Gujarati News

Gujarati News

News of Tuesday, 9th March 2021

વડીયામાં સ્કૂલના ગેટ પાસે વિદ્યાર્થીનીની બાકી ફી માંગવા બાબતે વાલીએ શિક્ષક સાથે મારામારી કરી

(ભરત શાહ દ્વારા)રાજપીપળા : રાજપીપળા ને અડીને આવેલા વડિયા ગામમાં આવેલી સ્કૂલના ગેટ પાસે બાકી ફી બાબતે વાલી એ શિક્ષક સાથે મારામારી કરી ધમકી આપતા ફરિયાદ નોંધાઈ છે.
પ્રાપ્ત માહિતી અનુસાર પરેશકુમાર દિલીપકુમાર શાહ ની ફરિયાદ મુજબ તેઓ માય સાનેન સ્કુલ ગિરિરાજ ઇન્ટરનેશનલ સ્કુલ ના ગેટ ઉપર ઉભા હતા તે વખતે હર્નિશભાઈ કંચનભાઇ પટેલ (રહે.થરી,તા.નાંદોદ ) ગેટની અંદર આવી તેમને કહેવા લાગેલ કે મારી છોકરી હેવીને ઓનલાઈન ક્લાસ કરાવો છો તેની ફી કેમ માંગ્યા કરો છો તેમ કહેતા તેમણે જણાવેલ કે તમારી દિકરીની ટોટલ ૨૩,૫૦૦ રૂપિયા ફી છે અને તમે આજદિન સુધી પ૦૦૦ રૂપિયા જ ભરેલ છે પરંતુ કોરોનાને લીધે સરકારના નિયમ મુજબ પચીસ ટકા ફી માફ છે જેથી તેને બાદ કરતાં તમારે બાકીની ફી ભરવાની થાય છે તેવું સમજાવતા હતા ત્યારે વાલી એકદમ ઉશ્કેરાઈ જઈ શિક્ષક સાથે બિભત્સ વર્તન કરી ગાળાગાળી કરી , છુટા હાથની મારામારી કરી મુઢ ઈજા પહોંચાડી જાનથી મારી નાખવાની ધમકી આપી હોય રાજપીપળા પોલીસે વાલી વિરુદ્ધ ગુનો નોંધી કાયદેસર કાર્યવાહી કરી છે.

(10:30 pm IST)
  • કેન્દ્ર સરકારે દેશની ૪૪ કંપનીઓને ડિફેન્સ ક્ષેત્રમાં એફડીઆઈની મંજૂરી આપી: આ કંપનીઓ સીધું વિદેશી રોકાણ સ્વીકારી શકશે: એફડીઆઈ અંતર્ગત કંપનીઓને ૪૧૯૧ કરોડ રૂપિયા મળે તેવી શક્યતા: આ રકમ સંરક્ષણ ક્ષેત્રે ઉત્પાદન માટે ખર્ચાશે: રોકાણમાંથી એરક્રાફ્ટ, ડિફેન્સ સિસ્ટમ, રડાર સિસ્ટમ વગેરેનું દેશમાં જ નિર્માણ થઈ શકશે access_time 1:07 am IST

  • પ્રધાનમંત્રી નરેંદ્રભાઈ મોદી આજે સાંજે શ્રીમદ્ ભગવદ્દગીતાના શ્લોકો પર 21 વિદ્વાનોની વ્યાખ્યાઓ સાથે પાંડુલિપિના 11 ખંડોનું વિમોચન કરશે access_time 3:49 pm IST

  • રાંચી : ઝારખંડ વિધાનસભામાં ભાગ લેવા અને પેટ્રોલ-ડિઝલના ભાવ વધારાના વિરોધમાં કોંગ્રેસના ધારાસભ્ય અંબા પ્રસાદ ઘોડે ચડીને ગૃહમાં પહોંચેલ. access_time 2:52 pm IST