Gujarati News

Gujarati News

News of Friday, 9th March 2018

સુરતમાં આવાસ યોજનાના નામે લાખોની છેતરપિંડી :યાસ્મિન અને રિયાઝની ધરપકડ

મકાન અપાવી દેવાની લાલચ આપીને 4 લાખના ચેક લીધા :સાત લોકોની ફરિયાદ :માસ્ટર માઈન્ડનું નામ ખુલ્યું

સુરતમાં આવાસ યોજનામાં મકાન આપવાની લાલચ આપીને અનેક લોકો સાથે લાખોની છેતરપિંડી કરાઇ છે. અત્યારસુધીમાં 7 વ્યકિતની ફરિયાદ મળી છે.અને  21 લાખની છેતરપિંડી થઇ હોવાની વાત સામે આવી છે.

    સુરત રાંદેર પોલીસના જાપ્તામાં આવી ગયેલા યાસમીન અને રીયાઝે અનેક લોકોની સાથે લાખોની છેતરપિંડી કરી છે. આવાસ યોજનામાં મકાન અપાવવાની લાલચ આપીને 1 વ્યક્તિ પાસેથી 4 લાખના ચેક લીધા. અત્યારસુધીમાં કુલ 7 લોકો ભોગ બન્યાની વાત સામે આવી છે. 21 લાખની છેતરપિંડીની ફરીયાદ બાદ પોલીસે આ યાસમીન અને રીયાઝની ગણતરીની કલાકોમાં ધરપકડ કરી છે.

   સૌથી ચોંકાવનારી વાત તો એ છે કે યાસમીન અને રીયાઝ તો શતરંજના વઝીર છે. મુખ્યમંત્રી આવાસ યોજનામાં માસ્ટર માઇન્ડ તરીકે હેમલતા ચૌધરીનું નામ સામે આવ્યુ છે. જે હાલમાં ફરાર છે. જેને પોલીસે વોન્ટેડ જાહેર કરી છે. તો ચર્ચા એવી છે કે આવાસ યોજનામાં મકાન આપવાનું આ કૌભાંડ લાખોનું નહીં પરંતુ કરોડોનું છે 5 કરોડની છેતરપિંડી થયાની ચર્ચા ચાલી રહી છે
  . આ કૌભાંડમાં અનેક લોકો ભોગ બન્યા હોય શકે છે. જે હેમલતાના પકડાયા બાદ જ સાચી હકિકત બહાર આવશે. બની શકે હેમલતા ચૌધરીની પાછળ પણ મોટા માથાઓ હોય શકે છે જેથી તે શકયતાને પણ નકારી શકાય તેમ નથી.

(1:32 am IST)
  • વિડિયોકોન ગ્રુપના ચેરમેન વેણુગોપાલ ધૂત દેશ છોડીને ભાગી ગયા હોવાના રિપોર્ટ વહેતા થયા હતા, જો કે વેણુગોપાલે કહ્યું કે ‘આ માત્ર અફવા છે હું ભારતમાં જ છું અને દેશ છોડીને જવાનો મારો કોઇ ઇરાદો પણ નથી. હું અહ્યાં ખુશ છું અને છેલ્લા 5 વર્ષથી દેશની બહાર ગયો પણ નથી.’ ઉલ્લેખનીય છે કે વિડિયોકોન પર 20,000 કરોડનો કરજો છે. access_time 4:50 pm IST

  • મમતા બંગાળની ચિંતા કરે, દેશની નહિં: રામ માધવઃ ભાજપ મહાસચિવ રામ માધવે પશ્ચિમ બંગાળના મુખ્યમંત્રી મમતા બેનર્જીને જણાવ્યું કે, તે દેશની નહિં પણ પોતાના રાજ્યની ચિંતા કરે : તેઓએ વધુમાં જણાવ્યું કે, 'ત્રિપુરામાં કોઈ મૂર્તિ તોડવામાં નથી આવી. આ દુષ્પ્રચાર થઈ રહ્યો છે એક ખાનગી સ્થાન પર જેને મૂર્તિ લગાવી, તેને જ દૂર કરી' : તોડફોડ તો બંગાળમાં થઈ રહી છે access_time 3:49 pm IST

  • એસટી બસનું છેલ્લા બે વર્ષમાં સરકારી કાર્યક્રમોમાં ભારે ઉપયોગ, તેમ છતાં ભાડાની પૂરી રકમ હજુ સુધી ચૂકવાઈ નથી : બે વર્ષમાં ૪૭૦૪૧ બસો દોડાવાઈ : પરંતુ ભાડાપેટાની ૨૨.૭૮ કરોડ જેવી રકમ ચૂકવાઈ નથી access_time 5:53 pm IST