Gujarati News

Gujarati News

News of Friday, 9th April 2021

સુરતના તમામ ઝોનમાં આવેલા કન્ટેનમેન્ટ અને માઈક્રો કન્ટેનમેન્ટ ઝોનમાં ખાણી પીણીની લારી બંધ કરાવાઈ

કોરોના સંક્રમણ વધતા મનપાએ ભીડ ભાડ રોકવા હવે કડક વલણ અપનાવ્યું

સુરતમાં કોરોનાનું સંક્રમણ વધી રહ્યું છે.અને રેકોર્ડ બ્રેક કેસો સામે આવી રહ્યા છે. બીજી તરફ લોકોને સંપૂર્ણ તકેદારી રાખવા અપીલ કરવામાં આવી રહી છે. પરંતુ સુરતમાં હજુ પણ ભીડ ભાડ થતી જોવા મળી રહી છે. ત્યારે મનપાએ ભીડ ભાડ રોકવા હવે કડક વલણ અપનાવ્યું છે. મનપાએ અધિકારીઓની વિવિધ ટીમો બનાવી છે. અને વિવિધ ટીમો થકી સુરતના તમામ ઝોનમાં આવેલા કન્ટેનમેન્ટ અને માઈક્રો કન્ટેનમેન્ટ ઝોનમાં ખાણી પીણી ની લારી બંધ કરાવી હતી. આ ઉપરાંત પાનના ગલ્લા, રેસ્ટોરન્ટ હેટેલ અને નાસ્તાની લારીઓ પણ બંધ કરાવી હતી.

 અત્રે ઉલ્લેખનીય છે કે સુરતમાં રેકોર્ડ બ્રેક કેસો સામે આવી રહ્યા છે તેમ છતાં સુરતમાં હજુ પણ ભીડભાડ અને નિયમનો ધજીયા ઉડી રહી છે. ત્યારે સંક્રમણ વધે નહિ અને લોકો તકેદારી રાખે તે માટે મનપા દ્વારા હવે કડક વલણ પણ અપનાવામાં આવી રહ્યું છે. સાથે જ લોકોને સંપૂર્ણ તકેદારી રાખવા ખાસ અપીલ પણ કરવામાં આવી રહી છે.

અત્રે ઉલ્લેખનીય છે કે રાજ્યમાં સતત કોરોના કેસમાં વધતો નોધાઇ રહ્યો છે. ગત રોજ આરોગ્ય વિભાગના જણાવ્યા અનુસાર ગઈ કાલે રાજ્યમાં 4021 જેટલા રેકોર બ્રેક કેસ નોધાયા છે. જયારે રાજ્યમાં મૃત્યુ આંક પણ સાત વધી રહ્યો છે. ગત રોજ રાજ્યમાં 35 લોકોના કોરોના કારણે મોત થયા છે.

(2:00 pm IST)
  • કોરોના રોગચાળો હવે પર્યાવરણ માટે પણ મોટો ખતરો બની ગયો છે. કોરોનાથી બચવાના ઉપાયમાં સિંગલ યુઝ માસ્ક અને પીપીઇ કીટ સૌથી મહત્વપૂર્ણ છે. દરરોજ કરોડોની સંખ્યામાં તેનો ઉપયોગ રોજ કરવામાં આવી રહ્યો છે, પરંતુ તેમને સુરક્ષિત રીતે નષ્ટ કરવા માટે કોઈ ફ્રેમવર્ક તૈયાર કરવામાં આવ્યું નથી. ખરાબ કે તૂટેલા માસ્ક વિશ્વભરમાં જમીન, સમુદ્ર અને નદીઓ માટે જોખમ બની ગયા છે. તબીબી કચરા તરીકે તેનો નાશ કરવાને બદલે, તેને ક્યાંય પણ ફેંકી દેવામાં આવી રહ્યા છે. access_time 10:04 pm IST

  • IPL 2021 ના તમામ મેચના લાઈવ સ્કોર જોવા માટે જોતા રહેજો www.akilanews.com વેબસાઈટ : દેશભરમાં કોરોના પોતાનો કાળો કેર વરસાવી રહ્યો છે. તે વચ્ચે આઈપીએલની શરૂઆત થવા જઈ રહી છે. તેથી ઘરે બેઠા લોકો ડરના માહોલ વચ્ચે મનોરંજન મેળવી શકશે અને રિલેક્શ પણ અનુભવી શકશે. વર્તમાન ચેમ્પિયન મુંબઈ ઇન્ડિયન્સ અને રોયલ ચેલેન્જર્સ બેંગ્લોર વચ્ચે આજે સાંજે 7.30 વાગે આઇપીએલ-14ની પ્રથમ ટક્કર થશે. access_time 9:24 am IST

  • ઇંગ્લેન્ડ : એડિનબર્ગના ડ્યુક, પ્રિન્સ ફિલિપ, જેમણે 73 વર્ષ પહેલા રાણી એલિઝાબેથ સાથે લગ્ન કર્યા હતા, તેમનું આજે સવારે વિન્ડસર કેસલ ખાતે નિધન થયું છે. તેઓ 99 વર્ષના હતા. ઇંગ્લેન્ડમાં માતમ છવાયો access_time 4:58 pm IST