Gujarati News

આણંદ: એસઓજીની ટીમે આજે બાતમીના આધારે તારાપુરથી ધર્મજ ચોકડી તરફે જવા માર્ગ પર વોચ ગોઠવીને ૭.ર૪ લાખના દારૂ સાથે બે વ્યકિતઓની અટકાયત કરી હતી. તારાપુર પોલીસે પ્રોહિબિશનનો ગૂનો દાખલ કરીને આગળની કાર્યવાહી હાથ ધરી છે.
              પ્રાપ્ત વિગતોમાં એસઓજીની ટીમ તારાપુર ચોકડીએ પેટ્રોલિંગમાં હતી તે દરમિયાન બાતમી મળી હતી કે તારાપુરના દેવજી ફળિયામાં રહેતા નગીન છોટાભાઇ પરમારના ઘર આગળથી આઇસર ગાડીમાં વિદેશી દારૂનો જથ્થો ખેડા તરફ સપ્લાય કરવામાં આવી રહ્યો છે. આથી બાતમીના આધારે એસઓજીની ટીમે તારાપુરથી ધર્મજ ચોકડી તરફ જતા રોડથી તારાપુર દેવજી ફળિયા તરફના વળાંકે વોચ ગોઠવી હતી.