Gujarati News

Gujarati News

News of Friday, 9th March 2018

ખારેક પકવતા ખેડૂતોને ૨૩ લાખની સહાયતા

યુએઇ અને ઇરાનથી રોપાની આયાત

અમદાવાદ,તા.૯ : કૃષિ રાજ્યમંત્રી જયદ્રથસિંહજી પરમારે જણાવ્યું છે કે, બાગાયત પાકો થકી કિસાનો સદ્ધર થાય તે માટે રાજ્યસરકાર દ્વારા સહાય આપવામાં આવે છે. જેના ભાગરૂપે કચ્છ જિલ્લામાં ખારેક પકવતા ખેડુતોને અદ્યતન પદ્ધતિથી પાક લેવા માટે આપવામાં આવેલ માર્ગદર્શનના પરિણામે કચ્છની ખારેક આજે દેશ-વિદેશમાં પહોંચી છે. કચ્છની ખારેકનું અને દિલ્હી, ચેન્નાઈ, મુંબઈ, હૈદ્રાબાદ ખાતે પણ પુષ્કળ વેચાણ થઈ રહ્યું છે. વિધાનસભા ખાતે કચ્છ જિલ્લામાં ખારેકના વાવેતરમાં સહાય અંગે પ્રશ્નના પ્રત્યુત્તરમાં મંત્રીએ ઉમેર્યું કે, કચ્છ જિલ્લામાં ખારેક પકવતા ખેડુતોને ૨૩.૧૪ લાખની સહાય અપાઈ છે. ખેડુતોને વધુ ઉત્પાદન મળે તે માટે ઈઝરાયલ તથા કેન્દ્ર સરકારના સહયોગથી ભુજ તાલુકાના ઉપમા ખાતે સેન્ટર ફોર એકસેલન્સનું ૪૫૦ લાખના ખર્ચે નિર્માણ કરાયું છે. જેમાં ગુણવત્તાયુક્ત ખારેક ઉત્પાદન માટે માર્ગદર્શન, વ્યવસ્થાપન તાલીમ ડ્રીપ ઈરીગેશન તથા ઓટોવેધરની સુવિધા પણ ઉપલબ્ધ બનાવાઈ છે. જેનાથી ખેડુતોને માર્ગદર્શન આપવામાં આવે છે. સાથે સાથે ટીસ્યુકલ્ચર પદ્ધતિથી ખેતી કરવા માટે માર્ગદર્શન આપવામાં આવે છે. તેમજ વધુ ઉત્પાદન માટે વિદેશમાંથી રોપાની આયાત કરાય છે જે યુએઈ અને ઈરાનથી આયાત કરવામાં આવે છે. અન્ને ઉલ્લેખનીય છે કે, ટીસ્યુકલ્ચર પદ્ધતિથી ખારેકના ઉત્પાદન માટે એક હેકટરમાં ૧૨૫ રોપાઓનું વાવેતર થાય છે. પ્રતિવર્ષ ખેડુતોને ૩.૫૨ લાખનું ખર્ચ થાય છે. રોપાનું વાવેતર બાદ સાત વર્ષ પછી પ્રતિ હેકટરે ૧૨ થી ૧૩ મે.ટન ઉત્પાદન થાય છે અને પ્રતિ કિલોના ભાવે ખારેક ૩૦ના ભાવે વેચાણ થાય છે.

 

(10:09 pm IST)
  • જગવિખ્યાત સુફી ગાયક બેલડી વડાલી બ્રધર્સમાં નાના ભાઈ ઉસ્તાદ પ્યારેલાલ વડાલીનું 75 વર્ષની ઉમંરે હાર્ટ એટેકમાં મૃત્યુ થયુ છે. પ્યારેલાલ છેલ્લા કેટલાક સમયથી બીમાર હતા અને ગઈ કાલે તેમને હાર્ટ એટેક આવ્યો હતો. ગઈ કાલે તેમને અમૃતસરની ફોર્ટિસ હોસ્પિટલમાં દાખલ કરવામાં આવ્યા હતાં. ત્યાં આજે સવારે તેમણે અંતિમ શ્વાસ લીધા હતા. પ્યારેલાલ વડાલીના નિધન વિશે તેમના ભત્રીજા લખવિંદર વડાલીએ જાણ કરી હતી. access_time 1:04 pm IST

  • સુરેન્દ્રનગરના રળોલ ગામે સેન્ટ્રીંગનું કામ કરતા 7 મજૂરોને વીજશોક :એકનું મોત access_time 12:09 am IST

  • સુપર સ્ટાર રજનીકાંત સાથે જોવા મળેલ કૂતરાને ખરીદવા માટે ૨ કરોડ જેટલી જંગી રકમ આપવા ચાહકો તૈયાર access_time 5:54 pm IST