Gujarati News

Gujarati News

News of Friday, 9th April 2021

કોરોના સંક્રમણને ફેલાતુ અટકાવવા મહેસાણાના વેપારીઓ દ્વારા શનિ-રવિ સ્‍વયંભુ બંધ પાળવાનો નિર્ણયઃ ગુજરી બજાર પણ રવિવારે બંધ રહેશેઃ પાલિકાની બેઠકમાં નિર્ણય

મહેસાણા: જીવલેણ કોરોના વાઈરસના સંક્રમણને ફેલાતુ અટકાવવા માટે વહીવટી તંત્ર તરફથી રાજ્યના અનેક શહેરોમાં નાઈટ કરફ્યૂ લગાવવામાં આવ્યું છે, ત્યારે મહેસાણા શહેરમાં વેપારીઓ દ્વારા શનિવાર અને રવિવારે સ્વયંભૂ બંધ પાળવાનો નિર્ણય કરવામાં આવ્યો છે.

આ અંગે પ્રાપ્ત વિગતો મુજબ, જિલ્લામાં કોરોના સંક્રમણની સ્થિતિ અંગે ચર્ચા કરવા માટે શહેરના ટાઉન હોલ ખાતે વેપારીઓની બેઠક મળી હતી. જેમાં વિકેન્ડ દરમિયાન સ્વયંભૂ બંધ રાખવાનો નિર્ણય લેવામાં આવ્યો છે.

આ સિવાય વેપારી એસોસિએશનના સભ્યોએ ભેગા મળી સોમવારથી આગામી 31 એપ્રિલ સુધી શહેરના બજારો સાંજે 6 વાગ્યા સુધી જ ખુલ્લા રાખવાનો નિર્ણય લીધો છે. આમ સોમવાથી સાંજે 6 વાગ્યા પછી શહેરના બજારો બંધ રહેશે. જ્યારે મહેસાણા શહેરમાં ભરાતુ ગુજરી બજાર પણ રવિવારના રોજ બંધ રહેશે.

આ બેઠકમાં મહેસાણા પાલિકા પ્રમુખ, ઉપ પ્રમુખ, ભાજપ જિલ્લા પ્રમુખ, વિવિધ વેપારી એસેસિએશન સહિત મંત્રીઓ ખાસ હાજર રહ્યાં હતા.

(5:28 pm IST)
  • કોરોના રોગચાળો હવે પર્યાવરણ માટે પણ મોટો ખતરો બની ગયો છે. કોરોનાથી બચવાના ઉપાયમાં સિંગલ યુઝ માસ્ક અને પીપીઇ કીટ સૌથી મહત્વપૂર્ણ છે. દરરોજ કરોડોની સંખ્યામાં તેનો ઉપયોગ રોજ કરવામાં આવી રહ્યો છે, પરંતુ તેમને સુરક્ષિત રીતે નષ્ટ કરવા માટે કોઈ ફ્રેમવર્ક તૈયાર કરવામાં આવ્યું નથી. ખરાબ કે તૂટેલા માસ્ક વિશ્વભરમાં જમીન, સમુદ્ર અને નદીઓ માટે જોખમ બની ગયા છે. તબીબી કચરા તરીકે તેનો નાશ કરવાને બદલે, તેને ક્યાંય પણ ફેંકી દેવામાં આવી રહ્યા છે. access_time 10:04 pm IST

  • દિલ્હીની ગંગારામ હોસ્પિટલના ૩૭ ડોકટરોને કોરોના પોઝીટીવ આવતા મુખ્યમંત્રી અરવિંદ કેજરીવાલે હોસ્પિટલના ચેરમેન ડો.રાણાને તાકીદે બોલાવ્યા છે access_time 3:55 pm IST

  • ઇંગ્લેન્ડ : એડિનબર્ગના ડ્યુક, પ્રિન્સ ફિલિપ, જેમણે 73 વર્ષ પહેલા રાણી એલિઝાબેથ સાથે લગ્ન કર્યા હતા, તેમનું આજે સવારે વિન્ડસર કેસલ ખાતે નિધન થયું છે. તેઓ 99 વર્ષના હતા. ઇંગ્લેન્ડમાં માતમ છવાયો access_time 4:58 pm IST