Gujarati News

Gujarati News

News of Thursday, 8th March 2018

વાઇબ્રન્ટ એમ.ઓ.યુ. કાગળ પર : ગૃહમાં ગોકીરો

ભાવનગરમાં ઉર્જાક્ષેત્રે એમ.ઓ.યુ. થયા પણ કામગીરી ન થઇ : કોંગ્રેસ આક્રમક

ગાંધીનગર, તા. ૮ : આજે વિધાનસભા ગૃહમાં પ્રશ્નોત્તરીકાળ દરમિયાન ભાવનગર ખાતે વાયબ્રન્ટ ગ્લોબલ ઇન્વેસ્ટર્સ સમીટ-ર૦૦૭માં ઉર્જાક્ષેત્રે થયેલ એમ.ઓ.યુ. અંગે પૂછેલા પ્રશ્નના ઉત્તરમાં ઉર્જામંત્રી સૌરભ પટેલે જણાવ્યું તા. ૩૧/૧ર/૧૭ની સ્થિતિએ ર૦૦૭માં આ સમીટમાં ન્યુકિલીઅર પાવર કોર્પોરેશન મુંબઇ મીઠી વીરડી ભાવનગર ખાતે ૬૦૦૦ મે. વોટ સ્થાપિત બીજ ક્ષમતાના પાવર પ્લાન્ટ માટે અંદાજીત મૂડી રોકાણ રૂપિયા પ૦,૦૦૦ કરોડના એમ.ઓ.યુ. કરવામાં આવ્યા છે.

આ જવાબથી સંતોષ ન થતાં વિરોધ પક્ષના શૈલેષ પરમાર, પરેશ ધાનાણી દ્વારા આકરા પ્રહારો કર્યા હતાં. આ પ્રહારોમાં તેમણે જણાવ્યું કે આ એમ.ઓ.યુ. માત્ર કાગળ ઉપર છે અને ખોટન્  મોટી મોટી વાતો કરવામાં આવે છે અને કોઇ ઉર્જા ઉત્પન્ન કરવામાં આવેલ નથી.

આ સમયે ઉર્જા મંત્રી કોઇ વિશેષ વિગતો આપે તે પહેલા નાયબ મુખ્યમંત્રી નિતિનભાઇ પટેલે આ સમિટની વિશેષ પ્રસારની વિગતો આપવાનો પ્રયાસ હાથ ધર્યો હતો. પરંતુ વિરોધ પક્ષ દ્વારા હો-હા, દેકારો ચાલુ રહેતા રાજયના મુખ્યમંત્રી વિજય રૂપાણીએ ઉભા થવાની ફરજ પડી હતી. મુખ્યમંત્રીએ જણાવ્યું કે આ એમ.ઓ.યુ. કર્યા બાદ સુનામી આવેલ અને ખેડૂતો દ્વારા આંદોલન કરવામાં આવેલ હતું માટે આ કામગીરી થઇ શકેલ નથી.

આમ આ જવાબથી સંતોષ ન થતા વિરોધ પક્ષ દ્વારા થોડીવાર માટે હો-હા, દેકારો ચાલુ રહ્યો હતો. આ પ્રશ્ને અંદાજે ર૦ મિનિટ સુધી ચર્ચાઓ થઇ અને હો-હા દેકારો ચાલુ હતો આ સમયે અધ્યક્ષે આગળની કામગીરીનાં આદેશો કરતા મામલો શાંત પડયો હતો.

(4:34 pm IST)
  • ગુજરાત વિધાનસભામાં અપાઈ વિગતો :22 ધારાસભ્યોને ડાયાબિટીસ અને 90ને બ્લડપ્રેસર :વિધાનસભાનો સમય બદલવા વિચારણા :12ને બદલે 11 થી 4-30 કરવા અને શુક્રવારે 9-30 થી 2 સુધી કરવા વિચારણા access_time 12:00 am IST

  • સરકાર કુટુંબ નિયોજનને પ્રોત્સાહન આપે અને એવા પગલાં લ્યે જેથી દેશના લોકોને 2 બાળકોની પોલિસીને અનુસરવા માટે ઉત્સાહ મળે આવી માંગણી કરતી જાહેરહિતની અરજી સુપ્રીમમાં દાખલ access_time 12:07 am IST

  • જગવિખ્યાત સુફી ગાયક બેલડી વડાલી બ્રધર્સમાં નાના ભાઈ ઉસ્તાદ પ્યારેલાલ વડાલીનું 75 વર્ષની ઉમંરે હાર્ટ એટેકમાં મૃત્યુ થયુ છે. પ્યારેલાલ છેલ્લા કેટલાક સમયથી બીમાર હતા અને ગઈ કાલે તેમને હાર્ટ એટેક આવ્યો હતો. ગઈ કાલે તેમને અમૃતસરની ફોર્ટિસ હોસ્પિટલમાં દાખલ કરવામાં આવ્યા હતાં. ત્યાં આજે સવારે તેમણે અંતિમ શ્વાસ લીધા હતા. પ્યારેલાલ વડાલીના નિધન વિશે તેમના ભત્રીજા લખવિંદર વડાલીએ જાણ કરી હતી. access_time 1:04 pm IST