Gujarati News

Gujarati News

News of Thursday, 9th April 2020

રાજપીપળામાં વેપારીઓ દ્વારા લોકડાઉનમાં લૂંટ : વિમલ ,મીરાજ સહિતની ગુટખા જોઈતી હોય તો ૨૫૦ રૂપિયા

રાજપીપળામાં લોકડાઉનમાં તંત્રએ બે કલાક દુકાન ખુલ્લી રાખવા છૂટ આપેલા કેટલાક વેપારીઓ દ્વારાજ લૂંટ..?

(ભરત શાહ દ્વારા) રાજપીપળા : હાલ કોરોના મહામારી વચ્ચે લોકડાઉન લાગુ કરાયું હોય રાજપીપળા શહેરની લગભગ તમામ દુકાનો બંધ છે જેમાં શાક માર્કેટ સહિત કેટલીક જીવન જરૂરિયાતની દુકાનો બે કલાક ખુલ્લી રાખવા છૂટ અપાઈ છે પરંતુ એ પૈકી અમુક દુકાનદારો લૂંટ ચલાવતા હોવાની વાત સાંભળવા મળી હોય જેમાં ગુટકા,સિગારેટ,તમાકુ સહિતનો જથ્થાબંધ સામાન વેચનાર અમુક વેપારીઓ બમણા ભાવ લઈ વ્યસનીઓ તેમજ અન્ય વેપારીઓનો ફાયદો ઉઠાવી રહ્યા છે ત્યારે એક વેપારીના જણાવ્યા મુજબ વિમલ,મીરાજ સહિતની વસ્તુઓ જે ૧૩૫ રૂપિયાનું પેકેટ મળતું હતું તેનો ભાવ આ લોકો ૨૫૦ રૂપિયા લઈ કાળા બજાર માં તગડી કમાણી કરી લૂંટ ચલાવે છે જેથી ૫/-રૂપિયાની છૂટક વિમલ કે મીરાજ ૧૦/-માં વેચાય છે.જોકે આમાં વ્યસનીઓ મો માંગ્યા ભાવ આપવા તૈયાર થતા હોવાથી જથ્થાબંધ ના વેપારીઓને ઘીકેળાં છે પરંતુ આ દુકાનો પર જો પોલીસ,પત્રકાર કે કોઈ અજાણ્યા વ્યક્તિ લેવા જાય તો માલ નથી તેમ કહી ના પાડી દેતા હોય જેથી એમની પોલ બહાર ન આવે માટે આવા કાળા બજાર કરતા વેપારીઓ સામે તંત્ર કડક પગલાં લે એ જરૂરી છે

(7:02 pm IST)
  • દિલ્હીમાં ગઇરાત સુધીમાં કોરોનાના નવા ૯૩ કેસઃ તમામ તબ્લીઘી જમાતના કાર્યકર્તાઃ નિયમોનું ઉલ્લઘન : પાટનગરમાં ગઇરાત સુધીમાં કોરોનાના ૯૩ નવા કેસ નોંધાયા તે તમામ તબ્લીઘી જમાતના કાર્યકર્તાના હોવાનું જાણીતા પત્રકાર આદિત્ય રાજ કૌલે ટવીટ કરી જાહેર કર્યું છે. આ લોકોએ નિઝામુદીન ખાતે સરકારના નિયમો અને સાવચેતીના પગલાનું ઉલ્લંઘન કરી મરકઝમાં હાજરી આપી હતી. દિલ્હીના ગઇકાલ સુધીના ૫૭૬ કોરોના કેસમાંથી ૩૩૩ જમાતી કાર્યકરો છે access_time 11:24 am IST

  • રાજકોટમાં ૩૭.૬ ડિગ્રી : રાજકોટ શહેરમાં હાલ મહતમ નોર્મલ તાપમાન ૩૭ થી ૩૮ ડીગ્રી ગણાય. બપોરે ૧૪ કિ.મી.ની ઝડપે પવન ફુંકાય છે. એકાદ બે દિવસમાં ગરમીમાં વધારો થશે access_time 4:17 pm IST

  • દિલ્હીમાં માસ્ક પહેર્યા વગર ઘરની બહાર નીકળનારને 6 મહિના સુધીની જેલની જોગવાઈ : 200 થી 1000 રૂપિયા સુધીનો દંડ : મુખ્ય સચિવ વિજય દેવનો આદેશ access_time 6:48 pm IST