવી જોઇઅ, માસ્ક પહેરીને જ બહાર જવું જોઇએ. access_time 10:45 am IST