Gujarati News

અમદાવાદમાં ડિસેમ્બર મહિનામાં મચ્છરજન્ય અને પાણીજન્ય રોગચાળો વકર્યો છે અને દિન પ્રતિદિન ડેન્ગ્યુ અને ચિકન ગુનિયાના કેસોમાં સતત વધારો થઈ રહ્યો છે.

ગત વર્ષે ડિસેમ્બરમાં ડેન્ગ્યુના 21 કેસની સરખામણીએ ચાલુ વર્ષે તા. 4 ડિસેમ્બર સુધીમાં ડેન્ગ્યુના કેસ બમણા વધીને 44 થયા છે. જ્યારે કમળાના કેસ ગત ડિસેમ્બરમાં 21ની તુલનાએ ચાલુ વર્ષે તા. 4 ડિસેમ્બર સુધીમાં વધીને 53 થયા છે. તા. 4 ડિસેમ્બર સુધીમાં ડેન્ગ્યુના 44, ચિકનગુનિયાના 32 અને ઝેરી મેલેરિયાનો એક કેસ નોંધાયો છે. જ્યારે ઝાડા ઉલ્ટીના 25, કમળાના 53 ટાઈફોઈડના 68 કેસ નોંધાયા છે.