Gujarati News

Gujarati News

News of Friday, 9th April 2021

દિકરાનો જન્‍મ થાય તો પતિ સાથે રહેવા મળે એ લાલચે મહિલાએ નવજાત બાળકની ચોરી કરી હતીઃ ગાંધીનગરમાં મહિલાની પૂછપરછમાં ચોંકાવનારો ખુલાસો

ગાંધીનગર: અઠવાડિયા પહેલા ગાંધીનગર સિવિલ હોસ્પિટલમાં નવજાત બાળકની ચોરી કરનાર મહિલાની ધરપકડ કરાઈ છે. મહિલાની પૂછપરછમાં ચોંકાવનારો ખુલાસો થયો કે, દીકરાનો જન્મ થાય તો એ પતિ સાથે રહેવા મળે એ લાલચે મહિલાએ નવજાત બાળકની ચોરી કરી હતી.

ગાંધીનગર સિવિલમાં એક અઠવાડિયા પહેલા નવજાત બાળકને વજન કરાવવા લઈ જઉ છું તેવુ કહીને એક મહિલા બાળકને ઉઠાવી ગયી હતી. બાળકની માતા જ્યારે ડિલીવરી માટે સિવિલ હોસ્પિટલમાં આવી. ત્યારે મહિલા સાથે ડિલીવરી દરમિયાન કોઈ ન હતું. મહિલાની એકલતાનો લાભ ઉઠાવી તેની સાથે રહેતી હતી. એટલુ જ નહિ, બાળકની ચોરી કરવા માટે મહિલા ચોરે માસ્ટર પ્લાન બનાવ્યો હતો. બાળક અને માતાને હોસ્પિટલમાંથી રજા આપ્યા બાદ પણ આ મહિલા આરોપી તેમના ઘરે રહેવા ગઈ હતી. બાદમા ત્રીજા દિવસે ફરી સિવિલમાં બતાવવા આવવાનું છે તેવુ કહીને બાળકની ચોરી કરીને મહિલા ફરાર થઈ હતી. સમગ્ર કેસમાં પોલીસે મહિલા અને તેના પતિની ધરપકડ કરી છે.

શા માટે કરી મહિલાએ ચોરી

ગાંધીનગર પોલીસે આરોપી મહિલા અસ્મિતા ભારથી અને તેના પતિ જિગ્નેશ ભારથીની ધરપકડ કરી છે. બંનેને પૂછપરછ કરતા જાણવા મળ્યું કે, અસ્મિતા અને જિગ્નેશને લગ્ન જીવનમાં ત્રણ દીકરીઓ હતી. પરંતુ પતિ જિગ્નેશને પુત્રની ઝંખના હતી. હવે દીકરાનો જન્મ થાય તો જ બંને સાથે રહે તેમ હતું. પરંતુ અસ્મિતા હવે માતા બની શકે તેવી શક્યતા ન હતી. તેથી તેણે બાળક ચોરીનો પ્લાન બનાવ્યો હતો.

કેવી રીતે પોલીસે મહિલા સુધી પહોંચી

આ અંગે પોલીસ ફરિયાદ થઈ હતી. જેના બાદ પોલીસે આસપાસના લોકોની પૂછપરછ કરી હતી. અલગ અલગ 12 ટીમો બનાવી પોલીસે તપાસ હાથ ધરી હતી. અંદાજે 200 જેટલા સીસીટીવી કેમેરા અને 500 રીક્ષા ચાલકોની પૂછપરછ કરવામાં આવી હતી. ત્યારે પોલીસને આ મહિલા ગાંધીનગર પાસેના રાજપુરમાં રહેતી હોવાની માહિતી મળી હતી. જો કે ત્યાંથી બંને આરોપીઓ પોતાના વતન બનાસકાંઠા જિલ્લાના વગદા ગામે ગયા હોવાની માહિતી મળી હતી. ત્યારે ગાંધીનગર પોલીસની ટીમે વગદા પહોંચીને મહિલા અને તેના પતિની ધરપકડ કરી હતી. સાથે જ બાળકનો કબજો લઈને તેના પરિવારને પરત સોંપ્યું હતું તેવું ગાંધીનગર ડીવાયએસપી એમકે રાણાએ જણાવ્યું.

(5:35 pm IST)
  • લગભગ દોઢ મહિના પછી, પૂર્વી લદ્દાખને અડીને LAC પરના તનાવને સંપૂર્ણ રીતે સમાપ્ત કરવા માટે શુક્રવારે ભારત અને ચીનના કોર કમાન્ડરો ફરીથી મળવા જઇ રહ્યા છે. આ બેઠક LAC ની બાજુમાં, ચુસુલમાં, ભારતમાં યોજાશે. લગભગ એક વર્ષથી પૂર્વ લદ્દાખને અડીને LAC પરના તણાવમાં આ અગિયારમો રાઉન્ડ છે. 20 મી ફેબ્રુઆરીએ છેલ્લી બેઠક મળી હતી. access_time 12:25 am IST

  • કોરોના રોગચાળો હવે પર્યાવરણ માટે પણ મોટો ખતરો બની ગયો છે. કોરોનાથી બચવાના ઉપાયમાં સિંગલ યુઝ માસ્ક અને પીપીઇ કીટ સૌથી મહત્વપૂર્ણ છે. દરરોજ કરોડોની સંખ્યામાં તેનો ઉપયોગ રોજ કરવામાં આવી રહ્યો છે, પરંતુ તેમને સુરક્ષિત રીતે નષ્ટ કરવા માટે કોઈ ફ્રેમવર્ક તૈયાર કરવામાં આવ્યું નથી. ખરાબ કે તૂટેલા માસ્ક વિશ્વભરમાં જમીન, સમુદ્ર અને નદીઓ માટે જોખમ બની ગયા છે. તબીબી કચરા તરીકે તેનો નાશ કરવાને બદલે, તેને ક્યાંય પણ ફેંકી દેવામાં આવી રહ્યા છે. access_time 10:04 pm IST

  • આવતા ૪-૫ દિવસ સુધી દેશમાં કોરોના કેસ એક લાખથી વધુ રહેશે : એક અહેવાલ મુજબ દેશમાં આ અઠવાડિયાના ૪ થી ૫ દિવસ સુધી એક લાખથી વધુ કોરોના કેસો રહેશે. રિકવરી રેટ પણ ઘટીને ૯૧.૨૨ ટકા થયો છે, જ્યારે પોઝિટિવિટી દર વધીને ૭.૫૦ ટકા થયો છે. access_time 11:16 am IST