Gujarati News

Gujarati News

News of Thursday, 9th April 2020

અમદાવાદ જીલ્લાના વિવિધ ગામોમાં મેલેરીયા શાખા દ્વારા સેનીટાઇઝેશન કામગીરી કરાઈ

છેલ્લા એક અઠવાડીયામાં હોમ ક્વોરન્ટાઇન કરવામાં આવેલા ૫૭૫ લોકોના ઘરે સેનીટાઇઝેશન કરાયું : શેલા ગામમાં ડ્રોનની મદદથી સેનીટાઇઝેશન કામગીરી

(વંદના નીલકંઠ વાસુકિયા દ્વારા ) વિરમગામ :હાલની કોરોના વાયરસની પરિસ્થીતીને ધ્યાનમાં રાખીને કલેક્ટર અમદાવાદ અને જીલ્લા વિકાસ અધિકારી અમદાવાદની સુચના મુજબ અમદાવાદ જીલ્લાની વિવિધ ગામમાં હોમ ક્વોરન્ટાઇન કરવામાં આવેલા લોકોના ઘરે મેલેરીયા શાખા, જિલ્લા પંચાયત અમદાવાદ સંલગ્ન કર્મચારીઓ દ્વારા સેનીટાઇઝેશનની કામગીરી કરવામાં આવી હતી. સાણંદ તાલુકાના શેલા ગામમાં કોરોના પોઝીટીવ કેસ નોંધાતા શેલા ગામમાં વિશેષ ડ્રોનની મદદથી સેનીટાઇઝેશન કામગીરી હાથ ધરવામાં આવી હતી. છેલ્લા એક અઠવાડીયામાં અમદાવાદ જીલ્લામાં ૫૭૫ ઘરોમાં સેનેટાઇઝેશનની કામગીરી પુર્ણ કરવામાં આવેલ છે. આ ઉપરાંત નોવેલ કોરોના વાયરસ અંગે જનજાગૃતિ પત્રિકાઓનું વિતરણ કરીને કોરોના વાયરસથી બચવાના ઉપાયો, હાથ ધોવાની રીત સમજાવવામાં આવી હતા. મુખ્ય જિલ્લા આરોગ્ય અધિકારી ડો.સતીષ મકવાણા તથા જીલ્લા મેલેરીયા અધિકારી નરેન્દ્રસિંહ રાઠોડના સીધા માર્ગદર્શન હેઠળ વિરમગામ માંડલ,  દેત્રોજ,  સાણંદ,  બાવળા , ધોળકા,  ધંધુકા,  દસક્રોઇ તાલુકામાં આ કામગીરી હાથ ધરવામાં આવી હતી.

          અમદાવાદ જીલ્લા મેલેરીયા અધિકારી નરેન્દ્રસિંહ રાઠેડે જણાવ્યુ હતુ કે, હવા દ્વારા ચેપી વ્યક્તિના સંપર્કમાં આવવાથી કોરોના વાઇરસનો ચેપ લાગી શકે છે. તાવ, ખાંસી, કફ, વહેતું નાક, ગળાનો દુખાવો, શ્વાસની તકલીફ, શ્વાસ લેવામાં મુશ્કેલી ધ્રુજારી આ બધા કોરોના વાયરસના લક્ષણો છે. જો થોડી સાવચેતી રાખવામાં આવે તો કોરોના વાઇરસના ચેપથી ચોક્કસ બચી શકાય તેમ છે. કોરોના વાયરસથી બચવા માટે વારંવાર સાબુથી હાથ ધોવા, ખાંસી કે છીંક ખાતી વખતે રૂમાલથી મોઢા ઢાંકવુ, હાથ મિલાવવા ના બદલે ભારતીય સંસ્કૃતિને અનુરૂપ નમસ્કારનો ઉપયોગ કરવો, જાહેરમાં થૂકવું નહીં અને ખાસ ભીડભાડવાળી જગ્યાઓથી દૂર રહેવું જોઈએ. છેલ્લા એક અઠવાડીયામાં અમદાવાદ જીલ્લામાં ૫૭૫ ઘરોમાં સેનેટાઇઝેશનની કામગીરી પુર્ણ કરવામાં આવેલ છે. . સાણંદ તાલુકાના શેલા ગામમાં કોરોના પોઝીટીવ કેસ નોંધાતા શેલા ગામમાં વિશેષ ડ્રોનની મદદથી સેનીટાઇઝેશન કામગીરી હાથ ધરવામાં આવી હતી.

(6:58 pm IST)
  • અમેરીકામાં કોરોનાની ૧૦ દવાની કલીનીકલ ટ્રાયલ ચાલુઃ ટ્રમ્પ : ઝડપભેર પ્રસરી રહેલ કોરોના વાયરસને ઝડપભેર નાથવા અમેરીકાના વહીવટી તંત્રે અભૂતપૂર્વ પ્રયાસો હાથ ધરાયા હોવાનું રાષ્ટ્રપતિ ડોનાલ્ડ ટ્રમ્પે જાહેર કર્યું છે રસી કે દવા વગર વિશ્વમાં ૮૮,૫૦૦ લોકોના જીવ ગયા છે અને ૧૫ લાખને કોરોના લાગુ પડયો છે access_time 4:17 pm IST

  • અનંત મુકેશભાઈ અંબાણીનો જન્મદિન : પરિમલ નથવાણીએ અભિનંદન આપ્યા : રિલાયન્સ ઈન્ડસ્ટ્રીઝના યુવા સંચાલક શ્રી અનંત અંબાણીનો જન્મદિવસ છે. રિલાયન્સ ઈન્ડસ્ટ્રીઝના સીનીયર ગ્રુપ પ્રેસીડેન્ટ અને રાજયસભાના સભ્ય શ્રી પરિમલભાઈ નથવાણીએ મોડીરાત્રે ટ્વીટ કરી ભગવાન દ્વારકાધીશના આર્શીવાદ સતત વરસતા રહે તેવી શુભેચ્છા પાઠવી હતી. access_time 1:07 pm IST

  • આલેલે.......: હવે " માસ્ક " પણ મિલ્કતની ગણતરીમાં : લંડનની હોસ્પિટલમાંથી 3 માસ્કની ચોરી કરનાર શખ્સને 3 મહિનાની જેલ access_time 12:10 pm IST