Gujarati News

Gujarati News

News of Thursday, 9th April 2020

હોસ્પિટલમાં ફરજ બજાવનાર કોરોનાગ્રસ્તની વિરુદ્ધ ફરિયાદ

ટ્રાવેલિંગ હિસ્ટ્રી છુપાવતા પોલીસ ફરિયાદ નોંધાઇ : હિંમતનગર સિવિલમાં સ્ટાફ તરીકે સેવા આપે છે : રિપોર્ટ

અમદાવાદ,તા.૮  :       ગુજરાતમાં એક તરફ લોકલટ્રાન્સમિશનના કેસ વધી રહ્યા છે હિંમતનગર સિવિલમાં સ્ટાફ તરીકે ફરજ બજાવતા અને રાજસ્થાનના નરેન્દ્રસિંહ ચૌહાણ ૩૩ વર્ષના યુવકને કોરોના પોઝિટિવ કેસ સામે આવતા સમગ્ર પંથકમાં ભારે ચકચાર મચી ગઇ હતી. ખાસ કરીને સ્થાનિક તંત્રમાં દોડધામ મચી ગઇ હતી. હિમંતનગર સિવિલ આઇસોલેશન વોર્ડમાં ફરજ બજાવતા બ્રધરે ટ્રાવેલિંગ હિસ્ટ્રી છુપાવતા હિંમતનગર સિવિલ હોસ્પિટલના તબીબે ડિઝાસ્ટર મેનેજમેન્ટ એક્ટ હેઠળ હિંમતનગર એ ડિવિઝનમાં ફરિયાદ દાખલ કરાવી છે. જેના આધારે પોલીસે કાયદેસર કાર્યવાહી હાથ ધરી આ કોરોનાગ્રસ્ત કર્મીને કવોરન્ટીન કરી દઇ તપાસ હાથ ધરી છે.

            હિંમતનગર સિવિલમાં સ્ટાફ બ્રધર તરીકે ફરજ બજાવતો અને કોરોનાગ્રસ્ત નરેન્દ્રસિંહ ચૌહાણ પોતાની માલિકીની ઇકો પર એમ્બ્યૂલંસના સ્ટીકર લગાવી રાજસ્થાન દર્દીઓની વર્ધી પણ મારતો હોવાની ચર્ચા ચાલી રહી છે અને રસ્તામાંથી મુસાફરો પણ બેસાડતો હતો એમ્બ્યુલન્સ વર્ધી દરમિયાન કોરોનાગ્રસ્ત દર્દીના સંપર્કમાં આવ્યા પછી તેને ચેપ લાગ્યો હોવાની ચર્ચા ચાલી રહી છે ત્યારે સિવિલ હોસ્પિટલમાં સારવાર આપનાર તબીબો સામે નરેન્દ્રસિંહ ચૌહાણે ટ્રાવેલિંગ હિસ્ટ્રી અંગે પુછાતા ગેરમાર્ગે દોરી માહિતી છુપાવતા હડિયોલ પ્રાથમિક આરોગ્ય કેન્દ્રના મેડિકલ ઓફિસર સુરૈયાબેન ખલિલ અહેમદ ડોઇએ નરેન્દ્રસિંહ રોશનસિંહ ચૌહાણ (રહે,હોસ્પિટલ કેમ્પસ, હિંમતનગર) વિરુદ્ધ હિંમતનગર એ ડિવિઝન પોલીસ સ્ટેશનમાં ડિઝાસ્ટર મેનેજમેન્ટ એક્ટ હેઠળ ફરિયાદ નોંધાવતા હિંમતનગર એ ડિવિઝન પોલીસે ફરિયાદ દાખલ કરી કાયદેસરની કાર્યવાહી હાથ ધરી હતી. આ બનાવને પગલે સમગ્ર પંથકમાં ચકચાર મચી ગઇ હતી.

(9:42 pm IST)
  • પોરબંદરના કોરોના સંક્રમિત મહિલા દર્દીને હોસ્પિટલમાંથી રજા આપી : કોરોના પોઝિટિવ 48 વર્ષના મહિલા સંપૂર્ણ સ્વસ્થ થતા ડિસ્ચાર્જ કરાયા : ઘરે પહોંચતા લતાવાસીઓએ તાળીઓ પાડીને સ્વાગત કર્યું : મહિલાએ કહ્યું હિંમત રાખી કોરોના સામે લડવું : આત્મવિશ્વાસ રાખવો જરૂરી છે access_time 9:56 pm IST

  • કોરોનાને પછડાટ આપતું કર્ણાટકઃ ૩જા સ્થાનેથી હવે દેશમાં ૧૧મા સ્થાને છે : બેંગલુરૃઃ કોવિડ-૧૯ કેસોમાં દેશમાં સતત ત્રીજા સ્થાને રહેલ કર્ણાટક હવે ત્યાંની સરકારના સતત પગલાઓ અને પ્રજાના સાથ સહકારને લીધે હવે કોરોનાના ફેલાવામાં ૧૧મા સ્થાને છે કોરોના સામેની લડતમાં સોશ્યલ ડીસ્ટન્સીંગ માનવ-માનવ વચ્ચેનું અંતર જાળવવાના તથા લોકડાઉન નિયમનો પુરે પુરા પાળવાથી આ શકય બન્યું છે. અત્યારે કોરોના પ્રસરવાનો દર ખુબ ધીમો પડી ગયો છે. access_time 11:23 am IST

  • જામનગર લેબ,માં આવેલ તમામ સેમ્પલ રિપોર્ટ નેગેટિવ : જામનગર લેબમાં કુલ 13 સેમ્પલ પરીક્ષણ માટે આવ્યા હતા : જામનગરના-2,મોરબીના-7,પોરબંદરના 2 અને દ્વારકાનું એક સેમ્પલ પરીક્ષણ માટે આવેલ access_time 7:14 pm IST