Gujarati News

ગાંધીનગર,તા.૮ : થોડા દિવસ પહેલા જ ૧૮ વર્ષ પૂરા કરનારી ધનાઢ્ય પરિવારની એક યુવતી પોતાના પ્રેમી સાથે લાખો રુપિયાના દાગીના અને કેશ લઈને ભાગી જતાં ચકચાર મચી છે. ગાંધીનગરની બાજુમાં આવેલા કલોલના આ કિસ્સામાં પોશ એરિયામાં રહેતી યુવતીનો પરિવાર શહેરમાં પ્રતિષ્ઠા ધરાવે છે, અને થોડા દિવસ પહેલા જ યુવતીનો ૧૮મો બર્થડે ધામધૂમથી ઉજવવામાં આવ્યો હતો. જોકે, યુવતીએ કરેલી આ કરતૂતથી તેનો પરિવાર સ્તબ્ધ થઈ ગયો છે. પરિવારની દીકરી ગાયબ થતાં પહેલા તો પરિવારજનો દ્વારા જ તેને શોધવાના પ્રયાસો શરુ કરવામાં આવ્યા હતા. ઘરમાં આ અંગે તપાસ કરવામાં આવતા એવું બહાર આવ્યું હતું કે, યુવતી સાથે ઘરમાંથી અંદાજે ૪૫ લાખ રુપિયાનું સોનું તેમજ કેશ પણ ગાયબ છે. જોકે, પરિવારને કેશ અને ગોલ્ડ કરતાં દીકરીની વધુ ચિંતા છે, અને તેને ઝડપથી શોધવા માટે તેમના દ્વારા પોલીસમાં જાણવાજોગ અરજી આપવમાં આવી છે.

           હાલ પોલીસે પણ આ યુવતીને શોધવા માટે જુદી-જુદી ટીમો બનાવીને તપાસનો ધમધમાટ શરુ કર્યો છે. છોકરી ઘરમાં જ ચોરી કરી પ્રેમી સાથે ભાગી ગઈ હોય તેવી આ ઘટના કલોલમાં ચર્ચાસ્પદ બની છે. સૂત્રોનું માનીએ તો, આ યુવતી તેના ઘરની નજીકમાં રહેતા એક યુવક સાથે પ્રેમમાં હતી, પરંતુ તેના પરિવારજનોને આ અંગે કોઈ માહિતી નહોતી. યુવક અને યુવતીના સ્ટેટસમાં મોટો ફરક હોવાથી પોતાના પ્રેમસંબંધો પરિવારજનો નહીં સ્વીકારે તેવી શંકાને કારણે યુવતી ઘરેથી ભાગી ગઈ હોઈ શકે છે. માત્ર ૧૮ વર્ષની ઉંમર ધરાવતી યુવતી ભણીગણીને સારી કારકિર્દી બનાવવાના સમયે પ્રેમી સાથે ભાગી ગઈ છે તે તેનો પરિવારજ હજુય માનવા તૈયાર નથી. જોકે, દીકરીની કોઈ ભાળ ના મળતા આખરે પ્રતિષ્ઠિત પરિવારને આ મામલે હવે પોલીસ સ્ટેશનના પગથીયાં ચઢવાનો વારો આવ્યો છે. નવાઈની વાત એ છે કે, યુવતી પૂરા પ્લાનિંગ સાથે પોતાના પ્રેમી સાથે ભાગી છે. પરિવારજનોએ તે પોતાની સાથે કેશ અને ગોલ્ડ પણ લઈ ગઈ હોવાનું પોલીસને જણાવ્યું છે, અને તેની સાથે યુવતીના બર્થ સર્ટિ, આધાર કાર્ડ સહિતના ઓળખના પુરાવા પણ પોતાની પાસે લેતી ગઈ છે. આ મામલામાં યુવતી પુખ્ત વયની હોવાથી પોલીસ પણ ખાસ કંઈ ના કરી શકે. જો તેના ગુમ થવાની ફરિયાદ કે જાણવાજોગ અરજી નોંધાય તો પોલીસ તેને શોધી લાવીને યુવતીને તેના માતાપિતા સાથે જવું છે કે કેમ તે પૂછી શકે. જો યુવતી પોતાની મરજીથી પ્રેમી સાથે ભાગી છે.