Gujarati News

Gujarati News

News of Friday, 9th March 2018

ફેબ્રુઆરી બાદ શેર બજારમાં ઘટાડાની અસરથી રાજ્યની મોટાભાગની કંપનીના શેર તૂટ્યા

અમદાવાદ: શેરબજારમાં ફેબ્રુઆરી બાદ ઘટાડાની ચાલ જોવા મળી છે. સરકારે બજેટમાં લોન્ગ ટર્મ કેપિટલ ગેઇન ટેક્સ નાખતાં તથા પીએનબીના બહાર આવેલા કૌભાંડના પગલે અને વૈશ્વિક બજારમાં જોવા મળેલા ઘટાડાની અસરથી એફઆઇઆઇ સહિત સ્થાનિક રોકાણકારોની જોરદાર વેચવાલીના પગલે જાન્યુઆરીના અંતથી ગઇ કાલ સુધીમાં સેન્સેક્સમાં ૮.૧૫ ટકાનો ઘટાડો જોવાઇ ચૂક્યો છે.

રાજ્યની મોટા ભાગની કંપનીના શેરમાં તેની અસર જોવા મળી છે. અદાણી એન્ટરપ્રાઇઝ, અદાણી પોર્ટ, અદાણી પાવર અને અદાણી ટ્રાન્સમિશનના શેરમાં જાન્યુઆરીના અંતથી ગઇ કાલ સુધી ૧૧થી ૨૪ ટકા સુધીનો ઘટાડો જોવાઇ ચૂક્યો છે. ટોરન્ટ ફાર્મા, ટોરન્ટ પાવર, સદ્ભાવ અેન્જિ., ગણેશ હાઉસિંગ, કેડિલા હેલ્થકેર કંપનીના શેરમાં ઘટાડો જોવાયો છે.

રસપ્રદ બાબત એ છે કે આ સમયગાળામાં ઝાયડસ વેલનેસ કંપનીના શેરમાં ૨૪ ટકાનો ઉછાળો જોવા મળ્યો છે. રાજ્યની મોટા ભાગની પીએસયુ કંપનીના શેરમાં તોફાની ઘટાડાની ચાલ જોવાઇ છે. આ સમયગાળામાં ૮થી ૧૬ ટકા સુધીનો ઘટાડો જોવાયો છે. જોકે ગુજરાત ગેસના શેરમાં બે ટકા સાધારણ સુધારો નોંધાયો છે.

(8:05 pm IST)
  • રાજકોટમાં સિલ્વર પાર્ક -4 માં રહેતા પ્રોફેસર રક્ષીત રૈયાણીની બળાત્કારના કેસમાં મહિલા પોલીસ દ્વારા ધરપકડ કરવામાં આવી છે. આરોપી રક્ષીતના ઘરમાં સર્વિસ કોન્ટ્રાક્ટર પર રહેતી છોકરીએ રક્ષીત રૈયાણી પર બળાત્કાર અને મારપીટ કર્યાની ફરિયાદ પોલીસમાં કરી હતી, આ ઉપરાંત રક્ષીતના માતા - પિતાની પણ મદદગારી કરવા બદલ ધરપકડ કરવામાં આવી હતી. આ એજ રક્ષીત રૈયાણી છે જેણે તાજેતરમાજ પોતાની ત્રીજી પત્નીને ઘરમાંથી બહાર તગેડી મૂકી હતી અને એ પત્ની એના ઘરની જ બહાર ધરણા પર બેઠી હતી. access_time 12:55 am IST

  • આલેલે... : યુપીની 11 માર્ચે યોજાનાર પેટાચૂંટણીમાં પ્રધાનમંત્રી મોદી અને ક્રિકેટર વિરાટ કોહલી બન્યા મતદારો : ગોરખપુરના સહજનવાંમાં મતદાર યાદીમાં નીકળ્યા નામો : વહીવટી તંત્ર થયું ઉંધા માથે : આ ગડબડી સામે આવ્યા બાદ સ્થાનીક નેતાઓ અને અધિકારીમાં મચી અફરાતફરી : ચુંટણી પંચે શરૂ કરી તપાસ access_time 4:36 pm IST

  • માળીયા મિંયાણામા પાણીની ભારે તંગી : એક બેડા માટે ૩ કિ.મી. દૂર રઝળપાટ : મહિલાઓ અને પુરૂષોએ સાથે પીવાના પાણી ભરવા જવુ પડે છે : ઉનાળાના પ્રારંભે જ વિકટ પરિસ્થિતિ access_time 5:54 pm IST