Gujarati News

Gujarati News

News of Friday, 9th March 2018

છેલ્લા બે વર્ષમાં કેન્‍દ્ર સરકાર દ્વારા ડેરી વિકાસ માટે ફાળવાતી ગ્રાન્ટમાં ઘટાડોઃ કોંગ્રેસના ધારાસભ્ય અલ્પેશ ઠાકોરના પ્રશ્નના જવાબમાં સરકારનો દ્વારા ખુલાસો

ગાંધીનગરઃ કેન્દ્ર સરકાર તરફથી ગુજરાતને ડેરી વિકાસ માટે ફાળવવામાં આવતી ગ્રાન્ટમાં નોંધપાત્ર ઘટાડો થયો છે. કોંગ્રેસ ધારાસભ્ય અલ્પેશ ઠાકોર દ્વારા વિધાનસભામાં પુછવામાં આવેલા એક પ્રશ્નના જવાબમાં જણાવાયુ હતું કે છેલ્લા ૨ વર્ષમાં કેન્દ્ર સરકાર તરફથી ડેરી વિકાસ માટે ફળવાતી ગ્રાન્ટ ઘટી છે.

 

રજુ કરવામાં આવેલ આંકડા મુજબ, વર્ષ ૨૦૧૬માં કેન્દ્ર સરકાર તરફથી ગુજરાતને ડેરી વિકાસ માટે ૨૦,૦૫,૮૯,૦૧૮ રૂપિયાની ગ્રાન્ટ ફાળવવામાં આવી હતી. જ્યારે વર્ષ ૨૦૧૭માં કેન્દ્ર સરકારે ડેરી વિકાસ માટે ગુજરાતને ૧૨, ૪૮,૫૮,૪૩૭ કરોડ રૂપિયાની ગ્રાન્ટ ફાળવી છે. આમ, એક વર્ષમાં ગુજરાતને કેન્દ્ર સરકાર તરફથી મળથી ડેરી વિકાસ ગ્રાન્ટ ૭,૫૭,૩૦,૫૮૧ રૂપિયા ઘટી ગઈ છે. જેને લઈને કોંગ્રેસે સરકાર પર સવાલો ઉઠાવ્યા છે.

અલ્પેશ ઠાકોરનુ કહેવુ છે કે, ડેરી ઉદ્યોગ ગુજરાતનો સૌથી મહત્વનો ઉદ્યોગ છે. ગુજરાતના વિવિધ ગામોના લાખો પરિવારો ડેરી ઉદ્યોગથી પોતાનુ ગુજરાન ચલાવે છે. ત્યારે કેન્દ્ર સરકાર દ્વારા ગુજરાતને ડેરી વિકાસ માટે ફળવાતી ગ્રાન્ટ ઘટાડીને રાજ્યને અન્યાય કરવામાં આવી રહ્યો છે. તેમજ કેન્દ્રની યુપીએ સરકાર સમયે ગુજરાતને અન્યાયને વાતો કરતી રાજ્ય સરકાર હવે એનડીએની કેન્દ્ર સરકાર દ્વારા થતા અન્યાય મુદ્દે એકપણ શબ્દ બોલવા માટે તૈયાર નથી.

(6:28 pm IST)
  • સૌરાષ્ટ્ર યુનિવર્સીટીમાં અનામત મુદ્દે પરિપત્રની હોળી કરાઈ :જૂની પધ્ધતિ મુજબ જ અમલીકરણ ચાલુ રાખવા માંગણી :કેમ્પસ ઉપર ગ્રાન્ટ કમિશનના પરિપત્રની હોળી access_time 12:06 am IST

  • ભવિષ્યમાં ગાંધી-નહેરુ પરિવારની બહારની વ્યક્તિ કોંગ્રેસ પ્રમુખ હોઈ શકે છે :સોનિયા ગાંધી access_time 11:55 pm IST

  • સુરેન્દ્રનગરના રળોલ ગામે સેન્ટ્રીંગનું કામ કરતા 7 મજૂરોને વીજશોક :એકનું મોત access_time 12:09 am IST