Gujarati News

Gujarati News

News of Friday, 9th April 2021

અમદાવાદના કૃષ્‍ણનગર વિસ્‍તારમાં અંકુર ઇન્‍ટરનેશનલ સ્‍કૂલ પાસે ફાયર સેફટીના તમામ સાધનો હોવા છતાં આગે વિકરાળ રૂપ ધારણ કરતા અનેક સવાલો ઉભા થયા

અમદાવાદ: શહેરના કૃષ્ણનગર વિસ્તારમાં આવેલી અંકુર ઈન્ટરનેશન સ્કૂલમાં અચાનક ભીષણ આગ લાગતા અફરાતફરીનો માહોલ જોવા મળ્યો હતો. આ ઘટનામાં સ્કૂલ પાસે ફાયર સેફ્ટીના તમામ સાધનો હોવા છતાં આગે વિકરાળ રૂપ ધારણ કરતાં અનેક સવાલ ઉભા થયા છે.

આ અંગે વાત કરતા ફાયર ઓફિસરે જણાવ્યું કે, શાળાનું નવું જ કન્સ્ટ્રકશન કરવામાં આવ્યું છે. તેમજ ફાયર સેફ્ટીના તમામ સાધનો લગાડવામાં આવ્યા છે. તમામ સ્કૂલોએ આગની ઘટનાઓથી બચવા માટે માત્ર ફાયર સેફ્ટીના સાધનો લગાવવા જરૂરી નથી. આવા સાધનોને વાપરતા પણ આવડવું જોઈએ. આગ લાગવાના કારણ અંગે ફાયર વિભાગે જણાવ્યું કે, સ્કૂલમાં કલર કામ ચાલી રહ્યું હતું. આથી કલર કે થીનરમાં કોઈ જ્વલનશીલ પદાર્થ પડવાના કારણે આગ પકડાઈ હોઈ શકે છે.

ફાયર વિભાગને આ ઘટનાની જાણ થઈ, ત્યાં સુધીમાં આગે વિકરાળ રૂપ ધારણ કરીને તમામ ફ્લોરને પોતાની ચપેટમાં લઈ લીધા હતા. જેના પગલે ત્યાં કલરકામ કરી રહેલા કારીગરો પોતાનો જીવ બચાવવા માટે ધાબા પર ચડી ગયા હતા. હાલ ફાયર બ્રિગેડેની ટીમ દ્વારા ભારે જહેમત બાદ આગ પર કાબૂ મેળવી લેવાયો છે અને ત્યાં રહેલા કારીગરોને પણ બચાવી લીધા છે.

(5:39 pm IST)
  • સુરતમાં બેકાબુ કોરોનાને કાબુમાં લેવા ભરચક્ક પ્રયાસો : આજથી ૭ દિવસ લારી-ગલ્લા બંધ રાખવા તંત્રનો મૌખિક આદેશ : સુરત મનપાની ટીમોએ દ્વારા તમામ ઝોનમાં ખાણી-પીણીની લારીઓ તેમજ પાનના ગલ્લાઓ બંધ કરાવવાની કામગીરી શરૃ કરી દીધી : વ્યસનીઓ દોડતા થયા.. access_time 6:24 pm IST

  • દેશમાં કોરોનાના કેસમાં ભયંકર ઉછાળો : અત્યાર સુધીના તમામ રેકોર્ડ તૂટ્યા : રેકોર્ડબ્રેક નવા કેસ નોંધાયા : રાત્રે 11 વાગ્યા સુધીમાં કોરોનાના નવા 1,44,829 કેસ નોંધાયા :કુલ કેસની સંખ્યા 1,32,02,783 :એક્ટિવ કેસ 10,40,993 થયા વધુ 77,199 દર્દીઓ સ્વસ્થ થતા કુલ 1,19, 87, 940 થયા :વધુ 773 લોકોના મોત સાથે કુલ મૃત્યુઆંક 1,68,467 થયા: દેશમાં સૌથી વધુ મહારાષ્ટ્રમાં નવા 58,993 નવા કેસ નોંધાયા access_time 1:07 am IST

  • રાજકોટના મોટાભાગના વેપારી એસોસિએશનએ આવતીકાલથી શનિ અને રવિવારના રોજ, શહેરમાં કોરોના સંક્રમણ વધતા, તકેદારી રૂપે સ્વયંભૂ બધી મુખ્ય બજારો બંધ રાખવાનો નિર્ણય કર્યાનું જાણવા મળે છે : વધુ વિગતો મેળવાય રહી છે... access_time 6:29 pm IST