Gujarati News

Gujarati News

News of Thursday, 8th March 2018

સુરતઃ કાપડ વેપારીના પુત્રનું રહસ્યમય મોત

ધો. ૧૦નો છાત્ર અમીત પરીક્ષા કેન્દ્ર જોવા ગયો હતોઃ PM રીપોર્ટની જોવાતી રાહ

રાજકોટ તા. ૮ : સુરતના એક કાપડના વેપારીના પુત્રનું રહસ્યમય મૃત્યુ થયું છે.

પાંડેસરામાં એક કાપડ વેપારીનો ૧૭ વર્ષિય પુત્ર માંથામાં ઈજા થયેલી હાલતમાં મળી આવ્યો હતો. જેથી તેને તાત્કાલિક સિવિલ હોસ્પિટલ ખસેડવામાં આવ્યો હતો. જયાં ફરજ પરના તબીબે તેને મૃત જાહેર કર્યો હતો. વેપારીનો પુત્ર ધોરણ ૧૦માં અભ્યાસ કરતો હોવાની બોર્ડની પરિક્ષા હતી. જેથી બોર્ડનું સેન્ટર જોવા નીકળ્યા બાદ મોત થયું હતું. માથામાં ઈજા સિવાય શરીર અન્ય કોઈ ઈજાના નિશાન ન મળી આવતા અકસ્માત કે હત્યા અંગે રહસ્ય સર્જાયું છે.

સલથાણા ખાતે આવેલા માનસરોવર બંગલોમાં અમિત તુલસીસિંગ રાજપૂત(ઉ.વ.૧૭) પરિવાર સાથે રહેતો હતો. પિતા કાપડના વેપારી છે. અમિત સન ફલાવર સ્કૂલમાં ધોરણ ૧૦માં અભ્યાસ કરતો હતો.ગત રોજ અમિત ઘરેથી બોર્ડનું સેન્ટર જોવા જતો હોવાનું કહીં નીકળ્યો હતો. દરમિયાન રાત્રે પાંડેસરા તેરેનામ ચોકડી નજીક માથામાં ઈજા થયેલી હાલતમાં મળી આવ્યો હતો. જેથી તેને તાત્કાલિક ૧૦૮ મારફતે સારવાર અર્થે સિવિલ હોસ્પિટલ ખસેડવામાં આવ્યો હતો. જયાં ફરજ પરના તબીબે અમિતને મૃત જાહેર કર્યો હતો. પોલીસે અકસ્માતે મોત નોંધ્યું છે. જોકે, અમિતના શરીર પર અન્ય કોઈ ઈજાના નિશાન ન મળી આવતા પોસ્ટમોર્ટમ રિપોર્ટની રાહ જોવાઈ રહી છે.

(12:57 pm IST)
  • પાકિસ્તાનને અમેરિકાનો વધુ એક ઝટકો : 3 આતંકવાદીઓ પર જાહેર કર્યા 70 કરોડના ઈનામ : મુલ્લા ફઝલુલ્લાહ પર 5 મિલિયન ડૉલર (લગભગ 32 કરોડ રૂપિયા) અને બાકીના બંને અબ્દુલ વલી અને મનાલ વાઘ પર ત્રણ-ત્રણ મિલિયન ડોલર (એટલે કે 19-19 કરોડ)નું ઈનામ રાખવામાં આવ્યું છે. access_time 1:16 pm IST

  • એસટી બસનું છેલ્લા બે વર્ષમાં સરકારી કાર્યક્રમોમાં ભારે ઉપયોગ, તેમ છતાં ભાડાની પૂરી રકમ હજુ સુધી ચૂકવાઈ નથી : બે વર્ષમાં ૪૭૦૪૧ બસો દોડાવાઈ : પરંતુ ભાડાપેટાની ૨૨.૭૮ કરોડ જેવી રકમ ચૂકવાઈ નથી access_time 5:53 pm IST

  • આલેલે... : યુપીની 11 માર્ચે યોજાનાર પેટાચૂંટણીમાં પ્રધાનમંત્રી મોદી અને ક્રિકેટર વિરાટ કોહલી બન્યા મતદારો : ગોરખપુરના સહજનવાંમાં મતદાર યાદીમાં નીકળ્યા નામો : વહીવટી તંત્ર થયું ઉંધા માથે : આ ગડબડી સામે આવ્યા બાદ સ્થાનીક નેતાઓ અને અધિકારીમાં મચી અફરાતફરી : ચુંટણી પંચે શરૂ કરી તપાસ access_time 4:36 pm IST